13. Validation of model inputs/outputs

L-istandards kwalitattivi kollha definiti għall-kontroll tal-konsistenza, preċiżjoni u affidabilità tas-sorsi ta’ dejta tal-VaR japplikaw ukoll għall-VaR taħt Stress.

Sottostanzi li għalihom l-istituzzjonijiet ma għandhomx storja tad-dejta dettaljata biżżejjed sabiex tkopri l-perjodu ta’ referenza għandhom jiġu xxokkjati permezz ta’ approssimazzjoni, billi jintużaw sottostanzi relatati mill-qrib (l-istess suq, struttura u karatteristiċi simili). Billi jsegwu l-istess proċess li ġie approvat għall-mudelli interni tal-istituzzjonijiet sabiex tiġi żgurata l-kwalità tad-dejta storika użata għall-perjodu ta’ referenza, l-istituzzjonijiet għandhom jiddokumentaw il-metodoloġija segwita għall-identifikazzjoni u għall-prokura ta’ dejta nieqsa. L-istituzzjonijiet għandhom iwettqu testijiet tal-impatt potenzjali tal-użu ta’ dawn il-prokuri wkoll.

Bil-għan li jiġu ppreservati l-inugwaljanzi ta’ arbitraġġ, l-istituzzjonijiet jista’ jkollhom bżonn japplikaw it-tindif ta’ dejta għall-VaR taħt Stress. Meta dan ikun il-każ, it-tneħħija ta’ outliers mis-serje ta’ dejta storika għandha tkun ġustifikata u dokumentata kif xieraq, peress li din ma għandhiex twassal għal tnaqqis fil-kobor ta’ avvenimenti estremi.

Hekk kif jimplika l-VaR taħt Stress bid-definizzjoni tiegħu, l-applikazzjoni ta’ xenarji taħt stress qawwi għall-parametri attwali tas-suq, li jistgħu jwasslu għal kundizzjonijiet tas-suq inkoerenti (eż. rati forward negattivi) b’mod aktar frekwenti milli fi ħdan kalkolu tal-VaR, l-istituzzjonijiet għandhom jissorveljaw il-fallimenti ta’ kalibrar li jistgħu jimmaterjalizzaw. L-istituzzjonijiet li jużaw rivalutazzjoni sħiħa meta jistmaw il-VaR taħt Stress tagħhom jistgħu jiġu kkonfrontati b’mod aktar spiss ma’ dawk il-fallimenti ta’ kalibrar meta mqabbla mal-istituzzjonijiet li ma jużawx rivalutazzjoni sħiħa, mhux għaliex il-fallimenti mhumiex sejrin iseħħu, iżda għaliex il-metodoloġija tagħhom mhijiex sejra tippermettilhom jidentifikaw dawn il-fallimenti ta’ kalibrar meta jseħħu.

D. Test tal-użu