IARSCRÍBHINN II

Tagairtí dlíthiúla agus treoracha

Uimhir cholúin

Míniú

a

Méideanna iomlána na risíochta ar phriacal

Méid iomlán na risíochta ar phriacal arna ríomh i gcomhréir le hAirteagal 92(3) agus le hAirteagail 95, 96 agus 98 de CRR

b

Méideanna na risíochta iomlána ar phriacal (T-1)

Méideanna na risíochta iomlána ar phriacal mar a nochtadh le linn na tréimhse nochta roimhe seo

c

Méid iomlán na gceanglas cistí dílse

Ceanglais cistí dílse a chomhfhreagraíonn do na RWEAnna le haghaidh na gcatagóirí priacal éagsúla

Tagairtí dlíthiúla agus treoracha

Uimhir an ró

Míniú

1

Priacal creidmheasa (cé is moite de phriacal creidmheasa an chontrapháirtí)

RWEAnna agus ceanglais cistí dílse arna ríomh i gcomhréir le Caibidil 1 go Caibidil 4 de Theideal II de Chuid a Trí de CRR, agus le hAirteagal 379 de CRR. RWEAnna maidir le risíochtaí urrúsúcháin sa leabhar neamhthrádála agus maidir le priacal creidmheasa an chontrapháirtí a eisiamh agus a nochtadh i rónna 6 agus 16 den teimpléad sin. Áireoidh institiúidí, an tsuim a nochtar sa ró seo, RWEAnna agus ceanglais cistí dílse le haghaidh priacal saor ó íocaíocht arna ríomh i gcomhréir le hAirteagal 379 de CRR.

2

Priacal creidmheasa (cé is moite de phriacal creidmheasa an chontrapháirtí) - ina n-áirítear an cur chuige caighdeánaithe

RWEAnna agus ceanglais cistí dílse arna ríomh i gcomhréir le cur chuige caighdeánaithe an Phriacail Creidmheasa (Caibidil 2 de Theideal II de Chuid a Trí de CRR agus Airteagal 379 de CRR).

3

Priacal creidmheasa (cé is moite de phriacal creidmheasa an chontrapháirtí) - ina n-áirítear Bonnchur chuige IRB (F-IRB)

RWEAnna agus ceanglais cistí dílse arna ríomh i gcomhréir leis an bPriacal Creidmheasa – Bonnchur chuige IRB (Caibidil 3 de Theideal II de Chuid a Trí de CRR), cé is moite de RWEAnna a nochtar i ró 4 maidir le risíochtaí ar iasachtú speisialaithe faoi réir chur chuige an tsliotánaithe, agus i ró EU 4a le haghaidh cothromais faoin gcur chuige simplí atá ualaithe ó thaobh priacal, agus lena n-áirítear RWEAnna agus ceanglais cistí dílse arna ríomh i gcomhréir le hAirteagal 379 de CRR.

4

Priacal creidmheasa (cé is moite de phriacal creidmheasa an chontrapháirtí) - ina n-áirítear: cur chuige an tsliotánaithe

RWEAnna agus ceanglais cistí dílse le haghaidh risíochtaí ar iasachtú speisialaithe atá faoi réir chur chuige an tsliotánaithe arna ríomh i gcomhréir le hAirteagal 153(5) de CRR.

EU 4a

Priacal creidmheasa (cé is moite de phriacal creidmheasa an chontrapháirtí) - ina n-áirítear: cothromais faoin gcur chuige simplí atá ualaithe ó thaobh priacal

RWEAnna agus ceanglais cistí dílse le haghaidh cothromais faoin gcur chuige simplí atá ualaithe ó thaobh priacal arna ríomh i gcomhréir le hAirteagal 155(2) de CRR.

5

Priacal creidmheasa (cé is moite de phriacal creidmheasa an chontrapháirtí) - ina n-áirítear Ardchur chuige IRB (A-IRB)

RWEAnna agus ceanglais cistí dílse arna ríomh i gcomhréir leis an bPriacal Creidmheasa – Ardchur chuige IRB (Caibidil 3 de Theideal II de Chuid a Trí de CRR), cé is moite de RWEAnna a nochtar i ró 4 maidir le risíochtaí ar iasachtú speisialaithe faoi réir chur chuige an tsliotánaithe agus i ró EU 4a le haghaidh cothromais faoin gcur chuige simplí atá ualaithe ó taobh priacal, agus lena n-áirítear RWEAnna agus ceanglais cistí dílse arna ríomh i gcomhréir le hAirteagal 379 de CRR.

6

Priacal creidmheasa an chontrapháirtí

RWEAnna agus ceanglais cistí dílse arna ríomh i gcomhréir le Caibidil 6 de Theideal II de Chuid a Trí de CRR le haghaidh priacal creidmheasa an chontrapháirtí.

7

Priacal creidmheasa an chontrapháirtí - ina n-áirítear an cur chuige caighdeánaithe

RWEAnna agus ceanglais cistí dílse arna ríomh i gcomhréir le Roinn 3 de Chaibidil 6 de Theideal II de Chuid a Trí de CRR.

8

Priacal creidmheasa an chontrapháirtí - ina n-áirítear modh na samhlacha inmheánacha

RWEAnna agus ceanglais cistí dílse arna ríomh i gcomhréir le hAirteagal 283 de CRR.

EU 8a

Priacal creidmheasa an chontrapháirtí – ina n-áirítear risíochtaí ar chontrapháirtí lárnach (CPL)

RWEAnna agus ceanglais cistí dílse arna ríomh i gcomhréir le Roinn 9 de Chaibidil 6 de Theideal II de Chuid a Trí de CRR.

EU 8b

Priacal creidmheasa an chontrapháirtí - ina n-áirítear coigeartú ar luacháil creidmheasa

RWEAnna agus ceanglais cistí dílse arna ríomh i gcomhréir le Teideal VI de Chuid a Trí de CRR.

9

Priacal creidmheasa an chontrapháirtí - ina n-áirítear priacal creidmheasa eile an chontrapháirtí

RWEAnna phriacal creidmheasa an chontrapháirtí agus ceanglais cistí dílse nach nochtar faoi rónna 7, 8, EU 8a agus EU 8b.

10

Neamhbhainteach

11

Neamhbhainteach

12

Neamhbhainteach

13

Neamhbhainteach

14

Neamhbhainteach

15

Priacal socraíochta

Méid na risíochta ar phriacal (REA) agus ceanglais cistí dílse arna ríomh le haghaidh priacal socraíochta/seachadta i gcomhréir le hAirteagal 378 de CRR.

16

Risíochtaí urrúsúcháin sa leabhar neamhthrádála (tar éis na huasteorann)

RWEAnna agus ceanglais cistí dílse arna ríomh i gcomhréir le Caibidil 5 de Theideal II de Chuid a Trí de CRR.

17

Urrúsú – ina n-áirítear Cur Chuige na Rátálacha Inmheánacha i leith an Urrsúsaithe (cur chuige SEC-IRBA)

RWEAnna agus ceanglais cistí dílse arna ríomh i gcomhréir le cur chuige rialála SEC-IRBA, a mbaintear úsáid as i gcomhréir le hordlathas na gcineálacha cur chuige a leagtar amach in Airteagal 254 de CRR.

18

Urrúsú – ina n-áirítear SEC-ERBA (lena n-áirítear IAA)

RWEAnna agus ceanglais cistí dílse arna ríomh i gcomhréir leis an gcur chuige rialála SEC-ERBA (lena n-áirítear IAA), a mbaintear úsáid as i gcomhréir le hordlathas na gcineálacha cur chuige a leagtar amach in Airteagal 254 de CRR.

19

Urrúsú - ina n-áirítear cur chuige SEC-SA

RWEAnna agus ceanglais cistí dílse arna ríomh i gcomhréir le cur chuige rialála SEC-SA, a mbaintear úsáid as i gcomhréir le hordlathas na gcineálacha cur chuige a leagtar amach in Airteagal 254 de CRR.

EU 19a

Urrúsú – ina n-áirítear 1 250  % / asbhaint díobh sin

RWEAnna agus ceanglais cistí dílse le haghaidh risíochtaí urrúsúcháin maidir le hualú priacal an leabhair neamhthrádála ag 1 250  % nó arna n-asbhaint as cistí dílse i gcomhréir le Caibidil 5 de Theideal II de Chuid a Trí de CRR.

20

Priacail an tsuímh, malairte eachtraí agus tráchtearraí (Priacal margaidh)

RWEAnna agus ceanglais cistí dílse arna ríomh i gcomhréir le Teideal IV de Chuid a Trí de CRR.

21

Priacal margaidh- ina n-áirítear an cur chuige caighdeánaithe

RWEAnna agus ceanglais cistí dílse arna ríomh i gcomhréir le Caibidil 2 go Caibidil 4 de Theideal IV de Chuid a Trí de CRR.

22

Priacal margaidh - ina n-áirítear údarás faireacháin neamhspleách (IMA)

REA agus ceanglais cistí dílse arna ríomh i gcomhréir le Caibidil 5 de Theideal IV de Chuid a Trí de CRR.

EU 22a

Risíochtaí móra

REA agus ceanglais cistí dílse arna ríomh i gcomhréir le pointe (b)(ii) d’Airteagal 92(3) de CRR.

23

Priacal oibriúcháin

REA agus ceanglais cistí dílse arna ríomh i gcomhréir le Teideal III de Chuid a Trí de CRR.

EU 23a

Priacal oibriúcháin - ina n-áirítear cur chuige an bhuntáscaire

REA agus ceanglais cistí dílse arna ríomh i gcomhréir le Caibidil 2 de Theideal III de Chuid a Trí de CRR.

EU 23b

Priacal oibriúcháin- ina n-áirítear cur chuige caighdeánaithe

REA agus ceanglais cistí dílse arna ríomh i gcomhréir le Caibidil 3 de Theideal III de Chuid a Trí de CRR.

EU 23c

Priacal oibriúcháin - ina n-áirítear ardchur chuige an tomhais

REA agus ceanglais cistí dílse arna ríomh i gcomhréir le Caibidil 4 de Theideal III de Chuid a Trí de CRR.

24

Suim faoi bhun na dtairseach asbhainte (faoi réir ualú priacal 250 %)

Comhfhreagróidh an tsuim do shuim méideanna na n-ítimí atá faoi réir ualú priacal 250 % dá dtagraítear in Airteagal 48(4) de CRR tar éis an t-ualú priacal 250 % a chur i bhfeidhm. Áirítear ar na méideanna sin:

Nochtar an fhaisnéis sa ró seo chun críocha eolais amháin toisc go bhfuil an tsuim atá san áireamh anseo san áireamh freisin i ró 1, i gcás ina iarrtar ar institiúidí faisnéis a nochtadh maidir le priacal creidmheasa.

25

Neamhbhainteach

26

Neamhbhainteach

27

Neamhbhainteach

28

Neamhbhainteach

29

Iomlán

Méid iomlán na risíochta ar phriacal arna ríomh i gcomhréir le hAirteagal 92(3) agus le hAirteagail 95, 96 agus 98 de CRR.

Tagairtí dlíthiúla agus treoracha

Uimhir cholúin

Míniú

a - e

Déanfar tréimhsí nochta T, T-1, T-2, T-3 agus T-4 a shainmhíniú mar thréimhsí ráithiúla agus líonfar iad de réir na minicíochta a leagtar síos in Airteagal 433a, 433b agus 433c de CRR.

Soláthróidh institiúidí, a nochtfaidh an fhaisnéis atá sa teimpléad seo ar bhonn ráithiúil, sonraí do thréimhsí T, T-1, T-2, T-3 agus T-4; soláthróidh institiúidí, a nochtfaidh an fhaisnéis sa teimpléad sin ar bhonn leathbhliantúil, sonraí do thréimhsí T, T-2 agus T-4; agus soláthróidh institiúidí, a nochtfaidh an fhaisnéis atá sa teimpléad ar bhonn bliantúil, sonraí do thréimhsí T agus T-4.

Nochtfaidh institiúidí na dátaí a chomhfhreagraíonn do na tréimhsí nochta.

Ní gá sonraí a nochtadh le haghaidh tréimhsí roimhe seo nuair a nochtar sonraí den chéad uair.

Tagairtí dlíthiúla agus treoracha

Uimhir an ró

Míniú

1

Caipiteal de Ghnáthchothromas Leibhéal 1

Is é méid chaipiteal de Ghnáthchothromas Leibhéal 1 an tsuim a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 29 de theimpléid EU CC1 Comhdhéanamh na gcistí dílse rialála)

2

Caipiteal Leibhéal 1

Is é suim Chaipiteal Leibhéal 1 an tsuim a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 45 de theimpléid EU CC1 Comhdhéanamh na gcistí dílse rialála)

3

Caipiteal iomlán

Is é suim an chaipitil iomláin an tsuim a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 59 de theimpléad EU CC1 Comhdhéanamh na gcistí dílse rialála)

4

Méid iomlán na risíochta ar phriacal

Is é méid iomlán na risíochta ar phriacal an tsuim a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 60 de theimpléad EU CC1 Comhdhéanamh na gcistí dílse rialála)

5

Cóimheas de Ghnáthchothromas Leibhéal 1 (%)

Is é cóimheas caipitil de Ghnáthchothromas Leibhéal 1 an luach a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 61 de theimpléad EU CC1 Comhdhéanamh na gcistí dílse rialála)

6

Cóimheas Leibhéal 1 (%)

Is é cóimheas caipitil Leibhéal 1 an luach a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 62 den teimpléad EU CC1 Comhdhéanamh na gcistí dílse rialála)

7

Cóimheas caipitil iomlán (%)

Is é cóimheas caipitil iomlán an luach a nochtfaidh institiúidí in Iarscríbhinn VII a ghabhann leis an Rialachán Cur Chun Feidhme seo (ró 63 den teimpléad EU CC1 Comhdhéanamh na gcistí dílse rialála)

EU 7a

Ceanglais cistí dílse breise chun aghaidh a thabhairt ar phriacail eile seachas priacal na giarála iomarcaí (%)

Ceanglais cistí dílse breise chun aghaidh a thabhairt ar phriacail eile seachas priacal na giarála iomarcaí arna bhforchur ag an údarás inniúil faoi phointe (a) d’Airteagal 104(1) de CRD, arna shloinneadh mar chéatadán de mhéid iomlán na risíochta ar priacal.

EU 7b

ina bhfuil: Caipiteal de Ghnáthchothromas Leibhéal 1 (pointí céatadáin)

An chuid de na ceanglais cistí dílse breise chun aghaidh a thabhairt ar phriacail eile seachas priacal na giarála iomarcaí arna bhforchur ag an údarás inniúil faoi phointe (a) d’Airteagal 104(1) de CRD, rud nach mór a chomhlíonadh le caipiteal Ghnáthchothromas Leibhéal 1 i gcomhréir leis an gcéad fhomhír agus an tríú fomhír d’Airteagal 104a(4).

EU 7c

ina bhfuil: caipiteal Leibhéal 1 (pointí céatadáin)

An chuid de na ceanglais cistí dílse breise chun aghaidh a thabhairt ar phriacail eile seachas priacal na giarála iomarcaí arna bhforchur ag an údarás inniúil faoi phointe (a) d’Airteagal 104(1) de CRD, rud nach mór a chomhlíonadh le caipiteal Leibhéal 1 i gcomhréir leis an gcéad fhomhír agus an tríú fomhír d’Airteagal 104a(4).

EU 7d

Ceanglais cistí dílse SREP iomlána (cóimheas TSRC) (%)

Suim na luachanna a cinneadh faoi phointí (i) agus (ii) mar a leanas:

(i)  cóimheas caipitil iomlán (8 %) mar a shonraítear i bpointe (c) d’Airteagal 92(1) de CRR;

(ii)  ceanglais cistí dílse breise chun aghaidh a thabhairt ar phriacail eile seachas ar phriacal na giarála iomarcaí (Ceanglais Cholún 2 – P2R) arna bhforchur ag an údarás inniúil faoi phointe (a) d’Airteagal 104(1) de CRD agus a chinntear i gcomhréir leis na critéir a shonraítear i dTreoirlínte EBA maidir le nósanna imeachta agus modheolaíochtaí comhchoiteanna um an bpróiseas athbhreithniúcháin maoirseachta agus meastóireachta agus tástáil struis maoirseachta (1) (“EBA SREP GL”), arna shloinneadh mar chéatadán de na RWEAnna iomlána.

Léireofar leis an ítim seo cóimheas ceanglas caipitil SREP iomlán (TSRC) mar a chuir an t-údarás inniúil in iúl don institiúid é. Sainmhínítear TSRC i Roinn 1.2 EBA SREP GL.

I gcás nár chuir an t-údarás inniúil in iúl aon cheanglais cistí dílse breise arna bhforchur chun aghaidh a thabhairt ar phriacail eile seachas priacal na giarála iomarcaí, ní nochtfar ach pointe (i).

8

Caipiteal maolánach caomhantais (%)

Suim na gcistí dílse a cheanglaítear ar institiúidí a choinneáil i gcomhréir le hAirteagal 128(1) agus le hAirteagal 129 de CRD, arna shloinneadh mar chéatadán de na RWEAnna iomlána.

EU 8a

Maolán caomhantais de bharr priacal macrastuamachta nó sistéamach arna shainiú ar leibhéal an Bhallstáit (%)

Méid an mhaoláin chaomhantais de bharr priacal macrastuamachta nó sistéamach arna shainiú ar leibhéal Ballstáit, suim is féidir a iarraidh i gcomhréir le hAirteagal 458 de CRR i dteannta caipiteal maolánach caomhantais, arna shloinneadh mar chéatadán de na RWEAnna iomlána.

9

Maolán caipitil frith-thimthriallach atá sainiúil don institiúid (%)

Suim na gcistí dílse a cheanglaítear ar institiúidí a choinneáil i gcomhréir le hAirteagal 128(2), le hAirteagal 130, agus le hAirteagal 135 go hAirteagal 140 de CRD, arna shloinneadh mar chéatadán de na RWEAnna iomlána.

Léireofar sa chéatadán sin suim na gcistí dílse is gá chun na ceanglais maoláin chaipitil faoi seach a chomhlíonadh ar an dáta nochta.

EU 9a

Maolán maidir le priacal sistéamach (%)

Suim na gcistí dílse a cheanglaítear ar institiúidí a choinneáil i gcomhréir le hAirteagal 128(5), le hAirteagal 133 agus le hAirteagal 134 de CRD, arna shloinneadh mar chéatadán de na RWEAnna iomlána.

Léireofar sa chéatadán sin suim na gcistí dílse is gá chun na ceanglais maoláin chaipitil faoi seach a chomhlíonadh ar an dáta nochta.

10

Maolán na nInstitiúidí Domhanda a bhfuil Tábhacht Shistéamach ag gabháil leo (%)

Suim na gcistí dílse a cheanglaítear ar institiúidí a choinneáil i gcomhréir le hAirteagal 128 (3) agus le hAirteagal 131 de CRD, arna shloinneadh mar chéatadán de na RWEAnna iomlána.

Léireofar sa chéatadán sin suim na gcistí dílse is gá chun na ceanglais maoláin chaipitil faoi seach a chomhlíonadh ar an dáta nochta.

EU 10a

Maolán na nInstitiúidí Eile a bhfuil Tábhacht Shistéamach ag gabháil leo (%)

Suim na gcistí dílse a cheanglaítear ar institiúidí a choinneáil i gcomhréir le hAirteagal 128(4) agus le hAirteagal 131 de CRD, arna shloinneadh mar chéatadán de na RWEAnna iomlána.

Léireofar sa chéatadán sin suim na gcistí dílse is gá chun na ceanglais maoláin chaipitil faoi seach a chomhlíonadh ar an dáta nochta.

11

Ceanglas maoláin chomhcheangailte (%)

I gcomhréir le pointe (6) d’Airteagal 128 de CRD, arna shloinneadh mar chéatadán de na RWEAnna iomlána.

EU 11a

Ceanglais chaipitil fhoriomlána (OCR) (%)

Suim de (i) agus (ii) mar a leanas:

(i)  an cóimheas TSRC dá dtagraítear i ró EU 7d;

(ii)  a mhéid is infheidhme ó thaobh an dlí de, cóimheas an cheanglais maoláin chomhcheangailte dá dtagraítear i bpointe (6) d’Airteagal 128 de CRD.

Léireoidh an ítim seo an cóimheas Ceanglas Caipitil Foriomlán (OCR) mar atá sainmhínithe i Roinn 1.2 EBA SREP GL.

I gcás nach bhfuil aon cheanglas maoláin infheidhme, ní nochtfar ach pointe (i).

12

Gnáthchothromas Leibhéal 1 atá ar fáil tar éis na ceanglais cistí dílse SREP iomlána (%) a chomhlíonadh

13

Tomhas iomlán na risíochta

Tomhas iomlán na risíochta i gcomhréir leis an méid arna nochtadh ag institiúidí in Iarscríbhinn XI a ghabhann leis an Rialachán Cur Chun Feidhme seo (ró 24 de theimpléad EU LR2 - LRCom: Nochtadh coiteann an chóimheasa giarála)

14

Cóimheas giarála (%)

Cóimheas giarála i gcomhréir leis an luach arna nochtadh ag institiúidí in Iarscríbhinn XI a ghabhann leis an Rialachán Cur Chun Feidhme seo (ró 25 de theimpléad EU LR2 - LRCom: Nochtadh coiteann an chóimheasa giarála)

EU 14a

Ceanglais cistí dílse breise chun aghaidh a thabhairt ar phriacal na giarála iomarcaí (%)

Na ceanglais cistí dílse breise chun aghaidh a thabhairt ar phriacal na giarála iomarcaí arna bhforchur ag an údarás inniúil faoi phointe (a) d’Airteagal 104(1) de CRD, arna shloinneadh mar chéatadán de thomhas iomlán na risíochta.

Ceanglais cistí dílse breise i gcomhréir leis an luach arna nochtadh ag institiúidí in Iarscríbhinn XI a ghabhann leis an Rialachán Cur Chun Feidhme seo (ró EU-26a de theimpléad EU LR2 - LRCom: Nochtadh coiteann an chóimheasa giarála).

EU 14b

ina bhfuil: Caipiteal de Ghnáthchothromas Leibhéal 1 (pointí céatadáin)

An chuid de na ceanglais cistí dílse breise chun aghaidh a thabhairt ar phriacal na giarála iomarcaí arna bhforchur ag an údarás inniúil faoi phointe (a) d’Airteagal 104(1) de CRD, rud nach mór a chomhlíonadh le caipiteal de Ghnáthchothromas Leibhéal 1 i gcomhréir leis an tríú fomhír d’Airteagal 104a(4).

Ceanglais cistí dílse breise i gcomhréir leis an luach arna nochtadh ag institiúidí in Iarscríbhinn XI a ghabhann leis an Rialachán Cur Chun Feidhme seo (ró EU-26b de theimpléad EU LR2 - LRCom: Nochtadh coiteann an chóimheasa giarála).

EU 14c

Ceanglais iomlána an chóimheasa giarála SREP (%)

Suim de (i) agus (ii) mar a leanas:

(i)  an t-íoscheanglas cóimheasa giarála mar a shonraítear i bpointe (d) d’Airteagal 92(1) de CRR nó an ceanglas cóimheasa coigeartaithe arna ríomh i gcomhréir le hAirteagal 429a(7) de CRR, mar is infheidhme;

(ii)  na ceanglais cistí dílse breise chun aghaidh a thabhairt ar phriacal na giarála iomarcaí (Ceanglais Cholún 2 – P2R) arna bhforchur ag an údarás inniúil faoi phointe (a) d’Airteagal 104(1) de CRD, arna shloinneadh mar chéatadán de thomhas iomlán na risíochta.

Léireofar leis an ítim seo ceanglas cóimheasa giarála SREP iomlán (TSLRR) mar a chuir an t-údarás inniúil in iúl don institiúid é.

Murar fhorchuir an t-údarás inniúil aon cheanglais cistí dílse breise chun aghaidh a thabhairt ar phriacal na giarála iomarcaí, ní nochtfar ach pointe (i).

EU 14d

Ceanglas maoláin cóimheasa giarála (%)

Airteagal 92(1 a) de CRR

Maolán cóimheasa giarála is infheidhme i gcomhréir leis an luach arna nochtadh ag institiúidí in Iarscríbhinn XI a ghabhann leis an Rialachán Cur Chun Feidhme seo (ró 27 de theimpléad EU LR2 - LRCom: Nochtadh coiteann an chóimheasa giarála)

EU 14e

Ceanglas foriomlán cóimheasa giarála (%)

Suim ró EU 14c agus ró EU 14d

15

Iomlán sócmhainní leachtacha ardchaighdeáin (Luach ualaithe – meán)

Nochtfaidh institiúidí mar luach ualaithe na sócmhainní leachtacha i gcomhréir le hAirteagal 9 de Rialachán Tarmligthe (AE) 2015/61 ón gCoimisiún (2) sula gcuirfear an sásra coigeartaithe a leagtar amach in Airteagal 17(2) de Rialachán Tarmligthe (AE) 2015/61 i bhfeidhm.

EU 16 a

Eis-sreafaí airgid – Luach ualaithe iomlán

Nochtfaidh institiúidí suim luach ualaithe a n-eis-sreafaí airgid, mar a nochtar in Iarscríbhinn XIII (ró 16 de Theimpléad EU LIQ1 – Faisnéis chainníochtúil LCR).

EU 16b

Insreafaí airgid – Luach ualaithe iomlán

Nochtfaidh institiúidí suim luach ualaithe a n-insreafaí airgid, mar a nochtar in Iarscríbhinn XIII (ró 20 de Theimpléad EU LIQ1 – Faisnéis chainníochtúil LCR.

16

glan-eis-sreafaí iomlán airgid (Luach coigeartaithe)

Nochtfaidh institiúidí mar an luach coigeartaithe an glan-eis-sreabhadh leachtachta arbh ionann é agus eis-sreafaí iomlána lúide an laghdú i gcás insreafaí atá díolmhaithe go hiomlán lúide an laghdú i gcás insreafaí faoi réir na huasteorann 90 % lúide an laghdú i gcás insreafaí atá faoi réir na huasteorann 75 %.

17

Cóimheas cumhdaigh ar leachtacht (%)

Nochtfaidh institiúidí mar luach coigeartaithe an céatadán den ítim “cóimheas cumhdaigh ar leachtacht (%)” mar a shainmhínítear in Airteagal 4(1) de Rialachán Tarmligthe (AE) 2015/61.

Beidh an cóimheas cumhdaigh ar leachtacht comhionann le cóimheas maolán leachtachta institiúid creidmheasa dá glan-eis-sreafaí leachtachta thar thréimhse struis 30 lá féilire agus arna shloinneadh mar chéatadán.

18

Cistiú cobhsaí iomlán atá ar fáil

Nochtfaidh institiúidí méid an chistiúcháin chobhsaí atá ar fáil arna ríomh i gcomhréir le Caibidil 3 de Theideal IV de Chuid a Sé de CRR, mar a nochtar in Iarscríbhinn XIII (ró 14 de Theimpléad EU LIQ2 – Cóimheas Glanchistiúcháin Chobhsaí).

19

Cistiú cobhsaí iomlán atá de dhíth

Nochtfaidh institiúidí méid an chistiúcháin chobhsaí atá de dhíth arna ríomh i gcomhréir le Caibidil 4 de Theideal IV de Chuid a Sé de CRR, mar a nochtar in Iarscríbhinn XIII (ró 33 de Theimpléad EU LIQ2 – Cóimheas Glanchistiúcháin Chobhsaí).

20

Cóimheas Glanchistiúcháin Chobhsaí (%)

Cóimheas Glanchistiúcháin Chobhsaí arna ríomh i gcomhréir le hAirteagal 428b de CRR.

Tagairtí dlíthiúla agus treoracha

Uimhir cholúin

Míniú

a

Luach na risíochta

Luach risíochta na n-ionstraimí cistí dílse arna sealbhú in aon ghnóthas árachais, aon ghnóthas ath-árachais nó aon chomhlacht sealbhaithe árachais nach n-asbhaineann na hinstitiúidí as a gcistí dílse i gcomhréir le hAirteagal 49 de CRR agus ceanglais chaipitil á ríomh acu ar bhonn aonair, fo-chomhdhlúite agus comhdhlúite.

b

Méid na risíochta ar phriacal

Méid na risíochta ar phriacal a bhaineann leis na hionstraimí cistí dílse arna sealbhú in aon ghnóthas árachais, aon ghnóthas ath-árachais nó aon chomhlacht sealbhaithe árachais nach n-asbhaineann na hinstitiúidí as a gcistí dílse i gcomhréir le hAirteagal 49 de CRR agus ceanglais chaipitil á ríomh acu ar bhonn aonair, fo-chomhdhlúite agus comhdhlúite.

Tagairtí dlíthiúla agus treoracha

Uimhir an ró

Míniú

1

Ceanglais fhorlíontacha cistí dílse den ilchuideachta airgeadais (méid)

Méid na gceanglas forlíontacha maidir le cistí dílse na hilchuideachta airgeadais arna ríomh i gcomhréir le hAirteagal 6 de Threoir (CE) 2002/87 ó Pharlaimint na hEorpa agus ón gComhairle (1) agus le hIarscríbhinn I a ghabhann leis an Treoir sin i gcás ina gcuirtear modhanna 1 nó 2 a leagtar amach in Iarscríbhinn I i bhfeidhm.

2

Cóimheas leordhóthanachta chaipitil na hilchuideachta airgeadais (%)

An cóimheas leordhóthanacht chaipitil den ilchuideachta airgeadais arna ríomh i gcomhréir le hAirteagal 6 de Threoir (CE) 2002/87 agus le hIarscríbhinn I a ghabhann leis an Treoir sin i gcás ina gcuirtear modh 1 nó modh 2 a leagtar amach in Iarscríbhinn I i bhfeidhm.

Tagairtí dlíthiúla agus treoracha

Uimhir an ró

Míniú

(a)

Cur chuige maidir le measúnú a dhéanamh ar leordhóthanacht a gcaipitil inmheánaigh

Nochtfaidh institiúidí achoimre ar a gcur chuige maidir le measúnú a dhéanamh ar leordhóthanacht a gcaipitil inmheánaigh d’fhonn tacú le gníomhaíochtaí reatha agus todhchaí.

(b)

Arna iarraidh sin don údarás inniúil ábhartha, toradh ar phróiseas inmheánach measúnaithe na hinstitiúide ar leordhóthanacht caipitil

Ní nochtfaidh institiúidí an fhaisnéis sin ach amháin nuair a éileoidh an t-údarás inniúil ábhartha í a nochtadh.