Artikolu 59 Rapportar mill-korpi tal-aċċess għad-data dwar is-saħħa

(a)

informazzjoni relatata mal-applikazzjonijiet għall-aċċess għad-data dwar is-saħħa u talbiet għal data dwar is-saħħa sottomessi, bħat-tipi ta’ applikanti ta’ data dwar is-saħħa, l-għadd ta’ permessi tad-data maħruġa jew miċħuda, kategoriji ta’ għanijiet tal-aċċess u l-kategoriji ta’ data elettronika dwar is-saħħa aċċessata, u sommarju tar-riżultati tal-użi tad-data elettronika dwar is-saħħa, fejn applikabbli;

(b)

informazzjoni dwar l-issodisfar tal-impenji regolatorji u kuntrattwali mill-utenti tad-data dwar is-saħħa u mid-detenturi tad-data dwar is-saħħa, kif ukoll l-għadd u l-ammont ta’ penali amministrattivi imposti mill-korpi tal-aċċess għad-data dwar is-saħħa;

(c)

informazzjoni dwar l-awditi mwettqa fuq l-utenti tad-data dwar is-saħħa biex tiġi żgurata l-konformità tal-ipproċessar li huma jwettqu f’ambjent tal-pproċessar sigur skont l-Artikolu 73(1), il-punt (e);

(d)

informazzjoni rigward l-awditi interni u ta’ partijiet terzi dwar il-konformità ta’ ambjenti tal-ipproċessar siguri mal-istandards, l-ispeċifikazzjonijiet u r-rekwiżiti definiti, kif imsemmi fl-Artikolu 73(3);

(e)

informazzjoni dwar it-trattament ta’ talbiet minn persuni fiżiċi relatata mal-eżerċizzju tad-drittijiet tagħhom għall-protezzjoni tad-data;

(f)

deskrizzjoni tal-attivitajiet tal-korp tal-aċċess għad-data dwar is-saħħa mwettqa b’rabta mal-involviment u l-konsultazzjoni mal-partijiet ikkonċernati rilevanti;

(g)

dħul mill-permessi tad-data u mit-talbiet għad-data dwar is-saħħa;

(h)

in-numru medju ta’ jiem bejn l-applikazzjonijiet għal aċċess għal data dwar is-saħħa jew talbiet ta’ data dwar is-saħħa u l-aċċess għad-data;

(i)

in-numru ta’ tikketti tal-kwalità tad-data maħruġa minn detenturi tad-data dwar is-saħħa, diżaggregati skont il-kategorija tal-kwalità;

(j)

in-numru ta’ pubblikazzjonijiet ta’ riċerka rieżaminati bejn il-pari, dokumenti ta’ politika u proċeduri regolatorji bl-użu ta’ data aċċessata permezz tal-EHDS;

(k)

in-numru ta’ prodotti u servizzi tas-saħħa diġitali, inklużi l-applikazzjonijiet għall-IA, żviluppati bl-użu ta’ data aċċessata permezz tal-EHDS.