7.3. for a natural person and legal person:

Coinneofar an fhaisnéis a iontráiltear sa Chóras Faisnéise ÚMEanna faoi mhír 7 sa Chóras Faisnéise ÚMEanna go ceann uastréimhse 15 bliana ón dáta iontrála ag údarás inniúil agus ansin scriosfar go huathoibríoch í ón gCóras Faisnéise ÚMEanna. Féadfaidh údaráis inniúla tréimhsí coinneála níos giorra a chur i bhfeidhm. I gcás inar cuireadh tréimhsí coinneála níos giorra i bhfeidhm i gcomhréir le dlí an Aontais nó leis an dlí náisiúnta is infheidhme, ba cheart don údarás inniúil na sonraí a bhaint den Chóras Faisnéise ÚMEnna dá réir sin tar éis dheireadh na dtréimhsí sin. Chomh maith le dul in éag na tréimhse coinneála, d’fhéadfadh na húdaráis inniúla faisnéis a scriosadh freisin ar fhógra a fháil go bhfuil an duine leasa marbh. Tá an méid thuas gan dochar don cheart atá ag na daoine is ábhar do na sonraí lena mbaineann rochtain a fháil ar shonraí, iad a cheartú nó a léirscriosadh mar a fhoráiltear in Airteagail 17, 18 agus 19 de Rialachán (AE) 2028/1725 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais.

Ba cheart do na húdaráis inniúla pointí teagmhála a ainmniú chun iarrataí a fháil agus freagairt dóibh agus an fhaisnéis sin a chur ar fáil sa Chóras Faisnéise ÚMEnna. Ba cheart a áireamh i sonraí na bpointí teagmhála an seoladh ríomhphoist feidhmiúil a úsáidtear sa phróiseas measúnuithe oiriúnachta agus cuibhis, uimhir theileafóin an aonaid/na roinne a dhéileálann leis na measúnuithe cuí agus cearta (go roghnach) agus, i gcás na mball foirne ábhartha, an t-ainm/na hainmneacha teaghlaigh, an post, an seoladh ríomhphoist gairmiúil agus an uimhir theileafóin.

Ba cheart do na húdaráis inniúla liostaí na bpointí teagmhála, lena n-áirítear seoltaí ríomhphoist feidhmiúla, a choinneáil cothrom le dáta agus athbhreithniú a dhéanamh orthu go bliantúil ar a laghad.

Cuardaigh shonraí laistigh den Chóras Faisnéise ÚMEnna

Sula ndéanfaidh údarás inniúil measúnú ar oiriúnacht agus cuibheas duine leasa i gcomhréir le forálacha earnála an Aontais, ba cheart don údarás inniúil breathnú sa Chóras Faisnéise ÚMEnna má tá aon údarás inniúil eile ann a bhfuil faisnéis aige faoin duine leasa sin.