4. Dispożizzjonijiet ġenerali

Il- kooperazzjoni u l - iskambju ta’ informazzjoni skont l - Artikolu 117(5) tad - Direttiva 2013/36/UE għandhom ikunu organizzati b’mod effiċjenti u effettiv f’konformità tad - dispożizzjonijiet ta’ dawn il- linji gwida, kemm fuq livell domestiku u kif ukoll fil - kuntest transkonfinali, irrispettivament mill - arranġamenti istituzzjonali speċifiċi f’kull Stat Membru għall - funzjonijiet rispettivi tas - superviżuri fil - qasam tal - AML/CFT, tas - superviżuri prudenzjali u tal - unitajiet tal - intelligence finanzjarja (UIF). Sabiex tkun żgurata l - effiċjenza, tali kooperazzjoni u skambju ta’ informazzjoni għandhom jevitaw id - duplikazzjoni mhux meħtieġa tal - isforzi.

Is- superviżuri prudenzjali u s - superviżuri fil - qasam tal - AML/CFT għandhom jiskambjaw bejniethom kif ukoll mal - unitajiet tal - intelligence finanzjarja, informazzjoni li jkunu ġabru jew ħolqu fl - eżerċizzju tal - kompiti tagħhom u li tkun rilevanti għall - eżerċiżżju tal - kompiti tal - awtorità l - oħra. L - iskambju ta’ informazzjoni għandu jseħħ fuq talba u fuq inizjattiva proprja.

Is- superviżuri prudenzjali u s - superviżuri fil - qasam tal - AML/CFT għandhom jikkooperaw ma’ xulxin fi ħdan il - kompetenzi rispettivi tagħhom safejn ikun possibbli u jiskambjaw informazzjoni mingħajr dewmien żejjed, sakemm tali kooperazzjoni u skambju ta’ informazzjoni ma jkunux jaffettwaw inkjesta, investigazzjoni jew proċedimenti li jkunu għaddejjin kif imsemmi fl - Artikolu 117(5) tad - Direttiva 2013/36/UE.