Artikolu 9 Governanza

1.   Operatur ta’ SIPS għandu jiddokumenta oġġettivi li jagħtu prijorità kbira fuq is-sigurtà u l-effiċjenza tas-SIPS. L-oġġettivi għandhom jappoġġjaw b’mod espliċitu l-istabbiltà finanzjarja u konsiderazzjonijiet rilevanti oħra ta’ interess pubbliku b’mod partikolari swieq finanzjarji miftuħa u effiċjenti.

2.   Operatur ta’ SIPS għandu jkollu arranġamenti ta’ governanza effettivi u dokumentati li jipprovdu linji ċari u diretti ta’ responsabbiltà u kontabbiltà. Dawn l-arranġamenti għandhom ikunu disponibbli lill-awtorità kompetenti, lis-sidien u lill-parteċipanti. L-operatur ta’ SIPS għandu jagħmel verżjonijiet fil-qosor tagħhom disponibbli għall-pubbliku.

3.   L-irwoli u r-responsabbiltajiet tal-Bord jiġu definiti b’mod ċar. L-irwoli u r-responsabbiltajiet jinkludu dawn li ġejjin:

4.   Ħlief għas-SIPS tal-Eurosistema, il-Bord għandu jirrevedi kemm il-prestazzjoni ġenerali u l-prestazzjoni tal-membri tal-Bord individwali mill-inqas ta’ kull sena.

5.   Il-kompożizzjoni tal-Bord għandha tiżgura l-integrità u, ħlief fil-każ ta’ SIPS tal-Eurosistema, taħlita adattata ta’ ħiliet tekniċi, għarfien u esperjenza kemm tas-SIPS kif ukoll tas-suq finanzjarju inġenerali, li tħalli lill-Bord iwettaq ir-rwoli u r-responsabbiltajiet tiegħu. Il-kompożizzjoni għandha tqis ukoll l-allokazzjoni ta’ kompetenzi skont id-dritt nazzjonali. Ħlief għas-SIPS tal-Eurosistema, u jekk permess mil-liġi nazzjonali,il-Bord għandu jinkludi membri tal-bord li mhumiex eżekuttivi, inkluż mill-inqas direttur indipendenti wieħed.

6.   Il-Bord għandu jistabbilixxi u jissorvelja qafas ta’ ġestjoni tar-riskju dokumentat, li għandu:

Il-Bord għandu jistabbilixxi kumitat tar-riskju biex jassistih fit-twettiq tar-responsabbiltajiet tiegħu relatati mar-riskju. Il-kumitat tar-riskju għandu jagħti parir lill-Bord dwar il-ġestjoni tar-riskju tas-SIPS.

Il-Bord għandu jiżgura li jkun hemm tliet linji ta’ difiża ċari u effettivi (operazzjonijiet, ġestjoni tar-riskju u awditu intern), li huma separati minn xulxin u għandhom biżżejjed awtorità, indipendenza, riżorsi u aċċess għall-Bord.

7.   L-approvazzjoni tal-Bord għandha tkun meħtieġa għal deċiżjonijiet li għandhom impatt sinifikanti fuq il-profil ta’ riskju tas-SIPS u għad-dokumenti ta’ riskju ewlenin li jirregolaw l-operazzjonijiet tas-SIPS. Bħala minimu, il-Bord għandu japprova u jirrevedi kull sena l-qafas komprensiv ta’ ġestjoni tar-riskju msemmi fl-Artikolu 10(1), il-pjan ta’ rkupru u stralċ ordnat u l-pjan kapitali msemmi fl-Artikoli 10(4) u 18(6) rispettivament, l-oqfsa dwar ir-riskju ta’ kreditu u ta’ likwidità msemmija fl-Artikoli 11(1) u 13(1) rispettivament, il-qafas kollaterali li jirregola l-ġestjoni tar-riskji msemmi fl-Artikolu 12, l-istrateġija ta’ investiment tas-SIPS imsemmija fl-Artikolu 19(4), il-qafas tar-riskju operazzjonali u l-pjan ta’ kontinwità tal-operat assoċjat imsemmi fl-Artikoli 20(1) u 20(6) rispettivament, il-qafas u l-istrateġija tar-reżiljenza ċibernetika msemmija fl-Artikolu 21(1), u l-qafas ta’ esternalizzazzjoni msemmi fl-Artikolu 22(4).

8.   Il-Bord għandu jiżgura li d-deċiżjonijiet maġġuri li jaffettwaw l-istruttura teknika u funzjonali tas-SIPS, ir-regoli u l-istrateġija ġenerali, b’mod partikolari, fir-rigward tal-għażla tal-arranġament tal-ikklerjar u tas-saldu, l-istruttura operattiva, il-kamp ta’ applikazzjoni tal-prodotti ikklerjati jew saldati, u l-użu tat-teknoloġija u proċeduri, jirriflettu kif xieraq l-interessi leġittimi tal-partijiet interessati rilevanti tas-SIPS. Il-partijiet interessati rilevanti u, fejn xieraq, il-pubbliku għandhom jiġu kkonsultati b’mod raġonevoli bil-quddiem fuq tali deċiżjonijiet.

9.   Ir-rwol u r-responsabbiltajiet tal-Maniġment, u fejn applikabbli, tal-Maniġment tal-Fergħa, kif ukoll il-linji ta’ rapportar fi ħdan il-Maniġment, u fejn applikabbli l-Maniġment tal-Fergħa, u l-linji ta’ rapportar bejn il-Maniġment u l-Bord, u fejn applikabbli l-Maniġment tal-Fergħa u l-bord tal-entità ġuridika li tagħha l-fergħa hija parti legalment dipendenti, għandhom jiġu definiti b’mod ċar. Il-kompożizzjoni tal-Maniġment, u fejn applikabbli l-kompożizzjoni tal-Maniġment tal-Fergħa, għandhom jiżguraw integrità personali u taħlita xierqa ta’ ħiliet tekniċi, għarfien u esperjenza kemm tas-SIPS kif ukoll tas-suq finanzjarju in ġenerali, li tħallihom iwettqu r-responsabbiltajiet tagħhom għall-operat u l-ġestjoni tar-riskju tal-operatur ta’ SIPS.

10.   Il-Maniġment, taħt id-direzzjoni tal-Bord, u fejn applikabbli l-Maniġment tal-Fergħa, taħt id-direzzjoni tal-bord u tal-maniġment tal-entità ġuridika li tagħha l-fergħa hija parti legalment dipendenti, għandhom ikunu responsabbli biex jiżguraw dan kollu li ġej:

11.   Meta fergħa tiġi identifikata bħala operatur ta’ SIPS:

Għall-iskop tal-punt (b), “membri tal-maniġment” tfisser, f’sistema ta’ bord unitarju, il-membri tal-Bord involuti fil-ġestjoni ta’ kuljum tal-entità ġuridika u kwalunkwe uffiċjali eżekuttivi oħra maħtura mill-Bord li huma involuti fil-ġestjoni ta’ kuljum tal-entità ġuridika jew, f’sistema ta’ bord doppju, il-membri tal-bord maniġerjali u kwalunkwe uffiċjali eżekuttivi oħra maħtura mill-Bord jew mill-bord maniġerjali li huma involuti fil-ġesjoni ta’ kuljum tal-entità ġuridika.

12.   Operatur ta’ SIPS meta jiżgura konformità mar-rekwiżiti dwar l-integrità taħt il-paragrafi 5 u 9 għandu jikkunsidra jekk il-membri tal-Bord, u l-Maniġment, u fejn applikabbli l-Maniġment tal-Fergħa, ta’ operatur ta’ SIPS għandhom rekord fir-rigward ta’ kundanni jew penali għal ksur tal-liġi kummerċjali applikabbli, il-liġi dwar l-insolvenza, il-liġi dwar is-servizzi finanzjarji, il-liġi dwar il-ġlieda kontra l-ħasil tal-flus u/jew il-finanzjament tat-terroriżmu, il-liġi u l-ksur tar-responsabbiltà professjonali kif ukoll rigward frodi.