Artikolu 55 Korpi tal-aċċess għad-data dwar is-saħħa

1.   L-Istati Membri għandhom jiddeżinjaw korp wieħed jew aktar tal-aċċess għad-data dwar is-saħħa responsabbli mit-twettiq tal-kompiti u l-obbligi stabbiliti fl-Artikoli 57, 58 u 59. L-Istati Membri jistgħu, jew jistabbilixxu korp ġdid wieħed jew diversi korpi tas-settur pubbliku jew jiddependu fuq korpi eżistenti tas-settur pubbliku jew fuq is-servizzi interni ta’ korpi tas-settur pubbliku li jissodisfaw il-kundizzjonijiet stabbiliti f’dan l-Artikolu. Il-kompiti stabbiliti fl-Artikolu 57 jistgħu jinqasmu bejn korpi differenti tal-aċċess għad-data dwar is-saħħa. Meta Stat Membru jiddeżinja diversi korpi tal-aċċess għad-data dwar is-saħħa, huwa għandu jidentifika korp wieħed tal-aċċess għad-data dwar is-saħħa biex jaġixxi bħala koordinatur, b’responsabbiltà biex jikkoordina l-kompiti mal-korpi l-oħra tal-aċċess għad-data dwar is-saħħa kemm fi ħdan it-territorju ta’ dak l-Istat Membru fi Stati Membri oħra.

Kull korp tal-aċċess għad-data dwar is-saħħa għandu jikkontribwixxi għall-applikazzjoni konsistenti ta’ dan ir-Regolament fl-Unjoni kollha. Għal dak il-għan, korpi tal-aċċess għad-data dwar is-saħħa għandhom jikkooperaw ma’ xulxin mal-Kummissjoni, għal tħassib dwar il-protezzjoni tad-data, mal-awtoritajiet superviżorji rilevanti.

2.   Sabiex jappoġġjaw it-twettiq effettiv tal-kompiti u l-eżerċitar tas-setgħat tal-korpi tal-aċċess għad-data dwar is-saħħa, l-Istati Membri għandhom jiżguraw li kull korp tal-aċċess għad-data dwar is-saħħa jingħata l-elementi li ġejjin:

Meta tkun meħtieġa valutazzjoni mill-korpi etiċi skont il-liġi nazzjonali, dawk il-korpi għandhom jagħmlu l-għarfien espert disponibbli għall-korp tal-aċċess għad-data dwar is-saħħa. Bħala alternattiva, l-Istati Membri jistgħu jiddeċiedu li l-korpi etiċi jifformaw parti mill-korp tal-aċċess għad-data dwar is-saħħa.

3.   L-Istati Membri għandhom jiżguraw li jiġi evitat kwalunkwe kunflitt ta’ interess bejn il-partijiet organizzattivi ta’ korpi ta aċċess għal data dwar is-saħħa li jkunu qed iwettqu l-kompiti differenti tali korpi billi, pereżempju, jipprovdu għall-salvagwardji organizzazzjonali bħas-segregazzjoni bejn il-funzjonijiet differenti tal-korpi tal-aċċess għad-data dwar is-saħħa, inkluż il-valutazzjoni tal-applikazzjonijiet, ir-riċeviment u t-tħejjija ta’ settijiet tad-data, pereżempju, il-psewdonimizzazzjoni u l-anonimizzazzjoni ta’ settijiet tad-data, u, il-proviżjonament tad-data f’ambjenti tal-ipproċessar siguri.

4.   Fit-twettiq tal-kompiti tagħhom, il-korpi tal-aċċess għad-data dwar is-saħħa għandhom jikkooperaw b’mod attiv mar-rappreżentanti tal-partijiet ikkonċernati rilevanti, speċjalment mar-rappreżentanti tal-pazjenti, tad-detenturi tad-data dwar is-saħħa u tal-utenti tad-data dwar is-saħħa u għandhom jevitaw kwalunkwe kunflitt ta’ interess.

5.   Fit-twettiq tal-kompiti tagħhom u fl-eżerċitar tas-setgħat tagħhom, il-korpi tal-aċċess għad-data dwar is-saħħa għandhom jevitaw kwalunkwe kunflitt ta’ interess. Il-persunal tal-korpi tal-aċċess għad-data dwar is-saħħa għandhom jaġixxu fl-interess pubbliku u b’mod indipendenti.

6.   L-Istati Membri għandhom jinformaw lill-Kummissjoni dwar l-identità tal-korpi tal-aċċess għad-data dwar is-saħħa ddeżinjati skont il-paragrafu 1 sas-26 ta’ Marzu 2027. Huma għandhom jinformaw ukoll lill-Kummissjoni kwalunkwe modifika sussegwenti tal-identità ta’ dawk il-korpi. Il-Kummissjoni u l-Istati Membri għandhom jagħmlu dik l-informazzjoni disponibbli għall-pubbliku.