7.4 Informazzjoni dwar il-mekkaniżmu tal-allokazzjoni tal-ispejjeż u l-benefiċċji

Dwar l-istabbiliment tal-mekkaniżmu tal-allokazzjoni tal-ispejjeż u l-benefiċċji, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. deskrizzjoni tal-mekkaniżmu tal-allokazzjoni tal-ispejjeż u l-benefiċċji, kif ukoll il-kriterji għall-għażla tal-elementi tal-finanzjament u l-likwidità li jiżguraw li jitqiesu l-benefiċċji u l-ispejjeż rilevanti kollha, kif ukoll kwalunkwe frekwenza tal-aġġustament tal-prezzijiet;
• b. deskrizzjoni tar-rabtiet ta' ġewwa bejn il-mekkaniżmu tal-allokazzjoni tal-ispejjeż u l-benefiċċji tal-likwidità u l-ġestjoni tar-riskju u l-ġestjoni globali tal-istituzzjoni.

Għall-istituzzjonijiet bil-mekkaniżmi tal-prezzijiet tat-trasferiment tal-likwidità (LTP) stabbiliti, l-awtoritajiet kompetenti għandhom jiżguraw li l-informazzjoni msemmija fil-paragrafu preċedenti tinkludi wkoll deskrizzjoni tal-istabbiliment u l-funzjonament tal-LTP u b'mod partikolari tar-rabtiet inkroċjati bejn l-LTP u t-teħid tad-deċiżjonijiet strateġiku, kif ukoll it-teħid tad-deċiżjonijiet tal-front office dwar il-ġenerazzjoni tal-assi u l-passivi.

7.4.2 Dokumentazzjoni operazzjonali

Dwar l-evidenzjar tal-allokazzjoni tal-ispejeż u l-benefiċċji tal-implimentazzjoni tal-mekkaniżmu tal-likwidità, l-awtoritajiet kompetenti għandhom jiżguraw li mill-istituzzjonijiet jirċievu dan li ġej:

• a. deskrizzjoni tal-mekkaniżmu tal-allokazzjoni tal-ispejjeż u l-benefiċċji tal-likwidità attwali u ħarsa ġenerali kwantitattiva tal-kalibrazzjoni attwali tiegħu (eż. kurvi tar-rati tal-imgħax, rati ta' referenzi interni għall-kategoriji prinċipali tal-assi u l-passivi li qed jintużaw, eċċ.);
• b. deskrizzjoni tal-integrazzjoni attwali tal-mekkaniżmu tal-allokazzjoni tal-ispejjeż u l-benefiċċji tal-likwidità fil-kejl tal-profittabbiltà għal ġenerazzjoni ġdida tal-assi u l-passivi, kemm fuq il-karta tal-bilanċ kif ukoll barra l-karta tal-bilanċ;
• c. deskrizzjoni tal-integrazzjoni attwali tal-mekkaniżmu tal-allokazzjoni tal-ispejjeż u l-benefiċċji tal-likwidità fil-ġestjoni tal-prestazzjoni, fejn ikun meħtieġ maqsumin f'reġjuni jew f'unitajiet/linji operatorji.

Għall-istituzzjonijiet b'mekkaniżmi LTP stabbiliti, l-informazzjoni msemmija fil-paragrafu ta' qabel għandha tkopri wkoll il-funzjonament tal-LTP u b'mod partikolari r-relazzjoni bejn l-LTP u l-proporzjonijiet ta' riskju prinċipali.