Artikolu 78 Tikketta tal-kwalità u tal-utilità tad-data

1.   Is-settijiet tad-data magħmula disponibbli permezz ta’ korpi tal-aċċess għad-data dwar is-saħħa jista’ jkollhom tikketta tal-Unjoni tal-kwalità u tal-utilità tad-data applikata mid-detenturi tad-data dwar is-saħħa.

2.   Is-settijiet tad-data, b’data elettronika dwar is-saħħa miġbura u pproċessata bl-appoġġ tal-finanzjament pubbliku tal-Unjoni jew nazzjonali, għandu jkollhom tikketta tal-kwalità u tal-utilità tad-data li tkopri l-elementi stabbiliti fil-paragrafu 3.

3.   It-tikketta tal-kwalità u tal-utilità tad-data għandha tkopri l-elementi li ġejjin, meta applikabbli:

4.   Meta korp tal-aċċess għad-data dwar is-saħħa ikollu raġuni biex jemmen li tikketta tal-kwalità u tal-utilità tad-data jista’ jkun li mhijiex preċiża, għandu jivvaluta jekk is-sett tad-data kopert mit-tikketta jissodisfax ir-rekwiżiti ta’ kwalità li jifformaw parti mill-elementi tat-tikketta tal-kwalità u tal-utilità tad-data kif imsemmija fil-paragrafu 3 u, f’każ li s-sett tad-data ma jissodisfax ir-rekwiżiti ta’ kwalità, għandu jirrevoka t-tikketta.

5.   Il-Kummissjoni għandha s-setgħa li tadotta atti delegati f’konformità mal-Artikolu 97 biex temenda dan ir-Regolament billi timmodifika, iżżid jew tneħħi l-elementi li għandhom jiġu koperti mit-tikketta tal-kwalità u tal-utilità tad-data prevista fil-paragrafu 3 ta’ dan l-Artikolu.

6.   Sas-26 ta’ Marzu 2027 il-Kummissjoni għandha, permezz ta’ atti ta’ implimentazzjoni, tistabbilixxi l-karatteristiċi viżwali u l-ispeċifikazzjonijiet tekniċi tat-tikketta tal-kwalità u tal-utilità tad-data, abbażi tal-elementi msemmija fil-paragrafu 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 98(2) ta’ dan ir-Regolament. Dawk l-atti ta’ implimentazzjoni għandhom iqisu r-rekwiżiti fl-Artikolu 10 tar-Regolament (UE) 2024/1689 u kwalunkwe speċifikazzjoni komuni jew standard armonizzat adottat li jappoġġa dawk ir-rekwiżiti, meta applikabbli.