4.5 Ag brath ar thríú páirtithe agus ar sheachfhoinsiú

I dteannta na bpointí a leagtar amach i mír 9, ba cheart go n-áireodh institiúidí creidmheasa agus airgeadais sonraíochtaí ina mbeartais agus ina nósanna imeachta ina leagtar amach cad iad na cianfheidhmeanna agus na cianghníomhaíochtaí ionduchtaithe cliant a dhéanfaidh an institiúid creidmheasa agus airgeadais, tríú páirtithe nó soláthraí seirbhíse seachfhoinsithe eile.

4.5.1 Ag brath ar Sholáthraithe Tríú Páirtí i gcomhréir le Caibidil II, Alt 4 de Threoir (AE) 2015/849

I dteannta Threoirlínte an ÚBE um Fhachtóirí Riosca⁸ , go háirithe treoirlínte 2.20 go 2.21 agus 4.32 go 4.37 de na Treoirlínte sin, ba cheart dóibh na critéir seo a leanas a chur chun feidhme:

• a) na bearta is gá a dhéanamh chun a bheith sásta gur leor CDD agus cianphróisis agus cian-nósanna imeachta ionduchtaithe cliant an tríú pháirtí féin agus gur leor an fhaisnéis agus na sonraí a bhailíonn siad sa chomhthéacs sin agus go bhfuil siad comhsheasmhach leis na ceanglais atá leagtha síos sna Treoirlínte seo;
• b) leanúnachas an chaidrimh ghnó a bhunaítear idir an cliant agus an institiúid creidmheasa agus airgeadais a chinntiú chun cosaint a thabhairt in aghaidh imeachtaí a d’fhéadfadh easnaimh a nochtadh i gcianphróiseas ionduchtaithe cliant a dhéanann an tríú páirtí.

4.5.2 CDD a sheachfhoinsiú

⁸ ÚBE/GL/2021/02

I gcás ina ndéanann institiúidí creidmheasa agus airgeadais an cianphróiseas ionduchtaithe cliant ar fad nó cuid de a sheachfhoinsiú chuig soláthraí seirbhísí seachfhoinsithe, dá dtagraítear in Airteagal 29 de Threoir (AE) 2015/849, ba cheart go gcuirfeadh institiúidí creidmheasa agus airgeadais, de bhreis ar threoirlínte 2.20 go 2.21 agus 4.32 go 4.37 de Threoirlínte ÚBE um Fhachtóirí Riosca agus i dteannta Threoirlínte ÚBE maidir le Seachfhoinsiú⁹ i gcás inarb infheidhme, roimh agus le linn an chaidrimh ghnó leis an soláthraí seirbhíse seachfhoinsithe, na bearta seo a leanas chun feidhme, ar cheart a mhéid a choigeartú ar bhonn riosca-íogair:

• a) a chinntiú go gcuireann an soláthraí seirbhíse seachfhoinsithe cianbheartais agus cian-nósanna imeachta ionduchtaithe cliant na hinstitiúide creidmheasa agus airgeadais chun feidhme go héifeachtach agus go gcomhlíonann sé iad de réir an chomhaontaithe seachfhoinsithe. Ba cheart é seo a bhaint amach trí thuairisciú rialta, monatóireacht leanúnach, cuairteanna ar an láthair nó tástáil shamplach;
• b) measúnuithe a dhéanamh chun a chinntiú go bhfuil dóthain trealaimh ag an soláthraí seirbhíse seachfhoinsithe agus go bhfuil sé in ann an cianphróiseas ionduchtaithe cliant a chur i gcrích. Féadfaidh measúnú ar oiliúint foirne, oiriúnacht teicneolaíochta agus rialachas sonraí ag an soláthraí seirbhísí seachfhoinsithe a bheith ar áireamh sna measúnuithe, ach gan a bheith teoranta dóibh sin;
• c) a chinntiú go gcuirfidh an soláthraí seirbhíse seachfhoinsithe na hinstitiúidí creidmheasa agus airgeadais ar an eolas faoi aon athruithe atá beartaithe ar an gcianphróiseas ionduchtaithe cliant nó faoi aon mhodhnú a dhéanfar ar an réiteach a sholáthraíonn an soláthraí seirbhíse seachfhoinsithe.

⁹ Treoirlínte ÚBE maidir le socruithe seachfhoinsithe.docx (europa.eu)

I gcás ina stórálann an soláthraí seirbhíse seachfhoinsithe sonraí cliaint, lena n-áirítear, ach gan a bheith teoranta do, grianghrafadóireacht, físeáin agus doiciméid, le linn an chianphróisis ionduchtaithe, ba cheart d’institiúidí creidmheasa agus airgeadais a chinntiú:

• a) nach mbailítear agus nach stóráiltear ach sonraí riachtanacha cliaint i gcomhréir le tréimhse choinneála atá sainithe go soiléir;
• b) go bhfuil rochtain ar na sonraí teoranta go docht agus cláraithe;
• c) go gcuirtear bearta slándála iomchuí chun feidhme chun a chinntiú go gcosnaítear na sonraí stóráilte.