Airteagal 48 Idir-inoibritheacht feidhmchlár folláine le córais RTS

1.   Féadfaidh monaróirí feidhmchlár folláine idir-inoibritheacht le córas RTS a mhaíomh, ar choinníoll go gcomhlíontar na sonraíochtaí coiteanna ábhartha agus na ceanglais riachtanacha ábhartha dá dtagraítear in Airteagal 36 agus in Iarscríbhinn II, faoi seach. I gcás maíomh den sórt sin, cuirfidh na monaróirí sin na húsáideoirí ar an eolas go cuí faoi idir-inoibritheacht feidhmchlár folláine den sórt sin agus faoi éifeachtaí na hidir-inoibritheachta sin.

2.   Ní bheidh i gceist le hidir-inoibritheacht na bhfeidhmchlár folláine le córais RTS comhroinnt uathoibríoch na sonraí sláinte uile nó cuid de na sonraí sláinte ón bhfeidhmchlár folláine, nó tarchur uathoibríoch na sonraí sláinte uile nó cuid de na sonraí sláinte, leis an gcóras RTS. Ní fhéadfar na sonraí sin a chomhroinnt ná a tharchur ach amháin má tá sé i gcomhréir le hAirteagal 5 agus tar éis don duine nádúrtha lena mbaineann toiliú a thabhairt agus beidh an idir-inoibritheacht teoranta go heisiach chun na gcríoch sin. Na monaróirí feidhmchlár folláine a mhaíonn go bhfuil siad idir-inoibritheach le córas RTS, áiritheoidh siad go mbeidh an duine nádúrtha lena mbaineann in ann na catagóirí sonraí sláinte ón bhfeidhmchlár folláine atá le cur isteach sa chóras RTS agus an imthoisc do chomhroinnt nó tarchur na gcatagóirí sonraí sin a roghnú.