CASPanna agus ag eisitheoirí ARTanna

I gcás inarb infheidhme, agus measúnú á dhéanamh ar an eolas, ar na scileanna agus ar an taithí iomchuí chomhchoiteann, ba cheart d’eisitheoir ARTanna nó do CASP measúnú ar leithligh a dhéanamh ar chomhdhéanamh an chomhlachta bainistíochta ina fheidhmeanna bainistíochta agus, i gcás inarb infheidhme, ina fheidhmeanna maoirseachta.

Leis an measúnú ar an eolas, ar na scileanna agus ar an taithí chomhchoiteann iomchuí, ba cheart go mbeadh comparáid ann idir eolas, scileanna agus taithí iomchuí an chomhlachta bainistíochta a theastaíonn chun na gníomhaíochtaí gnó uile a dhéanamh, lena n-áirítear a ngnéithe eagraíochtúla agus a mbunphróisis, agus eolas comhchoiteann iarbhír agus taithí chomhchoiteann iarbhír an chomhlachta bainistíochta.

Agus measúnú á dhéanamh ar eolas, ar scileanna agus ar thaithí chomhchoiteann iomchuí an chomhlachta bainistíochta, ba cheart d’eisitheoir ARTanna nó do CASP measúnú a dhéanamh ar gach ball aonair ar dtús, na torthaí a mhapáil ar na gníomhaíochtaí gnó agus a shuíomh go bhfuil eolas, scileanna agus taithí leordhóthanach ag an gcomhlacht bainistíochta i dteannta a chéile i ndáil le gach gníomhaíocht den sórt sin chun feidhmiú éifeachtach an chomhlachta bainistíochta a áirithiú.

Ba cheart a áirithiú le comhdhéanamh an chomhlachta bainistíochta go mbeidh plé, dúshlán agus maoirseacht iomchuí i gceist leis na próisis chinnteoireachta chomhchoiteanna. Chun na críche sin, ba cheart go mbeadh líon leordhóthanach comhaltaí ann a bhfuil eolas acu i ngach réimse chun gur féidir cinntí a phlé.

Ba cheart d’eisitheoir ARTanna nó do CASP measúnú a dhéanamh ar oiriúnacht chomhchoiteann an chomhlachta bainistíochta maidir lena ndualgais a chomhlíonadh faoi MiCA agus na torthaí a dhoiciméadú trí úsáid a bhaint as ceachtar díobh seo a leanas:

• a. An teimpléad maitríse oiriúnachta a áirítear in Iarscríbhinn I mar bhonn agus é á oiriúnú agus na critéir a dtugtar tuairisc orthu i gCuid C.1 á gcur san áireamh; nó
• b. a modheolaíocht iomchuí féin i gcomhréir leis na critéir a leagtar amach sna Treoirlínte seo.