17.1 Cinn feidhmeanna rialaithe inmheánaigh

Ba cheart cinn feidhmeanna rialaithe inmheánaigh a bhunú ag leibhéal ordlathach leordhóthanach a sholáthraíonn an t-údarás iomchuí do cheann na feidhme rialaithe agus an phróifíl is gá chun a fhreagrachtaí nó a freagrachtaí a chomhlíonadh. Ba cheart don cheann comhlíonta agus, i gcás ina bhfuil siad bunaithe, cinn na bainistíochta riosca agus feidhmeanna iniúchóireachta inmheánaí a bheith freagrach go díreach don chomhlacht bainistíochta agus ba cheart don chomhlacht bainistíochta athbhreithniú a dhéanamh ar a bhfeidhmíocht.

I gcás inar gá, ba cheart do chinn feidhmeanna rialaithe inmheánaigh a bheith in ann rochtain a bheith acu ar an gcomhlacht bainistíochta ina fheidhm mhaoirseachta agus tuairisciú go díreach dó chun ábhair imní a chur in iúl agus rabhadh a thabhairt don fheidhm mhaoirseachta, i gcás inarb iomchuí, nuair a dhéanann forbairtí sonracha difear do na gnólachtaí infheistíochta nó nuair a d’fhéadfaidís difear a dhéanamh dóibh. Níor cheart go gcuirfeadh sé sin cosc ar chinn feidhmeanna rialaithe inmheánaigh tuairisciú laistigh de na gnáthlínte tuairiscithe chomh maith.

Ba cheart go mbeadh próisis dhoiciméadaithe i bhfeidhm ag gnólachtaí infheistíochta chun suíomh cheann feidhme rialaithe inmheánaigh a shannadh agus chun a fhreagrachtaí nó a freagrachtaí a tharraingt siar. Ar aon nós, níor cheart na cinn a bhfuil feidhmeanna rialaithe inmheánaigh acu a bhaint gan cead a fháil roimh ré ón gcomhlacht bainistíochta ina fheidhm mhaoirseachta.