Teideal 3: Teorannú spriocdhírithe comhréireach ar rochtain ar tháirgí nó ar sheirbhísí

Ba cheart go n-áireofaí i mbeartais agus i nósanna imeachta institiúidí creidmheasa agus airgeadais, i gcás ina gceadaítear sin leis an dlí náisiúnta, roghanna agus critéir maidir le gnéithe táirgí nó seirbhísí a thairgtear do chustaiméir ar leith a choigeartú ar bhonn aonair agus ar bhonn riosca-íogair. Ba cheart go n-áireofaí orthu sin na roghanna seo a leanas:

• a. cuntais íocaíochta a bhfuil gnéithe bunúsacha acu a thairiscint, i gcás ina mbeidh oibleagáid ar institiúid chreidmheasa cuntais den sórt sin a thairiscint faoi thrasuí náisiúnta Threoir 2014/92/AE; nó
• b. srianta spriocdhírithe a fhorchur ar tháirgí agus seirbhísí airgeadais, amhail méid, cineál nó líon na n-aistrithe nó méid na n-idirbheart chuig tríú tíortha agus uathu, go háirithe i gcás ina bhfuil baint ag na tríú tíortha sin le riosca ML/TF níos airde, i gcás ina gceadaítear sin faoin dlí náisiúnta.

I ndáil leis na rioscaí ML/TF a bhaineann le custaiméirí atá an-leochaileach, amhail na daoine sin dá dtagraítear i mír 19, ba cheart d’institiúidí creidmheasa agus airgeadais a áirithiú go sonrófar lena rialuithe agus lena nósanna imeachta go bhféadfaí teorainneacha táirgí agus seirbhísí a leagtar amach i mír 20 (b) a chur i bhfeidhm agus staid phearsanta na ndaoine aonair, na rioscaí ML/TF a bhaineann leis sin agus a mbunriachtanais airgeadais á gcur san áireamh. Sna cásanna sin, ba cheart measúnú ar na roghanna seo a leanas a áireamh sna nósanna imeachta chun na rioscaí gaolmhara a mhaolú:

• a. gan saoráidí creidmheasa nó rótharraingthe a sholáthar;
• b. teorainneacha míosúla láimhdeachais (mura féidir an réasúnaíocht a bhaineann le láimhdeachas níos mó nó gan teorainn a mhíniú agus a chosaint);
• c. teorainneacha ar mhéid, ar chineál agus/nó ar líon na n-aistrithe (is féidir aistrithe breise nó níos mó a dhéanamh ar bhonn cás ar chás);
• d. teorainneacha ar mhéid na n-idirbheart chuig tríú tíortha agus uathu (agus éifeacht charnach na n-idirbheart níos lú a bhíonn ann go minic laistigh de thréimhse shocraithe ama á cur san áireamh), go háirithe i gcás ina bhfuil baint ag na tríú tíortha sin le riosca ML/TF níos airde;
• e. teorainneacha ar mhéid na dtaiscí;
• f. teorainn a chur le híocaíochtaí tríú páirtí leo siúd a dhéanann an t-údarás a eisíocann tacaíocht do na custaiméirí sin;
• g. teorainneacha ar íocaíochtaí a fuarthas ó thríú páirtithe nár fhíoraigh an institiúid; agus
• h. cosc a chur ar aistarraingtí airgid ó thríú tíortha.