+ANNESS II

ANNESS II

Struzzjonijiet għal mudelli ta’ divulgazzjoni ġenerali

Mudell EU OV1 – Ħarsa ġenerali lejn l-ammonti totali tal-iskopertura għar-riskju. Format fiss

1. L-istituzzjonijiet għandhom japplikaw l-istruzzjonijiet ta’ hawn taħt sabiex jimlew il-Mudell EU OV1 kif ippreżentat fl-Anness I ta’ dan ir-Regolament ta’ Implimentazzjoni, b’applikazzjoni tal-punt (d) tal-Artikolu 438 tar-Regolament (UE) Nru 575/2013 ( 5 ) (“CRR”).

2. L-istituzzjonijiet għandhom jispjegaw, fejn rilevanti, fin-narrattiva li takkumpanja l-mudell, l-effett li l-applikazzjoni tal-livelli minimi ta’ kapital u n-nuqqas ta’ tnaqqis tal-entrati mill-fondi proprji jkollhom fuq il-kalkolu tal-fondi proprji u tal-ammonti tal-iskopertura għar-riskju.

Referenzi legali u struzzjonijiet
Numru tal-kolonna	Spjegazzjoni
a	Ammonti tal-iskopertura totali għar-riskju (TREA) L-ammont totali tal-iskopertura għar-riskju kkalkolat f’konformità mal-Artikolu 92(3) u mal-Artikoli 95, 96 u 98 CRR
b	TREA (T-1) TREA kif żvelati fil-perjodu ta’ divulgazzjoni preċedenti
c	Rekwiżiti ta’ fondi proprji totali Rekwiżiti ta’ fondi proprji li jikkorrispondu għall-RWEAs għall-kategoriji ta’ riskju differenti
Referenzi legali u struzzjonijiet
Numru tar-ringiela	Spjegazzjoni
1	Riskju ta’ kreditu (eskluż is-CCR) L-RWEAs u r-rekwiżiti ta’ fondi proprji kkalkolati f’konformità mal-Kapitoli minn 1 sa 4 tat-Titolu II tal-Parti Tlieta tas-CRR, u mal-Artikolu 379 CRR. L-RWEAs għall-iskoperturi tat-titolizzazzjoni fil-portafoll mhux tan-negozjar u għas-CCR huma esklużi u ddikjarati fir-ringieli 6 u 16 ta’ dan il-mudell. L-istituzzjonijiet għandhom jinkludu, fl-ammont dikjarat f’din ir-ringiela, l-RWEAs u r-rekwiżiti ta’ fondi proprji għar-riskju ta’ konsenji bla ħlas ikkalkolati f’konformità mal-Artikolu 379 CRR.
2	Riskju ta’ kreditu (eskluż is-CCR) - Li minnu l-approċċ standardizzat L-RWEAs u r-rekwiżiti ta’ fondi proprji kkalkolati f’konformità mal-approċċ standardizzat tas-CR (il-Kapitolu 2 tat-Titolu II tal-Parti Tlieta tas-CRR u l-Artikolu 379 CRR).
3	Riskju ta’ kreditu (eskluż is-CCR) - Li minnu l-approċċ IRB ta’ Fondazzjoni (F-IRB) L-RWEAs u r-rekwiżiti ta’ fondi proprji kkalkolati f’konformità mas-CR – Approċċ Ibbażat fuq Klassifikazzjonijiet Interni ta’ Fondazzjoni (il-Kapitolu 3 tat-Titolu II tal-Parti Tlieta tas-CRR), esklużi l-RWEAs iddikjaraati fir-ringiela 4 għal skoperturi speċjalizzati ta’ għoti ta’ self soġġetti għall-approċċ ta’ klassifikar prudenzjali, u fir-ringiela EU 4a għall-ekwitajiet taħt l-approċċ sempliċi ta’ ponderazzjoni tar-riskji, u inklużi l-RWEAs u r-rekwiżiti ta’ fondi proprji kkalkolati f’konformità mal-Artikolu 379 CRR.
4	Riskju ta’ kreditu (bl-esklużjoni tas-CCR) - Li minnu: approċċ ta’ klassifikar prudenzjali L-RWEAs u r-rekwiżiti ta’ fondi proprji għal skoperturi speċjalizzati ta’ għoti ta’ self soġġetti għall-approċċ ta’ klassifikar prudenzjali kkalkolati f’konformità mal-Artikolu 153(5) CRR.
EU 4a	Riskju ta’ kreditu (bl-esklużjoni tas-CCR) - Li minnu: ekwitajiet taħt l-approċċ sempliċi ta’ ponderazzjoni tar-riskji L-RWEAs u r-rekwiżiti ta’ fondi proprji għal ekwitajiet taħt l-approċċ sempliċi ta’ ponderazzjoni tar-riskji kkalkolati f’konformità mal-Artikolu 155(2) CRR.
5	Riskju ta’ kreditu (bl-esklużjoni tas-CCR) - Li minnu l-approċċ IRB Avvanzat (A-IRB) L-RWEAs u r-rekwiżiti ta’ fondi proprji kkalkolati f’konformità mas-CR – Approċċ ta’ Bażi ta’ Klassifikazzjoni Interna Avvanzata (il-Kapitolu 3 tat-Titolu II tal-Parti Tlieta tas-CRR), esklużi l-RWEAs iddikjarati fir-ringiela 4 għal skoperturi speċjalizzati ta’ għoti ta’ self soġġetti għall-approċċ ta’ klassifikar prudenzjali, u fir-ringiela EU 4a għall-ekwitajiet taħt l-approċċ sempliċi ta’ ponderazzjoni tar-riskji, u inklużi l-RWEAs u r-rekwiżiti ta’ fondi proprji kkalkolati f’konformità mal-Artikolu 379 CRR.
6	Riskju ta’ kreditu tal-kontroparti – CCR L-RWEAs u r-rekwiżiti ta’ fondi proprji kkalkolati f’konformità mal-Kapitolu 6 tat-Titolu II tal-Parti Tlieta tas-CRR għar-riskju ta’ kreditu tal-kontroparti.
7	CCR - Li minnu l-approċċ standardizzat L-RWEAs u r-rekwiżiti ta’ fondi proprji kkalkolati f’konformità mat-Taqsima 3 tal-Kapitolu 6 tat-Titolu II tal-Parti Tlieta tas-CRR.
8	CCR - Li minnu l-metodu tal-mudell intern (IMM) L-RWEAs u r-rekwiżiti ta’ fondi proprji kkalkolati f’konformità mal-Artikolu 283 CRR.
EU 8a	CCR – Li minnu skoperturi għal CCP L-RWEAs u r-rekwiżiti ta’ fondi proprji kkalkolati f’konformità mat-Taqsima 9 tal-Kapitolu 6 tat-Titolu II tal-Parti Tlieta tas-CRR.
EU 8b	CCR – Li minnu aġġustament tal-valwazzjoni tal-kreditu – CVA L-RWEAs u r-rekwiżiti ta’ fondi proprji kkalkolati f’konformità mat-Titolu VI tal-Parti Tlieta tas-CRR.
9	CCR - Li minnu CCR ieħor L-RWEAs u rekwiżiti ta’ fondi proprji tas-CCR li mhumiex iddikjarati taħt ir-ringieli 7, 8, EU 8a u EU 8b.
10	Mhux applikabbli
11	Mhux applikabbli
12	Mhux applikabbli
13	Mhux applikabbli
14	Mhux applikabbli
15	Riskju tas-saldu L-ammont tal-iskopertura għar-riskju (REA) u r-rekwiżiti ta’ fondi proprji kkalkolati għar-riskju tas-saldu/tal-konsenja f’konformità mal-Artikolu 378 CRR.
16	Skoperturi ta’ titolizzazzjoni fil-portafoll mhux tan-negozjar (wara l-limitu massimu) L-RWEAs u r-rekwiżiti ta’ fondi proprji kkalkolati f’konformità mal-Kapitolu 5 tat-Titolu II tal-Parti Tlieta tas-CRR.
17	Titolizzazzjoni - Li minnha l-approċċ SEC-IRBA L-RWEAs u r-rekwiżiti ta’ fondi proprji kkalkolati f’konformità mal-approċċ regolatorju SEC-IRBA, użati f’konformità mal-ġerarkija tal-approċċi stabbilita fl-Artikolu 254 CRR.
18	Titolizzazzjoni - Li minnha SEC-ERBA (inkluż l-IAA) L-RWEAs u r-rekwiżiti ta’ fondi proprji kkalkolati f’konformità mal-approċċ regolatorju SEC-ERBA (inkluż l-IAA), użati f’konformità mal-ġerarkija tal-approċċi stabbilita fl-Artikolu 254 CRR.
19	Titolizzazzjoni - Li minnha l-approċċ SEC-SA L-RWEAs u r-rekwiżiti ta’ fondi proprji kkalkolati f’konformità mal-approċċ regolatorju SEC-SA, użati f’konformità mal-ġerarkija tal-approċċi stabbilita fl-Artikolu 254 CRR.
EU 19a	Titolizzazzjoni - Li minnha 1 250 % / tnaqqis L-RWEAs u r-rekwiżiti ta’ fondi proprji għall-iskoperturi tat-titolizzazzjoni fil-portafoll mhux tan-negozjar ponderati għar-riskju b’1 250 % jew imnaqqsa mill-fondi proprji f’konformità mal-Kapitolu 5 tat-Titolu II tal-Parti Tlieta tas-CRR.
20	Riskji ta’ pożizzjoni, tal-kambju u tal-komoditajiet (Riskju tas-suq) L-RWEAs u r-rekwiżiti ta’ fondi proprji kkalkolati f’konformità mat-Titolu IV tal-Parti Tlieta tas-CRR.
21	Riskju tas-suq - Li minnu l-approċċ standardizzat L-RWEAs u r-rekwiżiti ta’ fondi proprji kkalkolati f’konformità mal-Kapitoli minn 2 sa 4 tat-Titolu IV tal-Parti Tlieta tas-CRR.
22	Riskju tas-suq - Li minnu l-IMA L-REA u r-rekwiżiti ta’ fondi proprji kkalkolati f’konformità mal-Kapitolu 5 tat-Titolu IV tal-Parti Tlieta tas-CRR.
EU 22a	Skoperturi kbar L-REA u r-rekwiżiti ta’ fondi proprji kkalkolati f’konformità mal-punt (b)(ii) tal-Artikolu 92(3) CRR.
23	Riskju operazzjonali L-REA u r-rekwiżiti ta’ fondi proprji kkalkolati f’konformità mat-Titolu III tal-Parti Tlieta tas-CRR.
EU 23a	Riskju operazzjonali - Li minnu l-approċċ tal-indikatur bażiku L-REA u r-rekwiżiti ta’ fondi proprji kkalkolati f’konformità mal-Kapitolu 2 tat-Titolu III tal-Parti Tlieta tas-CRR.
EU 23b	Riskju operazzjonali - Li minnu l-approċċ standardizzat L-REA u r-rekwiżiti ta’ fondi proprji kkalkolati f’konformità mal-Kapitolu 3 tat-Titolu III tal-Parti Tlieta tas-CRR.
EU 23c	Riskju operazzjonali - Li minnu l-approċċ ta’ kejl avvanzat L-REA u r-rekwiżiti ta’ fondi proprji kkalkolati f’konformità mal-Kapitolu 4 tat-Titolu III tal-Parti Tlieta tas-CRR.
24	Ammont taħt il-limiti għat-tnaqqis (soġġett għal ponderazzjoni tar-riskju ta’ 250 %) L-ammont għandu jikkorrispondi għas-somma tal-ammonti tal-entrati soġġetti għal piż tar-riskju ta’ 250 % imsemmija fl-Artikolu 48(4) CRR wara l-applikazzjoni tal-piż tar-riskju ta’ 250 %. Dawk l-ammonti jinkludu: — l-assi ta’ taxxa differita li jiddependu fuq il-profittabilità futura u li jirriżultaw minn differenzi temporanji, u fl-aggregat huma ugwali għal jew anqas minn 10 % tal-entrati tal-Grad 1 ta’ Ekwità Komuni tal-istituzzjoni kkalkolati f’konformità mal-punt (a) tal-Artikolu 48(1) CRR. — investimenti sinifikanti f’entità tas-settur finanzjarju, il-parteċipazzjonijiet diretti, indiretti u sintetiċi ta’ dik l-istituzzjoni tal-istrumenti tal-Grad 1 ta’ Ekwità Komuni ta’ dawk l-entitajiet li fl-aggregat huma ugwali għal, jew anqas minn, 10 % tal-entrati tal-Grad 1 ta’ Ekwità Komuni tal-istituzzjoni kkalkolati f’konformità mal-punt (b) tal-Artikolu 48(1) CRR. L-informazzjoni f’din ir-ringiela tiġi ddikjarata għall-finijiet ta’ informazzjoni biss billi l-ammont inkluż hawn huwa inkluż ukoll fir-ringiela 1, fejn l-istituzzjonijiet jintalbu jiddikjaraw informazzjoni dwar ir-riskju ta’ kreditu.
25	Mhux applikabbli
26	Mhux applikabbli
27	Mhux applikabbli
28	Mhux applikabbli
29	Total L-ammont totali tal-iskopertura għar-riskju kkalkolat f’konformità mal-Artikolu 92(3) u mal-Artikoli 95, 96 u 98 CRR.

Mudell EU KM1 – Mudell tal-metrika ewlenija. Format fiss

3. L-istituzzjonijiet għandhom japplikaw l-istruzzjonijiet ipprovduti hawn taħt f’dan l-Anness sabiex jimlew il-Mudell EU KM1 ippreżentat fl-Anness I ta’ dan ir-Regolament ta’ Implimentazzjoni, fl-applikazzjoni tal-punti minn (a) sa (g) tal-Artikolu 447 CRR u fl-applikazzjoni tal-punt (b) tal-Artikolu 438 CRR.

Referenzi legali u struzzjonijiet
Numru tal-kolonna	Spjegazzjoni
a - e	Il-perjodi ta’ divulgazzjoni T, T-1, T-2, T-3 u T-4 huma ddefiniti bħala perjodi trimestrali u għandhom jimtlew skont il-frekwenza stabbilita mill-Artikoli 433a, 433b u 433c CRR. L-istituzzjonijiet li jiddikjaraw l-informazzjoni li tinsab f’dan il-mudell fuq bażi trimestrali għandhom jipprovdu data għall-perjodi T, T-1, T-2, T-3 u T-4; l-istituzzjonijiet li jiddikjaraw l-informazzjoni f’dan il-mudell fuq bażi semiannwali għandhom jipprovdu data għall-perjodi T, T-2 u T-4; u l-istituzzjonijiet li jiddikjaraw l-informazzjoni f’dan il-mudell fuq bażi annwali għandhom jipprovdu data għall-perjodi T u T-4. L-istituzzjonijiet għandhom jiddikjaraw id-dati li jikkorrispondu għall-perjodi ta’ divulgazzjoni. Id-divulgazzjoni tad-data għal perjodi preċedenti mhijiex meħtieġa meta d-data tiġi ddikjarata għall-ewwel darba.
Referenzi legali u struzzjonijiet
Numru tar-ringiela	Spjegazzjoni
1	Kapital tal-Grad 1 ta’ Ekwità Komuni (CET1) L-ammont ta’ kapital tas-CET1 għandu jkun l-ammont iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 29 tal-Mudell EU CC1 Kompożizzjoni tal-fondi proprji regolatorji)
2	Kapital tal-Grad 1 L-ammont ta’ kapital tal-Grad 1 għandu jkun l-ammont iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 45 tal-Mudell EU CC1 Kompożizzjoni tal-fondi proprji regolatorji)
3	Kapital totali L-ammont ta’ kapital totali għandu jkun l-ammont iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 59 tal-Mudell EU CC1 Kompożizzjoni tal-fondi proprji regolatorji)
4	Ammont tal-iskopertura totali għar-riskju L-ammont tal-iskopertura totali għar-riskju (total risk exposure amount, TREA) għandu jkun l-ammont iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 60 tal-Mudell EU CC1 Kompożizzjoni tal-fondi proprji regolatorji)
5	Proporzjon tal-Grad 1 ta’ Ekwità Komuni (%) Il-proporzjon tal-kapital tas-CET1 għandu jkun il-valur iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 61 tal-Mudell EU CC1 Kompożizzjoni tal-fondi proprji regolatorji)
6	Proporzjon tal-Grad 1 (%) Il-proporzjon tal-kapital tal-grad 1 għandu jkun il-valur iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 62 tal-Mudell EU CC1 Kompożizzjoni tal-fondi proprji regolatorji)
7	Proporzjon kapitali totali (%) Il-proporzjon kapitali totali għandu jkun il-valur iddikjarat mill-istituzzjonijiet fl-Anness VII ta’ dan ir-Regolament ta’ Implimentazzjoni (ir-ringiela 63 tal-Mudell EU CC1 Kompożizzjoni tal-fondi proprji regolatorji)
EU 7a	Rekwiżiti ta’ fondi proprji addizzjonali sabiex jiġu indirizzati riskji għajr ir-riskju ta’ ingranaġġ eċċessiv (%) Ir-rekwiżiti ta’ fondi proprji addizzjonali sabiex jiġu indirizzati riskji għajr ir-riskju ta’ ingranaġġ eċċessiv imposti mill-awtorità kompetenti skont il-punt (a) tal-Artikolu 104(1) CRD, espressi bħala perċentwal tal-ammont totali tal-iskopertura għar-riskju.
EU 7b	li minnhom: iridu jkunu magħmula minn kapital tas-CET1 (punti perċentwali) Il-parti tar-rekwiżiti ta’ fondi proprji addizzjonali sabiex jiġu indirizzati riskji għajr ir-riskju ta’ ingranaġġ eċċessiv imposti mill-awtorità kompetenti skont il-punt (a) tal-Artikolu 104(1) CRD, li trid tiġi ssodisfata bil-kapital tal-Grad 1 ta’ Ekwità Komuni f’konformità mal-ewwel u mat-tielet subparagrafi tal-Artikolu 104a(4).
EU 7c	li minnhom: iridu jkunu magħmula minn kapital tal-Grad 1 (punti perċentwali) Il-parti tar-rekwiżiti ta’ fondi proprji addizzjonali sabiex jiġu indirizzati riskji għajr ir-riskju ta’ ingranaġġ eċċessiv imposti mill-awtorità kompetenti skont il-punt (a) tal-Artikolu 104(1) CRD, li trid tiġi ssodisfata bil-kapital tal-Grad 1 f’konformità mal-ewwel u mat-tielet subparagrafi tal-Artikolu 104a(4).
EU 7d	Rekwiżiti ta’ fondi proprji totali tal-SREP (proporzjon ta’ TSCR) (%) Is-somma ta’ valuri ddeterminati taħt il-punti (i) u (ii) kif ġej: (i) il-proporzjon tal-kapital totali (8 %) kif speċifikat fil-punt (c) tal-Artikolu 92(1) CRR; (ii) ir-rekwiżiti ta’ fondi proprji addizzjonali sabiex jiġu indirizzati riskji għajr ir-riskju ta’ ingranaġġ eċċessiv (Rekwiżiti tal-Pilastru 2 – P2R) imposti mill-awtorità kompetenti taħt il-punt (a) tal-Artikolu 104(1) CRD u ddeterminat f’konformità mal-kriterji speċifikati fil-Linji Gwida tal-EBA dwar il-proċeduri u l-metodoloġiji komuni għall-proċess ta’ reviżjoni u evalwazzjoni superviżorji (SREP) u l-ittestjar tal-istress superviżorju (1)(“GL tal-EBA dwar l-SREP”), espressi bħala perċentwal tal-RWEAs totali. Din l-entrata għandha tirrifletti l-proporzjon tar-rekwiżit kapitali totali tal-SREP (TSCR) kif ikkomunikat lill-istituzzjoni mill-awtorità kompetenti. It-TSCR huwa ddefinit fit-Taqsima 1.2 tal-GL tal-EBA dwar l-SREP. Meta l-awtorità kompetenti ma tkun ikkomunikat l-ebda rekwiżit ta’ fondi proprji addizzjonali impost sabiex jiġu indirizzati riskji għajr ir-riskju ta’ ingranaġġ eċċessiv, għandu jiġi ddikjarat il-punt (i) biss.
8	Riżerva ta’ konservazzjoni ta’ kapital (%) Ammont ta’ fondi proprji li l-istituzzjonijiet huma meħtieġa jżommu f’konformità mal-Artikolu 128(1) u mal-Artikolu 129 CRD, espress bħala perċentwal tal-RWEAs totali.
EU 8a	Riżerva ta’ konservazzjoni minħabba riskju makroprudenzjali jew sistemiku identifikat fil-livell ta’ Stat Membru (%) Ammont tar-riżerva ta’ konservazzjoni minħabba riskju makroprudenzjali jew sistemiku identifikat fil-livell ta’ Stat Membru, li jista’ jintalab f’konformità mal-Artikolu 458 CRR minbarra r-riżerva ta’ konservazzjoni ta’ kapital, espress bħala perċentwal tal-RWEAs totali.
9	Riżerva ta’ kapital kontroċiklika speċifika għall-istituzzjoni (%) Ammont ta’ fondi proprji li l-istituzzjonijiet huma meħtieġa jżommu f’konformità mal-Artikolu 128(2), mal-Artikolu 130, u mal-Artikoli minn 135 sa 140 CRD, espress bħala perċentwal tal-RWEAs totali. Il-perċentwal għandu jirrifletti l-ammont ta’ fondi proprji meħtieġa sabiex jiġu ssodisfati r-rekwiżiti tar-riżerva ta’ kapital rispettivi fid-data tad-divulgazzjoni.
EU 9a	Riżerva ta’ riskju sistemiku (%) Ammont ta’ fondi proprji li l-istituzzjonijiet huma meħtieġa jżommu f’konformità mal-Artikolu 128(5) u mal-Artikoli 133 u 134 CRD, espress bħala perċentwal tal-RWEAs totali. Il-perċentwal għandu jirrifletti l-ammont ta’ fondi proprji meħtieġa sabiex jiġu ssodisfati r-rekwiżiti tar-riżerva ta’ kapital rispettivi fid-data tad-divulgazzjoni.
10	Riżerva għall-Istituzzjonijiet Globali Sistemikament Importanti (%) Ammont ta’ fondi proprji li l-istituzzjonijiet huma meħtieġa jżommu f’konformità mal-Artikolu 128(3) u mal-Artikolu 131 CRD, espress bħala perċentwal tal-RWEAs totali. Il-perċentwal għandu jirrifletti l-ammont ta’ fondi proprji meħtieġa sabiex jiġu ssodisfati r-rekwiżiti tar-riżerva ta’ kapital rispettivi fid-data tad-divulgazzjoni.
EU 10a	Riżerva għall-Istituzzjonijiet Oħra Sistemikament Importanti (%) Ammont ta’ fondi proprji li l-istituzzjonijiet huma meħtieġa jżommu f’konformità mal-Artikolu 128(4) u mal-Artikolu 131 CRD, espress bħala perċentwal tal-RWEAs totali. Il-perċentwal għandu jirrifletti l-ammont ta’ fondi proprji meħtieġa sabiex jiġu ssodisfati r-rekwiżiti tar-riżerva ta’ kapital rispettivi fid-data tad-divulgazzjoni.
11	Rekwiżit ta’ riżerva kombinat (%) F’konformità mal-punt (6) tal-Artikolu 128 CRD, espress bħala perċentwal tal-RWEAs totali.
EU 11a	Rekwiżiti kapitali ġenerali (OCR) (%) It-total ta’ (i) u (ii) kif ġej: (i) il-proporzjon ta’ TSCR imsemmi fir-ringiela EU 7d; (ii) sa fejn huwa legalment applikabbli, il-proporzjon tar-rekwiżit ta’ riżerva kombinat imsemmi fil-punt (6) tal-Artikolu 128 CRD. Din l-entrata għandha tirrifletti l-proporzjon tar-Rekwiżit Kapitali Ġenerali (OCR) kif iddefinit fit-Taqsima 1.2 tal-GL tal-EBA dwar l-SREP. Meta ma jkun applikabbli l-ebda rekwiżit ta’ riżerva, għandu jiġi ddikjarat il-punt (i) biss.
12	CET1 disponibbli wara li jiġu ssodisfati r-rekwiżiti ta’ fondi proprji totali tal-SREP (%)
13	Kejl tal-iskopertura totali Il-kejl tal-iskopertura totali f’konformità mal-ammont iddikjarat mill-istituzzjonijiet fl-Anness XI ta’ dan ir-Regolament ta’ Implimentazzjoni (ir-ringiela 24 tal-Mudell EU LR2 - LRCom: Divulgazzjoni komuni tal-proporzjon ta’ ingranaġġ)
14	Proporzjon ta’ ingranaġġ (%) Il-proporzjon ta’ ingranaġġ f’konformità mal-valur iddikjarat mill-istituzzjonijiet fl-Anness XI ta’ dan ir-Regolament ta’ Implimentazzjoni (ir-ringiela 25 tal-Mudell EU LR2 - LRCom: Divulgazzjoni komuni tal-proporzjon ta’ ingranaġġ)
EU 14a	Rekwiżiti ta’ fondi proprji addizzjonali sabiex jiġi indirizzat ir-riskju ta’ ingranaġġ eċċessiv (%) Ir-rekwiżiti ta’ fondi proprji addizzjonali sabiex jiġi indirizzat ir-riskju ta’ ingranaġġ eċċessiv imposti mill-awtorità kompetenti skont il-punt (a) tal-Artikolu 104(1) CRD, espressi bħala perċentwal tal-kejl tal-iskopertura totali. Ir-rekwiżiti ta’ fondi proprji addizzjonali f’konformità mal-valur iddikjarat mill-istituzzjonijiet fl-Anness XI ta’ dan ir-Regolament ta’ Implimentazzjoni (ir-ringiela EU-26a tal-Mudell EU LR2 - LRCom: Divulgazzjoni komuni tal-proporzjon ta’ ingranaġġ).
EU 14b	li minnhom: iridu jkunu magħmula minn kapital tas-CET1 ta’ ekwità komuni (punti perċentwali) Il-parti tar-rekwiżiti ta’ fondi proprji addizzjonali sabiex jiġi indirizzat ir-riskju ta’ ingranaġġ eċċessiv imposti mill-awtorità kompetenti skont il-punt (a) tal-Artikolu 104(1) CRD, li trid tiġi ssodisfata bil-kapital tas-CET1 f’konformità mat-tielet subparagrafi tal-Artikolu 104a(4). Ir-rekwiżiti ta’ fondi proprji addizzjonali f’konformità mal-valur iddikjarat mill-istituzzjonijiet fl-Anness XI ta’ dan ir-Regolament ta’ Implimentazzjoni (ir-ringiela EU-26b tal-Mudell EU LR2 - LRCom: Divulgazzjoni komuni tal-proporzjon ta’ ingranaġġ).
EU 14c	Rekwiżiti totali tal-proporzjon ta’ ingranaġġ tal-SREP (%) It-total ta’ (i) u (ii) kif ġej: (i) ir-rekwiżit tal-proporzjon ta’ ingranaġġ minimu kif speċifikat fil-punt (d) tal-Artikolu 92(1) CRR jew ir-rekwiżit tal-proporzjon ta’ ingranaġġ aġġustat ikkalkolat f’konformità mal-Artikolu 429a(7) CRR, kif applikabbli; (ii) ir-rekwiżiti ta’ fondi proprji addizzjonali sabiex jiġi indirizzat ir-riskju ta’ ingranaġġ eċċessiv (Rekwiżiti tal-Pilastru 2 – P2R) imposti mill-awtorità kompetenti skont il-punt (a) tal-Artikolu 104(1) CRD, espressi bħala perċentwal tal-kejl tal-iskopertura totali. Din l-entrata għandha tirrifletti r-rekwiżit tal-proporzjon ta’ ingranaġġ tal-SREP (TSLRR) kif ikkomunikat lill-istituzzjoni mill-awtorità kompetenti. Jekk l-awtorità kompetenti ma tkun imponiet l-ebda rekwiżit ta’ fondi proprji addizzjonali sabiex jiġi indirizzat ir-riskju ta’ ingranaġġ eċċessiv, għandu jiġi ddikjarat il-punt (i) biss.
EU 14d	Rekwiżit ta’ buffer għall-proporzjon ta’ lieva finanzjarja (%) L-Artikolu 92(1a) CRR Il-buffer għall-proporzjon ta’ lieva finanzjarja applikabbli f’konformità mal-valur iddikjarat mill-istituzzjonijiet fl-Anness XI ta’ dan ir-Regolament ta’ Implimentazzjoni (ir-ringiela 27 tal-Mudell EU LR2 - LRCom: Divulgazzjoni komuni tal-proporzjon ta’ ingranaġġ)
EU 14e	Rekwiżit ġenerali tal-proporzjon ta’ ingranaġġ (%) Somma tar-ringieli EU 14c u EU 14d
15	Assi likwidi ta’ kwalità għolja (HQLA) totali (Valur ponderat - medja) L-istituzzjonijiet għandhom jiddikjaraw bħala l-valur ponderat il-valur tal-assi likwidi f’konformità mal-Artikolu 9 tar-Regolament ta’ Delega tal-Kummissjoni (UE) 2015/61 (2) qabel ma japplikaw il-mekkaniżmu ta’ aġġustament stabbilit fl-Artikolu 17(2) tar-Regolament ta’ Delega (UE) 2015/61.
EU 16a	Ħruġ ta’ flus - Valur ponderat totali L-istituzzjonijiet għandhom jiddikjaraw is-somma tal-valur ponderat tal-ħruġ ta’ flus tagħhom, kif iddikjarat fl-Anness XIII (ir-ringiela 16 tal-Mudell EU LIQ1 - Informazzjoni kwantitattiva tal-LCR).
EU 16b	Dħul ta’ flus - Valur ponderat totali L-istituzzjonijiet għandhom jiddikjaraw is-somma tal-valur ponderat tad-dħul ta’ flus tagħhom, kif iddikjarat fl-Anness XIII (ir-ringiela 20 tal-Mudell EU LIQ1 - Informazzjoni kwantitattiva tal-LCR.
16	Ħruġ nett totali ta’ flus (Valur aġġustat) L-istituzzjonijiet għandhom jiddikjaraw bħala l-valur aġġustat, il-fluss ta’ ħruġ nett tal-likwidità li huwa ugwali għall-flussi ta’ ħruġ totali nieqes it-tnaqqis għall-influssi eżentati kompletament nieqes it-tnaqqis għall-influssi soġġetti għal-limitu massimu ta’ 90 % nieqes it-tnaqqis għall-influssi soġġetti għal-limitu massimu ta’ 75 %.
17	Proporzjon ta’ kopertura tal-likwidità (%) L-istituzzjonijiet għandhom jiddikjaraw bħala l-valur aġġustat il-perċentwal tal-entrata “Proporzjon ta’ kopertura tal-likwidità (%)” kif iddefinit fl-Artikolu 4(1) tar-Regolament ta’ Delega (UE) 2015/61. Il-proporzjon ta’ kopertura tal-likwidità għandu jkun ugwali għall-proporzjon tar-riżervi ta’ likwidità ta’ istituzzjoni ta’ kreditu mal-ħruġ nett ta’ likwidità tagħha fuq perjodu ta’ stress ta’ 30 jum kalendarju u għandu jkun espress bħala perċentwal.
18	Finanzjament stabbli disponibbli totali L-istituzzjonijiet għandhom jiddikjaraw l-ammont ta’ finanzjament stabbli disponibbli kkalkolat f’konformità mal-Kapitolu 3 tat-Titolu IV tal-Parti Sitta tas-CRR, kif iddikjarat fl-Anness XIII (ir-ringiela 14 tal-Mudell EU LIQ2 – Proporzjon ta’ Finanzjament Stabbli Nett).
19	Finanzjament stabbli meħtieġ totali L-istituzzjonijiet għandhom jiddikjaraw l-ammont ta’ finanzjament stabbli meħtieġ ikkalkolat f’konformità mal-Kapitolu 4 tat-Titolu IV tal-Parti Sitta tas-CRR, kif iddikjarat fl-Anness XIII (ir-ringiela 33 tal-Mudell EU LIQ2 – Proporzjon ta’ Finanzjament Stabbli Nett).
20	Proporzjon ta’ NSFR (%) Il-proporzjon ta’ NSFR ikkalkolat f’konformità mal-Artikolu 428b CRR.
(1) Il-Linji gwida EBA/GL/2018/03 tal-Awtorità Bankarja Ewropea tad-19 ta’ Lulju 2018 dwar il-proċeduri komuni riveduti u l-metodoloġiji għall-proċess ta’ reviżjoni u evalwazzjoni superviżorji (supervisory review and evaluation process, SREP) u l-ittestjar tal-istress superviżorju. (2) Ir-Regolament ta’ Delega tal-Kummissjoni (UE) 2015/61 tal-10 ta' Ottubru 2014 li jissupplimenta r-Regolament (UE) Nru 575/2013 tal-Parlament Ewropew u tal-Kunsill rigward ir-rekwiżit ta' kopertura tal-likwidità għall-Istituzzjonijiet ta' Kreditu (ĠU L 11, 17.1.2015, p. 1)

Mudell EU INS1 – Parteċipazzjonijiet tal-assigurazzjoni: Format fiss

4. L-istituzzjonijiet għandhom japplikaw l-istruzzjonijiet ipprovduti hawn taħt f’dan l-Anness sabiex jimlew il-Mudell EU INS1 kif ippreżentat fl-Anness I, b’applikazzjoni tal-punt (f) tal-Artikolu 438 CRR.

Referenzi legali u struzzjonijiet
Numru tal-kolonna	Spjegazzjoni
a	Valur tal-iskopertura Il-valur tal-iskopertura tal-istrumenti ta’ fondi proprji miżmuma fi kwalunkwe impriża tal-assigurazzjoni, impriża tar-riassigurazzjoni jew kumpanija azzjonarja tal-assigurazzjoni li l-istituzzjonijiet ma jnaqqsux mill-fondi proprji tagħhom f’konformità mal-Artikolu 49 CRR meta jikkalkolaw ir-rekwiżiti kapitali tagħhom fuq bażi individwali, subkonsolidata u konsolidata.
b	Ammont tal-iskopertura għar-riskju L-ammont tal-iskopertura għar-riskju tal-istrumenti ta’ fondi proprji miżmuma fi kwalunkwe impriża tal-assigurazzjoni, impriża tar-riassigurazzjoni jew kumpanija azzjonarja tal-assigurazzjoni li l-istituzzjonijiet ma jnaqqsux mill-fondi proprji tagħhom f’konformità mal-Artikolu 49 CRR meta jikkalkolaw ir-rekwiżiti kapitali tagħhom fuq bażi individwali, subkonsolidata u konsolidata.

Mudell EU INS2 – Konglomerati finanzjarji - Informazzjoni dwar il-fondi proprji u l-proporzjon tal-adegwatezza kapitali. Format fiss

5. L-istituzzjonijiet għandhom japplikaw l-istruzzjonijiet ipprovduti hawn taħt f’dan l-Anness sabiex jimlew il-Mudell EU INS2 ippreżentat fl-Anness I ta’ dan ir-Regolament ta’ Implimentazzjoni, b’applikazzjoni tal-punt (g) tal-Artikolu 438 CRR.

Referenzi legali u struzzjonijiet
Numru tar-ringiela	Spjegazzjoni
1	Rekwiżiti ta’ fondi proprji supplimentari tal-konglomerati finanzjarji (ammont) L-ammont ta’ rekwiżiti supplimentari tal-fondi proprji tal-konglomerat finanzjarju kkalkolat f’konformità mal-Artikolu 6 tad-Direttiva (KE) 2002/87 tal-Parlament Ewropew u tal-Kunsill (1) u mal-Anness I ta’ dik id-Direttiva fejn jiġu applikati l-metodi 1 jew 2 stabbiliti fl-Anness I.
2	Proporzjon tal-adegwatezza kapitali tal-konglomerat finanzjarju (%) Il-proporzjon tal-adegwatezza kapitali tal-konglomerat finanzjarju kkalkolat f’konformità mal-Artikolu 6 tad-Direttiva (KE) 2002/87 u mal-Anness I ta’ dik id-Direttiva fejn jiġu applikati l-metodi 1 jew 2 stabbiliti fl-Anness I.
(1) Id-Direttiva 2002/87/KE tal-Parlament Ewropew u tal-Kunsill tas-16 ta’ Diċembru 2002 dwar is-superviżjoni supplementari ta’ istituzzjonijiet ta’ kreditu dwar impriżi ta’ assigurazzjoni u ditti tal-investiment f’konglomerat finanzjarju u li temenda d-Direttivi tal-Kunsill 73/239/KEE, 79/267/KEE, 92/49/KEE, 92/96/KEE, 93/6/KEE u 93/22/KEE, u d-Direttivi 98/78/KE u 2000/12/KE tal-Parlament Ewropew u tal-Kunsill (ĠU L 35, 11.2.2003, p. 1)

Tabella EU OVC - Informazzjoni tal-ICAAP. Format flessibbli

6. L-istituzzjonijiet għandhom japplikaw l-istruzzjonijiet ipprovduti hawn taħt f’dan l-Anness sabiex jimlew it-tabella EU OVC kif ippreżentata fl-Anness I, b’applikazzjoni tal-punti (a) u (c) tal-Artikolu 438 CRR.

Referenzi legali u struzzjonijiet
Numru tar-ringiela	Spjegazzjoni
(a)	Approċċ għall-valutazzjoni tal-adegwatezza tal-kapital intern tagħhom L-istituzzjonijiet għandhom jiddikjaraw sommarju tal-approċċ tagħhom sabiex jivvalutaw l-adegwatezza tal-kapital intern tagħhom sabiex jappoġġaw attivitajiet kurrenti u futuri.
(b)	Fuq talba mill-awtorità kompetenti rilevanti, ir-riżultat tal-proċess ta’ valutazzjoni interna dwar l-adegwatezza tal-kapital tal-istituzzjoni Din l-informazzjoni għandha tiġi ddikjarata biss mill-istituzzjonijiet meta tkun meħtieġa mill-awtorità kompetenti rilevanti.

1. Ħarsa ġenerali

Titlu	Regolamentazzjoni

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 08.01.2023 00:00:00 -Doknr: CELEX:32021R0637
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.