5.6 Qafas tal - komunikazzjoni għal fergħa sinifikanti ħafna

Is- superviżur konsolidanti u l - awtoritajiet kompetenti tad - domiċilju u ospitanti għandhom jagħmlu ħilithom biex jiżguraw li l - messaġġi kkomunikati lill - istituzzjoni jew lill - grupp li jikkonċernaw il - fergħa huma konsistenti. Għal dan il - għan, is - superviżur konsolidanti u l - awtoritajiet tad - domiċilju u ospitanti għandhom jiżguraw li jkunu kkonsultaw lil xulxin qabel joħorġu kwalunkwe forma ta’ komunikazzjoni formali lill - grupp jew lill - istituzzjoni li jappartjenu għall - fergħa.

Meta tikkomunika mal - fergħa sinifikanti ħafna, u b’mod partikolari meta titlob informazzjoni meħtieġa għat - twettiq tal - kompiti tagħha skont il - leġiżlazzjoni applikabbli, inklużi dawn il - linji gwida, l - awtorità kompetenti ospitanti għandha tinforma u tikkoordina kif xieraq mas - superviżur konsolidanti jew l - awtorità kompetenti tad - domiċilju.

Bħala minimu, is - superviżur konsolidanti u l - awtoritajiet kompetenti tad - domiċilju u ospitanti għandhom jorganizzaw laqgħa annwali konġunta mal - maniġment tal - fergħa, li fejn possibbli, għaliha jattendu wkoll ir - rappreżentanti tal - maniġment superjuri tal - istituzzjoni, biex jiddiskutu dan li ġej:

• a. il - prestazzjoni finanzjarja tal - fergħa fi tmiem is - sena u kwalunkwe tbassir għall - prestazzjoni tal - fergħa f’terminu medju;

9 Ibid. 19

• b. l - istrateġija tan - negozju tal - fergħa u kif il - fergħa ser tikkontribwixxi għal u timplimenta l - istrateġija tal - istituzzjoni;
• c. l - attivitajiet ewlenin tal - fergħa u r - riskji rilevanti tagħha; u
• d. is- sejbiet superviżorji li jikkonċernaw l - operazzjonijiet tal - fergħa u l - azzjonijiet meħuda jew li għandhom jittieħdu mill - istituzzjoni biex jiġu solvuti l - kwistjonijiet rilevanti.

Jekk is - superviżur konsolidanti jew l - awtorità kompetenti tad - domiċilju jew ospitanti ma jkunux kapaċi jipparteċipaw f’din il - laqgħa konġunta, l - awtoritajiet rilevanti għandhom jinformaw lill - oħrajn kif xieraq, u l - awtoritajiet għandhom jaqsmu l - konklużjonijiet tal - laqgħat u jiddiskutu kwalunkwe azzjoni ta’ segwitu.

Is- superviżur konsolidanti u l - awtoritajiet kompetenti tad - domiċilju u ospitanti għandhom jaqblu dwar il - forma u l - frekwenza tal - laqgħat konġunti mal - maniġment superjuri tal - istituzzjoni biex jiddiskutu kwistjonijiet li huma rilevanti b’mod aktar speċifiku għall - fergħa sinifikanti ħafna jew kwistjonijiet li jistgħu potenzjalment jaffettwaw il - fergħa.

Dawn il - laqgħat konġunti mal - istituzzjoni u mal - maniġment tal - fergħa għandhom ikunu riflessi kif xieraq fl - SEP tal - kulleġġ.