9.1 Luach saothair ráthaithe

Is féidir le luach saothair inathraithe ráthaithe a bheith i bhfoirmeacha éagsúla amhail ‘bónas ráthaithe’, ‘bónas fáilte’, ‘bónas clárúcháin’, ‘bónas íosta’ etc., agus is féidir é a dhámhachtain in airgead tirim nó in ionstraimí.

Agus luach saothair inathraithe ráthaithe á dhámhachtain acu i gcomhréir le hAirteagal 32(1)(e) de Threoir (AE) 2019/2034 agus baill foirne nua á bhfostú acu, ní cheadaítear do ghnólachtaí infheistíochta luach saothair inathraithe a ráthú ar feadh tréimhse níos faide ná an EBA Public

chéad bhliain fostaíochta. Tá luach saothair inathraithe ráthaithe eisceachtúil agus ní féidir leis a bheith ann ach i gcás go bhfuil bonn láidir caipitil ag an ngnólacht infheistíochta i gcomhréir leis na treoirlínte seo.

Níor cheart do ghnólachtaí infheistíochta luach saothair inathraithe ráthaithe a dhámhachtain ach uair amháin ar an mball foirne aonair céanna. Ba cheart go mbeadh feidhm ag an gceanglas seo maidir leis an leibhéal comhdhlúite chomh maith agus áirítear leis cásanna ina bhfaigheann baill foirne conradh nua ón ngnólacht infheistíochta céanna nó ó ghnólacht eile laistigh de raon feidhme an chomhdhlúthaithe.

Mar chuid de na socruithe lena ráthaítear an chuid seo de luach saothair inathraithe, féadfaidh gnólachtaí infheistíochta a chinneadh gan na ceanglais maidir le socruithe malus agus aisghlámtha a chur i bhfeidhm ar luach saothair inathraithe ráthaithe. Féadfaidh gnólachtaí infheistíochta an méid iomlán a íoc amach in airgead neamh-iarchurtha.