28. Aon uair is éard atá sna cistí chun na sealúchais cháilitheacha a fháil ná criptea-shócmhainní …

Aon uair is éard atá sna cistí chun na sealúchais cháilitheacha a fháil ná criptea-shócmhainní nó aon uair a eascraíonn siad ó mhalartú criptea-shócmhainní in airgeadra fiat, ba cheart d’údaráis inniúla, i dteannta chur i bhfeidhm na modheolaíochta measúnaithe a leagtar síos i dTeideal II, Caibidil 3, Cuid 14 de Threoirlínte Comhpháirteacha ÚMEnna maidir le QH, maidir le hamhras faoi sciúradh airgid nó maoiniú sceimhlitheoireachta, an méid seo a leanas a shainaithint freisin:

• a. an seoladh mórleabhair dháilte a úsáideann an faighteoir beartaithe, i gcás ina bhfuil aistriú criptea-shócmhainní cláraithe ar líonra ina n-úsáidtear teicneolaíocht mórleabhair dháilte nó a leithéid, agus uimhir an chuntais chriptea-shócmhainní a úsáideann an faighteoir beartaithe, i gcás inarb ann do chuntas den sórt sin agus ina n-úsáidtear é chun an t-idirbheart a phróiseáil;
• b. uimhir an chuntais chriptea-shócmhainní a úsáideann an faighteoir beartaithe, i gcás nach bhfuil aistriú criptea-shócmhainní cláraithe ar líonra ina n-úsáidtear teicneolaíocht mórleabhair dháilte nó a leithéid;
• c. i gcás nach bhfuil aistriú criptea-shócmhainní cláraithe ar líonra ina n-úsáidtear teicneolaíocht mórleabhair dháilte nó teicneolaíocht chomhchosúil agus nach ndéantar é ó chuntas criptea-shócmhainní ná chuig cuntas criptea-shócmhainní, aitheantóir idirbhirt uathúil; agus
• d. soláthraí nó soláthraithe seirbhísí criptea-shócmhainní na bpáirtithe san idirbheart, de réir mar is infheidhme.

1. Forbhreathnú

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA - Published by the European Banking Authority at https://www.eba.europa.eu/