6.2 Kun af l - istruttura tiegħek

L-istruttura tal- istituzzjoni ma għandhiex timpedixxi l - kapaċità tal - korp ta’ ġestjoni li jissorvelja u li jiġġestixxi b’mod effettiv ir - riskji li jiffaċċjaw l -istituzzjoni jew il-grupp jew il- kapaċità tal - awtorità kompetenti li tissorvelja l-istituzzjoni b’mod effettiv.

Il- korp ta’ ġestjoni għandu jivvaluta jekk u kif tibdil materjali fl -istruttura tal- grupp (eż. l - istabbiliment ta’ sussidjarji ġodda, fużjonijiet u akkwiżizzjonijiet, bejgħ jew stralċ ta’ partijiet tal - grupp, jew żviluppi esterni) jaffettwa s -solidità tal- qafas organizzazzjonali tal -istituzzjoni. Fejn jiġu identifikati nuqqasijiet, il - korp ta’ ġestjoni għandu jagħmel l - aġġustamenti meħtieġa malajr.

Il- korp ta’ ġestjoni għandu jkun jaf u jifhem sew l -istruttura legali, organizzazzjonali u operazzjonali tal-istituzzjoni (“kun af l- istruttura tiegħek”) u jiżgura li hija konformi mal - istrateġija kummerċjali u tar -riskju u mal- predispożizzjoni għar - riskju tagħha u koperta mill - qafas ta’ ġestjoni tar - riskju tagħha.

Il- korp ta’ ġestjoni għandu jkun responsabbli mill - approvazzjoni ta’ strateġiji u ta’ politiki sodi għall - istabbiliment ta’ strutturi ġodda. Meta istituzzjoni toħloq diversi entitajiet ġuridiċi fi ħdan il- grupp tagħha, l - għadd tagħhom u, b’mod partikolari, l -interkonnessjonijiet u t-tranżazzjonijiet bejniethom ma għandhomx joħolqu sfidi għat -tfassil tal-governanza interna tagħha, u għall - ġestjoni u għas -sorveljanza effettivi tar-riskji tal- grupp sħiħ. Il - korp ta’ ġestjoni għandu jiżgura li l -istruttura ta’ istituzzjoni u, fejn applikabbli, l- istrutturi fi grupp, filwaqt li jitqiesu l - kriterji speċifikati fit - Taqsima 7, huma ċari, effiċjenti u trasparenti għall -persunal tal-istituzzjoni, għall - azzjonisti u għall - partijiet ikkonċernati oħra u għall -awtorità kompetenti.

Il- korp ta’ ġestjoni għandu jiggwida l -istruttura tal-istituzzjoni, l-evoluzzjoni u l-limitazzjonijiet tagħha u għandu jiżgura li l - istruttura hija ġustifikata u effiċjenti u ma tinvolvix kumplessità żejda jew mhux xierqa.