emittenti tal -ART

Fejn applikabbli, fil - valutazzjoni tal - għarfien, il - ħiliet u l - esperjenza kollettivi xierqa, l - emittent tal - ART jew tas - CASP għandu jivvaluta l - kompożizzjoni tal - korp maniġerjali fl - immaniġġjar tiegħu u, fejn applikabbli, il - funzjonijiet superviżorji tiegħu b’mod separat.

Il - valutazzjoni tal - għarfien, il - ħiliet u l - esperjenza kollettivi xierqa għandha tipprovdi tqabbil bejn l - għarfien, il - ħiliet u l - esperjenza xierqa tal - korp maniġerjali meħtieġa għat - twettiq tal - attivitajiet ta’ negozju kollha, inklużi l - aspetti organizzattivi u l - proċessi sottostanti tagħhom, u l - għarfien u l - esperjenza kollettivi attwali tal - korp maniġerjali.

Meta jivvaluta l - għarfien, il - ħiliet u l - esperjenza kollettivi xierqa tal - korp maniġerjali, l - emittent tal - ART jew tas - CASP għandu l - ewwel jivvaluta l - membri individwali kollha, jimmappja r - riżultati għall - attivitajiet ta’ negozju u jistabbilixxi li għall - attivitajiet kollha bħal dawn il - korp maniġerjali jkollu għarfien, ħiliet u esperjenza kollettivament adegwati biex jiżgura l - funzjonament effettiv tal - korp maniġerjali.

Il - kompożizzjoni tal - korp maniġerjali għandha tiżgura li l - proċessi kollettivi tat - teħid ta’ deċiżjonijiet jinvolvu diskussjoni, sfida u sorveljanza xierqa. Għal dak il - għan, għandu jkun hemm għadd suffiċjenti ta’ membri b’għarfien f’kull qasam biex tkun tista’ ssir diskussjoni tad - deċiżjonijiet li jridu jittieħdu.

L- emittent tal - ART jew tas - CASP għandu jwettaq valutazzjoni tal - adegwatezza kollettiva tal - korp maniġerjali biex iwettaq id - dmirijiet tiegħu skont l - MiCA u jiddokumenta r - riżultati billi juża jew:

• a. Il - mudell matriċi tal - adegwatezza inkluż fl - Anness I bħala bażi u l - adattament tiegħu billi jitqiesu l - kriterji deskritti fit - Taqsima C.1; jew
• b. il - metodoloġija xierqa tiegħu stess f’konformità mal - kriterji stabbiliti f’dawn il -Linji Gwida.