5.2. Sonraíochtaí breise le haghaidh sonraí luacha saothair faoi

Ba cheart d’institiúidí a shonrú in Iarscríbhinn III an bhfuil siad incháilithe chun na maoluithe a chur i bhfeidhm faoi Airteagal 94(3) de Threoir 2013/36/AE maidir leis an gceanglas cuid de luach saothair athraitheach a íoc in ionstraimí agus faoi shocruithe iarchurtha agus an fhaisnéis a iarrtar a sholáthar maidir leis na baill foirne sainaitheanta a gcuirtear na maoluithe i bhfeidhm maidir leo. Agus sonraí á gcur isteach ar bhonn comhdhlúite, ba cheart gurb ionann líon na mball foirne sainaitheanta agus an luach saothair atá le tuairisciú agus suim na foirne sainaitheanta go léir agus luach saothair na n-eintiteas go léir a bhaineann leas as na maoluithe ag eintitis atá faoi réir comhdhlúthú stuamachta agus na gceanglas luacha saothair faoin Treoir sin.

Ba cheart maoluithe faoi Airteagal 94(3) de Threoir 2013/36/AE a mheas mar mhaoluithe a cuireadh i bhfeidhm nuair a chinneann an institiúid atá faoi réir an mhaolaithe gan na híoscheanglais a chur i bhfeidhm maidir leis an gcuid atá le cur siar nó le híoc in ionstraimí faoi Airteagal 94(1) den Treoir sin (e.g. tá maolú i bhfeidhm fós má chuirtear siar 30% de luach saothair EBA Public

athraitheach de chuid stiúrthóir feidhmiúcháin, nó mura gcuirtear siar é ach ar feadh 3 bliana, toisc nach bhfuil na ceanglais íosta maidir le hiarchur 40% ar feadh 4 bliana ar a laghad comhlíonta).