6.1 Informazzjoni dwar il-qafas tal-ICAAP globali

Dwar il-kamp tal-applikazzjoni, l-objettivi ġenerali u s-suppożizzjonijiet prinċipali li jsejsu l-ICAAP, l-awtoritajiet kompetenti għandhom jiżguraw li għandhom jirċievu dan li ġej mingħand l-istituzzjonijiet:

• a. deskrizzjoni tal-kamp ta' applikazzjoni tal-ICAAP, inkluż ħarsa ġenerali u r-raġunament għal xi devjazzjonijiet mill-kamp ta' applikazzjoni tal-entitajiet koperti mir-rekwiżiti minimi tal-fondi proprji;
• b. deskrizzjoni tal-approċċ għall-identifikazzjoni tar-riskji (inkluż konċentrazzjonijiet tar-riskji) u l-inklużjonijiet ta' riskji identifikati fil-kategoriji u s-subkategoriji tar-riskji li għandhom ikunu koperti mill-ICAAP, inkluż l-approċċ għad-determinazzjoni tal-materjalità tar-riskji;
• c. deskrizzjoni tal-objettivi prinċipali u s-suppożizzjonijiet prinċipali tal-ICAAP (eż. ir-rabta ma' ċerti klassifikazzjonijiet tal-kreditu esterni) inkluż kif dawn jiżguaw l-adegwatezza kapitali;
• d. deskrizzjoni ta' jekk l-ICAAP huwiex iffukat fuq l-impatt tar-riskji fuq iċ-ċifri tal-kontabbiltà jew fuq il-valur ekonomiku tal-istituzzjoni, jew it-tnejn li huma;
• e. deskrizzjoni tal-orizzont(i) taż-żmien tal-ICAAP, inkluż spjegazzjoni tad-differenzi possibbli bejn il-kategoriji tar-riskji u l-entitajiet tal-grupp kopert.

6.1.2 Dokumentazzjoni operazzjonali

Dwar l-evidenzjar tal-implimentazzjoni tal-kamp tal-applikazzjoni, l-objettivi ġenerali u s-suppożizzjonijiet prinċipali sottostanti tal-ICAAP, l-awtoritajiet kompetenti għandhom jiżguraw li għandhom jirċievu dan li ġej mingħand l-istituzzjonijiet:

• a. lista tal-kategoriji u s-subkategoriji ta' riskju koperti mill-ICAAP, inkluż id-definizzjonijiet tagħhom u l-perimetru tal-kategoriji ta' riskju individwali;
• b. spjegazzjonijiet tad-differenzi bejn ir-riskji koperti mill-ICAAP u l-qafas tal-aptit għar-riskji, fejn il-kamp ta' applikazzjoni tar-riskji kopert huwa differenti.
• c. deskrizzjoni ta' xi devjazzjonijiet fil-proċess tal-ICAAP u fis-suppożizzjonijiet prinċipali fil-grupp u fl-entitajiet tal-grupp, fejn ikun adegwat.