Suġġett u kamp ta’ applikazzjoni

Dawn il - linji gwida jispeċifikaw ir - rwol, il - kompiti u r - responsabbiltajiet tal - uffiċjal tal - konformità tal - AML/CFT, tal - korp maniġerjali u tal - maniġer superjuri inkarigat mill - konformità tal - AML/CFT kif ukoll il - politiki, il - kontrolli u l - proċeduri interni, kif imsemmi fl - Artikolu 8, u fl - Artikolu 45 u fl - Artikolu 46 tad - Direttiva (UE) 2015/849.

Dawn il - linji gwida japplikaw għal istituzzjonijiet ta’ kreditu jew finanzjarji kif definit fl - Artikolu 3(1) u 3(2) tad - Direttiva (UE) 2015/849. Dawn il - linji gwida japplikaw għall - istrutturi kollha tal - korp maniġerjali eżistenti, irrispettivament mill - istruttura tal - bord użata (struttura unitarja u/jew b’bord doppju u/jew struttura oħra) fl - Istati Membri kollha.

It- termini “korp maniġerjali fil - funzjoni maniġerjali tiegħu” u “korp maniġerjali fil - funzjoni superviżorja tiegħu” jintużaw matul dawn il - linji gwida mingħajr ma jirreferu għal xi struttura speċifika ta’ governanza u r - referenzi għall - funzjoni maniġerjali (eżekuttiva) jew superviżorja (mhux eżekuttiva) għandhom jinftehmu li japplikaw għall - korpi jew għall - membri tal - korp maniġerjali responsabbli minn dik il - funzjoni skont il - liġi nazzjonali. Il - liġi nazzjonali tal - kumpaniji jista’ jkun fiha dispożizzjonijiet speċifiċi dwar il - korp maniġerjali u dawn il - linji gwida japplikaw mingħajr preġudizzju għal dawn id - dispożizzjonijiet.