9.8. Idirghníomhaíocht idir bearta maoirseachta agus bearta AML/ CFT

Agus bearta maoirseachta á gcur i bhfeidhm acu chun aghaidh a thabhairt ar easnaimh stuamachta a bhaineann le riosca ML/TF, ba cheart d’údaráis inniúla dul i ngleic le maoirseoirí AML/CFT chun go dtabharfar aghaidh ar na heasnaimh/leochaileachtaí bunúsacha go leordhóthanach trí na bearta iomchuí laistigh de théarmaí tagartha na maoirseoirí AML/CFT agus na n-údarás inniúil óna seasamh faoi seach⁴⁹ .

⁴⁹ I gcomhréir le Treoirlínte Comhair AML/CFT ÚBE (ÚBE/GL/2021/15).

I gcás, agus a ngníomhaíochtaí maoirseachta á bhfeidhmiú acu, go bhfuil tásca réasúnacha ag údaráis inniúla maidir le heasnaimh i gcórais agus i gcreat rialuithe na hinstitiúide nó sa chreat rialachais inmheánaigh a bhaineann le AML/CFT nó forais réasúnacha a bheith in amhras gur mhéadaigh an institiúid neamhchosaint ar ML/TF rioscaí, ba chóir dóibh:

• a. fógra a thabhairt don mhaoirseoir AML/CFT faoi na heasnaimh agus na rioscaí sin a luaithe a shainaithnítear iad agus idirchaidreamh a dhéanamh leo i gcomhréir leis na Treoirlínte Comhair AML/CFT;
• b. measúnú a dhéanamh ar an tionchar a d’fhéadfadh a bheith ag easnaimh agus riosca den sórt sin ar riocht stuamachta na hinstitiúide;
• c. idirchaidreamh a dhéanamh le maoirseoirí AML/CFT agus i gcomhréir le sainorduithe agus feidhmeanna na n-údarás faoi seach, breithniú a dhéanamh ar na bearta maoirseachta stuamachta is iomchuí chun aghaidh a thabhairt ar na heasnaimh agus ar na rioscaí sin sa bhreis ar aon bhearta atá curtha i gcrích ag na maoirseoirí AML/CFT.

I gcás ina gcuirtear na húdaráis inniúla ar an eolas nó i gcás ina dtagann siad ar eolas faoi bhearta maoirseachta nó smachtbhannaí arna bpleanáil nó arna bhforchur ag na maoirseoirí AML/CFT, ba cheart dóibh a bhreithniú cibé acu an gá nó nach gá agus conas impleachtaí stuamachta féideartha na laigí agus na dteipeanna arna sainaithint ag na maoirseoirí AML/CFT a mhaolú.