5. Speċifikazzjonijiet addizzjonali rigward il - ġbir ta’ data dwar il - persuni li jaqilgħu pagi għoljin mal - Anness II

Għall - allokazzjoni tal - persunal għal funzjonijiet jew oqsma ta’ negozju fl - Anness II, id - ditti għandhom jikkunsidraw l - ispeċifikazzjonijiet fil - paragrafi 18 u 19, l - organizzazzjoni interna tagħhom u dan li ġej:

• a. “Membri tal - korp maniġerjali, inklużi membri tal - korp maniġerjali ta’ sussidjarji fejn id - ditta ta’ investiment omm tal - UE, il - kumpanija azzjonarja ta’ investiment omm tal - UE jew il - kumpanija azzjonarja finanzjarja mħallta omm tal - UE jissottomettu data għal grupp ta’ ditti tal - investiment, għandhom jiġu rrappurtati, kif applikabbli, taħt il - kolonna “korp maniġerjali fil - funzjoni superviżorja tiegħu” jew “korp maniġerjali fil - funzjoni maniġerjali tiegħu” indipendentement mill - mudell tan - negozju tad - ditta.
• b. “Negozjar f’isimhom stess, sottoskrizzjoni u tqegħid ta’ strumenti” għandha tinkludi s - servizzi u l - attivitajiet skont il - punti (3), (6) u (7) tal - Anness I, it - Taqsima A tad - Direttiva (UE) 2014/65⁴ .
• c. “Konsulenza dwar l - investiment, l - eżekuzzjoni tal - ordnijiet” għandha tinkludi s - servizzi u l - attivitajiet skont il - punti (1), (2) u (5) tal - Anness I, it - Taqsima A tad - Direttiva (UE) 2014/65.
• d. “Immaniġġjar tal - portafoll” għandha tinkludi s - servizzi u l - attivitajiet skont il - punti (4) tal - Anness I, it - Taqsima A tad - Direttiva (UE) 2014/65 u l - immaniġġjar ta’ portafolli f’sussidjarji tad - ditta tal - investiment li huma impriżi għall - investiment kollettiv f’titoli trasferibbli u maniġers ta’ fondi ta’ investiment alternattivi.
• e. “Operazzjoni tal - MTF/OTF” għandha tinkludi s - servizzi u l - attivitajiet skont il - punti (8) u (9) tal - Anness I, it - Taqsima A tad - Direttiva (UE) 2014/65.
• f. “Funzjonijiet ta’ kontroll indipendenti” għandha tinkludi biss persunal attiv fil - funzjonijiet indipendenti tal - ġestjoni tar - riskju, tal - konformità u tal - awditjar intern kif deskritt fit - Taqsima 17 tal - Linji Gwida tal - EBA dwar il - governanza interna skont id - Direttiva(EU) 2019/2034.
• g. “Il - persuni l - oħrajn kollha li jaqilgħu pagi għoljin” għandha tinkludi persuni li jaqilgħu pagi għoljin li ma jistgħux jiġu allokati għal waħda mill - funzjonijiet jew oqsma tan - negozju taħt (a) sa (f).

⁴ Direttiva 2014/65/UE tal - Parlament Ewropew u tal - Kunsill tal - 15 ta’ Mejju 2014 dwar is - swieq fl - istrumenti finanzjarji u li temenda d - Direttiva 2002/92/KE u d - Direttiva 2011/61/UE.