Airteagal 11 Measúnú ar bhailíochtú aon samhla tomhais riosca inmheánaí, agus ar thoradh an bhailíochtaithe sin

(a)

déantar an próiseas bailíochtaithe le foireann nach bhfuil baint aici, ná nach raibh baint aici, ar bhealach ar bith le forbairt na samhla inmheánaí atá faoi réir bailíochtú;

(b)

déantar an próiseas bailíochtaithe le hacmhainní leordhóthanacha, lena n-áirítear foireann cháilithe a bhfuil taithí aici;

(c)

níl luach saothair athraitheach na foirne agus na n-ardbhainisteoirí atá freagrach as an bpróiseas bailíochtaithe ag brath ar fheidhmíocht na gcúraimí a bhaineann le réimsí gnó nó rialaithe riosca na hinstitiúide ar bhealach a chuireann bac nó a chuireann isteach ar a neamhspleáchas;

(d)

tugtar léiriú sa tuarascáil bailíochtaithe dá dtagraítear i mír 2 ar na bearta ceartaitheacha riachtanacha uile a leanann as an bpróiseas bailíochtaithe, agus cuirtear chun feidhme go tráthúil iad;

(e)

tá próiseas cinnteoireachta i bhfeidhm chun a áirithiú go gcuireann ardbhainistíocht na hinstitiúide na torthaí agus na moltaí a leanann as an bpróiseas bailíochtaithe san áireamh;

(f)

déanann an t-athbhreithneoir dá dtagraítear in Airteagal 10(1), pointe (a), measúnú tráthrialta ar chomhlíonadh na gcoinníollacha dá dtagraítear in Airteagal 10(1), pointí (e) agus (f).

(a)

a fhíorú cé acu a áirítear nó nach n-áirítear moltaí, torthaí agus conclúidí an phróisis bailíochtaithe i dtuarascáil bailíochtaithe lena sainaithnítear an méid seo a leanas agus lena dtugtar tuairisc air:

(b)

a fhíorú cé acu a chuirtear nó nach gcuirtear conclúidí, torthaí agus moltaí na tuarascála bailíochtaithe in iúl go díreach do chomhlacht bainistíochta na hinstitiúide, agus cé acu a dhéanann nó nach ndéanann an comhlacht bainistíochta breithniú orthu, sula bhformheasann an comhlacht bainistíochta sin samhail atá le cur i bhfeidhm chun ceanglais cistí dílse a ríomh agus sula gcuirtear aon athrú ar na modheolaíochtaí ina dhiaidh sin i bhfeidhm;

(c)

a fhíorú cé acu a dhéantar nó nach ndéantar doiciméadú ar aon bheart ceartaitheach atá beartaithe ag feidhmeanna an bhailíochtaithe sa tuarascáil bailíochtaithe agus cé acu a ghabhann nó nach ngabhann amlíne léi atá leordhóthanach chun na heasnaimh shainaitheanta a leigheas;

(d)

a fhíorú cé acu a áirítear nó nach n-áirítear próiseas maidir le géarú i mbeartais inmheánacha na hinstitiúide i gcás na mbeart ceartaitheach sin atá thar téarma, agus, bunaithe ar fhianaise roimhe sin, cé acu a leantar nó nach leantar an próiseas sin;

(e)

measúnú a dhéanamh ar cháilíocht fhoriomlán thoradh an phróisis bailíochtaithe trí na heasnaimh a shainaithnítear sa mheasúnú ar an tsamhail inmheánach i gcomhréir leis an Rialachán seo a chur i gcomparáid leis na heasnaimh a shainaithníonn an t-aonad bailíochtaithe sa phróiseas bailíochtaithe.