Airteagal 59 Tuairisciú ó chomhlachtaí rochtana sonraí sláinte

(a)

faisnéis a bhaineann leis na hiarratais ar rochtain ar shonraí sláinte agus na hiarrataí ar shonraí sláinte a cuireadh isteach, amhail na cineálacha iarratasóirí ar shonraí sláinte, líon na gceadanna sonraí arna n-eisiúint nó arna ndiúltú, catagóirí chríocha na rochtana agus catagóirí na sonraí leictreonacha sláinte ar a bhfuarthas rochtain, agus achoimre ar thorthaí úsáidí na sonraí leictreonacha sláinte, i gcás inarb infheidhme;

(b)

faisnéis faoina mhéid a chomhlíonann úsáideoirí sonraí sláinte agus sealbhóirí sonraí sláinte gealltanais rialála agus chonarthacha, mar aon le líon agus méid na bhfíneálacha riaracháin arna bhforchur ag comhlachtaí rochtana sonraí sláinte;

(c)

faisnéis faoi iniúchtaí arna ndéanamh ar úsáideoirí sonraí sláinte chun comhlíonadh na próiseála a dhéanann siad a áirithiú sa timpeallacht shlán phróiseála de bhun Airteagal 73(1), pointe (e);

(d)

faisnéis faoi iniúchtaí inmheánacha agus tríú páirtí ar chomhlíonadh na dtimpeallachtaí slána próiseála leis na caighdeáin, na sonraíochtaí agus na ceanglais atá sainithe, amhail dá dtagraítear in Airteagal 73(3);

(e)

faisnéis maidir le láimhseáil iarrataí ó dhaoine nádúrtha a bhaineann le feidhmiú a gceart cosanta sonraí;

(f)

tuairisc ar ghníomhaíochtaí an chomhlachta rochtana sonraí sláinte a rinne sé i ndáil le teagmháil le páirtithe leasmhara ábhartha agus comhairliúchán leo;

(g)

ioncam ó cheadanna sonraí agus ó iarrataí ar shonraí sláinte;

(h)

meánlíon na laethanta idir iarratais ar rochtain ar shonraí sláinte nó iarrataí ar shonraí sláinte a dhéanamh agus an rochtain a fháil ar shonraí;

(i)

líon na lipéad cáilíochta sonraí arna n-eisiúint ag sealbhóirí sonraí sláinte, imdhealaithe de réir catagóir cáilíochta;

(j)

líon na bhfoilseachán taighde piarmheasúnaithe, na ndoiciméad beartais agus na nósanna imeachta rialála a bhaineann úsáid as sonraí a bhfuarthas rochtain orthu trí EHDS;

(k)

líon na dtáirgí agus na seirbhísí sláinte digití, lena n-áirítear feidhmchláir IS, a forbraíodh trí úsáid a bhaint as sonraí a bhfuarthas rochtain orthu trí EHDS.