(iv) An IRS a chomhiomlánú isteach san ARS

I gcás gach ARS, ba cheart don SRT ARW comhfhreagrach a shannadh trí na tairseacha don ARW a shocrú agus tríd an modh ‘buicéid’ nó ‘scála sleamhnáin’ a chur i bhfeidhm, beag beann ar an modh a úsáidtear chun IRSanna éagsúla na dtáscairí riosca a chinneadh.

Ba cheart don SRT ARW a shannadh don ARS ionas gur féidir na ball-institiúidí a shannadh don ARW is ísle agus don ARW is airde, agus gur féidir sonraí a chur ann maidir leis na haicmí riosca éagsúla. Go háirithe, ba cheart don SRT gan an tsamhail a chalabrú ar bhealach go sannfaí beagnach gach ball-institiúid, in ainneoin próifílí riosca an-difriúil a bheith acu, d’aon aicme riosca amháin (mar shampla, an aicme riosca d’institiúidí a bhfuil meánphróifíl riosca acu) agus, dá bhrí sin, an ARW céanna a shannadh dóibh. Ní thugtar le tuiscint leis sin, áfach, gur cheart don SRT i ngach tréimhse an t-eatramh iomlán a úsáid agus ball-institiúidí a shannadh don ARW a chomhfhreagraíonn do na tairseacha is ísle agus do na tairseacha is airde den ARW.

Tairseacha le haghaidh ARW

B a cheart don SRT uastairseach ‘α’ agus tairseach íochtarach ‘β’ den ARW a shocrú chun na difríochtaí riosca a thabhaíonn ball-institiúidí éagsúla a léiriú.

Ba cheart don SRT uastairseach ‘α’ den ARW a shocrú idir 150% agus 200%.

Ba cheart don SRT tairseach níos ísle ‘β’ den ARW a shocrú idir 50% agus 75%.

Féadfaidh an SRT eatramh níos leithne a shocrú ar bhonn fírinnithe nach léiríonn an t-eatramh atá teoranta do 50%-200% na difríochtaí i samhlacha gnó agus próifílí riosca na mball-institiúidí go leordhóthanach agus go gcruthódh sé guais mhorálta trí bhall-institiúidí a bhfuil próifílí riosca an-éagsúil acu a ghrúpáil go saorga.

An modh ‘buicéid’ don ARW

Má chuireann an SRT an modh buicéid i bhfeidhm, ba cheart dó raonta don ARS a shainiú sa chaoi go gcomhfhreagraíonn siad d’aicme riosca ar leith (buicéad) agus ba cheart dó ARW a shannadh do gach buicéad de réir na foirmle seo a leanas:

𝐵𝐵𝐵𝐵𝑖𝑖𝐵𝐵 é 𝑎𝑎𝑎𝑎 𝑝𝑝 −1 I gcás gurb ionann: 𝐴𝐴𝐶𝐶𝐴𝐴 𝑖𝑖 = 𝛽𝛽 ∗ ( 𝛼𝛼 𝛽𝛽 ) ( 𝑃𝑃−1 )

P = líon iomlán na mbuicéad don ARW;

P = líon an bhuicéid, ag tosú ag 1 (an buicéad riosca is ísle is féidir) agus ag críochnú ag P (an buicéad riosca is airde is féidir);

, i.e. an luach ARW inmhianaithe a chomhfhreagraíonn do bhuicéad 1 (íosteorainn); agus 𝛽𝛽 = 𝐴𝐴𝐶𝐶𝐴𝐴 (1)

, i.e. an luach ARW inmhianaithe a chomhfhreagraíonn do bhuicéad P (uasteorainn). 𝛼𝛼 = 𝐴𝐴𝐶𝐶𝐴𝐴 ( 𝑁𝑁 )

Ba cheart don SRT líon na mbuicéad ‘P’ a shocrú i gcomhréir le líon agus éagsúlacht na mball-institiúidí. Mar sin féin, ba cheart don SRT ceithre bhuicéad ‘P’ ar a laghad a shocrú. Ba cheart don SRT buicéad amháin ar a laghad a shocrú i ndáil le ball-institiúidí lena mbaineann meánriosca, buicéad amháin ar a laghad a shocrú i ndáil le baill ísealriosca agus dhá bhuicéad ar a laghad a shocrú i ndáil le hinstitiúidí ardriosca.

Modh an ‘scála sleamhnáin’ don ARW

Má chuireann an SRT modh an scála sleamhnáin i bhfeidhm, ba cheart dó ARW comhfhreagrach a shannadh do gach ARS de réir na foirmle seo a leanas: