3. Chun críocha mhír 1, pointe (c), déanfaidh na húdaráis inniúla an méid seo a leanas, ar shampla d’fhachtóirí riosca ar ina leith a úsáideadh ionadaigh in áit sonraí sa tréimhse 12 mhí a chuaigh thart:
|
(a)
|
é a cheangal ar an institiúid amshraith na bhfachtóirí riosca ar úsáideadh ionadaigh ina leith a sholáthar mar a úsáidtear sa tsamhail tomhais riosca inmheánach agus amshraith na bhfachtóirí praghsála comhfhreagracha a sholáthar mar a úsáidtear sa phróiseas luachála deireadh lae;
|
|
(b)
|
a fhíorú nach ndibhéirsíonn luaineachtaí an dá amshraith dá dtagraítear i bpointe (a) go substaintiúil;
|
|
(c)
|
a fhíorú go bhfuil an dá amshraith an-chomhghaolaithe.
|
Le linn an modh measúnúcháin sin a chur i bhfeidhm, roghnóidh na húdaráis inniúla sampla d’fhachtóirí riosca lena léireofar éagsúlacht cur chuige i leith ionadach, lena n-áirítear, i gcás ina n-úsáidfear iad, samhlacha fachtóirí, neastacháin béite, agus mapáil fachtóirí riosca chuig tagarmharcanna, lena n-áirítear ainmneacha atá ionadaíoch d’earnáil agus réigiún ar leith nó d’innéacsanna ar leith.