Airteagal 51 Catagóirí íosta sonraí leictreonacha le haghaidh úsáid thánaisteach

(a)

sonraí leictreonacha sláinte ó RTSanna;

(b)

sonraí maidir le tosca a bhfuil tionchar acu ar an tsláinte, lena n-áirítear deitéarmanaint shocheacnamaíocha, chomhshaoil agus iompraíochta na sláinte;

(c)

sonraí comhiomlánaithe maidir le riachtanais cúraim sláinte, acmhainní arna leithdháileadh ar chúram sláinte, soláthar cúraim sláinte agus rochtain air, caiteachas ar chúram sláinte agus maoiniú;

(d)

sonraí maidir le pataiginí a bhfuil tionchar acu ar shláinte an duine;

(e)

sonraí riaracháin a bhaineann le cúram sláinte, lena n-áirítear sonraí maidir le dáiltí, éilimh aisíocaíochta agus aisíocaíochtaí;

(f)

sonraí géiniteacha daonna, eipeagéanómaíocha agus géanómaíocha;

(g)

sonraí móilíneacha eile de chuid an duine amhail sonraí próitéamaíocha, tras-scríobhamaíocha, meitibileacha, lipidéimeacha agus sonraí ómaíocha eile;

(h)

sonraí leictreonacha pearsanta sláinte a ghintear go huathoibríoch, trí fheistí leighis;

(i)

sonraí ó fheidhmchláir folláine;

(j)

sonraí maidir le stádas gairmiúil, agus maidir le speisialtóireacht agus institiúid gairmithe sláinte a bhfuil baint acu le cóireáil duine nádúrtha nó le taighde;

(k)

sonraí ó chlárlanna sonraí sláinte daonra-bhunaithe (amhail clárlanna sláinte poiblí);

(l)

sonraí ó fheistí leighis agus clárlanna básmhaireachta;

(m)

sonraí ó thrialacha cliniciúla, staidéir chliniciúla, imscrúduithe cliniciúla agus imscrúdaithe feidhmíochta atá faoi réir Rialachán (AE) Uimh. 536/2014, Rialachán (AE) 2024/1938 ó Pharlaimint na hEorpa agus ón gComhairle (35), Rialachán (AE) 2017/745 agus Rialachán (AE) 2017/746;

(n)

sonraí sláinte eile ó fheistí leighis;

(o)

sonraí ó chlárlanna de tháirgí íocshláinte agus feistí leighis;

(p)

sonraí ó chohóirt taighde, ceistneoirí agus suirbhéanna a bhaineann leis an tsláinte, tar éis na torthaí gaolmhara a fhoilsiú den chéad uair;

(q)

sonraí sláinte ó bhithbhainc agus ó bhunachair sonraí lena mbaineann.