Artikolu 48 Interoperabbiltà tal-applikazzjonijiet tal-benessri mas-sistemi ta’ EHR

1.   Il-manifatturi tal-applikazzjonijiet tal-benessri jistgħu jiddikjaraw l-interoperabbiltà ma’ sistema ta’ EHR, dment li l-ispeċifikazzjonijiet komuni u r-rekwiżiti essenzjali rilevanti msemmija fl-Artikolu 36 u fl-Anness II, rispettivament, jiġu ssodisfati. F’każ ta’ tali dikjarazzjoni, dawk il-manifatturi għandhom jinformaw kif xieraq lill-utenti bl-interoperabbiltà ta’ tali applikazzjonijiet tal-benessri u l-effetti ta’ tali interoperabbiltà.

2.   L-interoperabbiltà tal-applikazzjonijiet tal-benessri mas-sistemi ta’ EHR ma għandhiex tinvolvi l-kondiviżjoni jew it-trażmissjoni awtomatika tad-data kollha dwar is-saħħa jew parti minnha mill-applikazzjoni tal-benessri mas-sistema ta’ EHR. Il-kondiviżjoni jew it-trażmissjoni ta’ tali data għandha tkun possibbli biss jekk tkun f’konformità mal-Artikolu 5 u wara l-kunsens tal-persuna fiżika kkonċernata u l-interoperabbiltà għandha tkun limitata esklużivament għal dawk il-finijiet. Il-manifatturi tal-applikazzjonijiet tal-benessri li jiddikjaraw l-interoperabbiltà ma’ sistema ta’ EHR għandhom jiżguraw li l-persuna fiżika kkonċernata tkun jista’ tagħżel liema kategoriji ta’ data dwar is-saħħa mill-applikazzjoni tal-benessri għandha tiddaħħal fis-sistema ta’ EHR u ċ-ċirkostaniz għall-kondiviżjoni jew it-trażmissjon ta’ dawk il-kategoriji ta’ data.