10. Titolu 10. Applikazzjoni tal-SREP għal gruppi transfruntiera

Dan it-titolu jindirizza l-applikazzjoni tal-proċeduri u l-metodoloġija tal-SREP kif speċifikat f’dawn il-linji gwida fir-rigward ta’ gruppi transfruntiera u l-entitajiet tagħhom. Jipprovdi wkoll rabtiet mal-valutazzjoni konġunta u l-proċess ta’ deċiżjoni li għandu jitwettaq skont l-Artikolu 113 tad-Direttiva 2013/36/UE u r-Regolament ta’ Implimentazzjoni tal-Kummissjoni (UE) Nru 710/2014.

Fl-SREP, l-awtoritajiet kompetenti għandhom jikkunsidraw ukoll ir-riskji potenzjali tal-ML/TF u r-riskji tan-nuqqas ta’ implimentazzjoni u evażjoni ta’ sanzjonijiet finanzjarji mmirati, filwaqt li jqisu l-input riċevut mill-awtorità kompetenti tal-AML/CFT tal-Istat Membru fejn tkun stabbilita impriża omm kif ukoll is-superviżuri fil-qasam tal-AML/CFT responsabbli għas-superviżjoni tal-AML/CFT tal-istabbilimenti tal-grupp f’ġuriżdizzjonijiet differenti, b’mod partikolari l-valutazzjonijiet tar-riskji tal-ML/TF, id-dgħufijiet materjali u l-ksur tal-leġiżlazzjoni tal-AML/CFT li huma marbuta mal-istruttura tal-grupp bankarju transfruntier.

Meta jivvalutaw l-implikazzjonijiet prudenzjali tar-riskji tal-ML/TF u r-riskji tan-nuqqas ta’ implimentazzjoni u ta’ evajoni ta’ sanzjonijiet finanzjarji mmirati fl-SREP għal grupp transfruntier, l-awtoritajiet kompetenti għandhom jisfruttaw l-informazzjoni miksuba permezz ta’ impenji bilaterali mal-awtoritajiet kompetenti tal-AML/CFT rilevanti f’konformità mal-Linji Gwida dwar il-Kooperazzjoni fil-Qasam tal-AML/CFT u permezz tal-parteċipazzjoni tagħhom fil-kulleġġi tal-AML/CFT⁵⁰ u l-kulleġġi prudenzjali.

⁵⁰ Kulleġġi tal-AML/CFT kif iddefinit fil-Linji gwida konġunti dwar il-kooperazzjoni u l-iskambju ta’ informazzjoni għall-finijiet tad-Direttiva (UE) 2015/849 bejn l-awtoritajiet kompetenti li jissorveljaw istituzzjonijiet ta’ kreditu u dawk finanzjarji (“Il-Linji Gwida tal-Kulleġġi tal-AML/CFT” u fl-Artikolu 2(8) tad-Direttiva (UE) 2024/1640).

10.1. Applikazzjoni tal-SREP għal gruppi transfruntiera

10.2. Valutazzjoni tal-kapital tal-SREP u rekwiżiti prudenzjali speċifiċi għall-istituzzjoni

10.3. Valutazzjoni tal-likwidità tal-SREP u rekwiżiti prudenzjali speċifiċi għall-istituzzjoni

10.4. Applikazzjoni ta’ miżuri superviżorji oħrajn