5. I gcás ina measann allmhaireoir, nó ina bhfuil cúis aige chun a chreidiúint, nach bhfuil córas RTS i gcomhréir nó nach bhfuil sé i gcomhréir a thuilleadh leis na ceanglais bhunriachtanacha a leagtar síos in Iarscríbhinn II agus le haon cheanglais arna nglacadh de bhun Airteagal 42, ní dhéanfaidh sé an córas RTS sin a chur ar fáil ar an margadh, nó, má cuireadh an córas RTS sin ar an margadh cheana féin, déanfaidh sé é a aisghairm nó a tharraingt siar, go dtí go mbeidh an córas RTS tugtha chun comhréireachta. I gcás aisghairm nó tarraingt siar den sórt sin, cuirfidh an t-allmhaireoir monaróir an chórais RTS sin, na húsáideoirí agus údaráis faireachais margaidh an Bhallstáit inar chuir sé an córas RTS ar fáil ar an margadh ar an eolas gan moill mhíchuí faoi aisghairm nó tarraingt siar den sórt sin, agus tabharfaidh sé mionsonraí, go háirithe, faoin neamhchomhréireacht agus faoi aon bhearta ceartaitheacha a rinneadh.
I gcás ina measann allmhaireoir, nó ina bhfuil cúis aige lena chreidiúint, go bhfuil riosca ag baint le córas RTS do shláinte nó do shábháilteacht daoine nádúrtha, cuirfidh sé údaráis faireachais margaidh an Bhallstáit ina bhfuil an t-allmhaireoir bunaithe, mar aon leis an monaróir agus, i gcás inarb infheidhme, an t-ionadaí údaraithe, ar an eolas gan moill mhíchuí.