Airteagal 1 2

(a)

sonraítear agus comhlánaítear na cearta atá ag daoine nádúrtha i ndáil le húsáid phríomhúil agus úsáid thánaisteach a sonraí leictreonacha pearsanta sláinte, arna leagan síos i Rialachán (AE) 2016/679;

(b)

leagtar síos rialacha comhchoiteanna maidir le córais ríomhthaifead sláinte (‘córais RTS’) i ndáil le dhá chomhpháirt bogearraí éigeantacha comhchuibhithe, eadhon an chomhpháirt bogearraí idir-inoibritheachta Eorpach do chórais RTS agus an ‘chomhpháirt logála Eorpach do chórais RTS’ mar a shainmhínítear in Airteagal 2(2), pointí (n) agus (o), faoi seach, agus d’fheidhmchláir folláine lena maítear a bheith idir-inoibritheach le córais RTS i ndáil leis an dá chomhpháirt bogearraí comhchuibhithe sin i ndáil le húsáid phríomhúil sonraí leictreonacha sláinte;

(c)

leagtar síos rialacha comhchoiteanna agus sásraí lena dtacaítear le húsáid phríomhúil sonraí leictreonacha sláinte agus úsáid thánaisteach sonraí leictreonacha sláinte;

(d)

bunaítear bonneagar trasteorann lena gcumasófar úsáid phríomhúil sonraí leictreonacha pearsanta sláinte ar fud an Aontais;

(e)

bunaítear bonneagar éigeantach trasteorann le haghaidh úsáid thánaisteach sonraí leictreonacha sláinte;

(f)

bunaítear sásraí rialachais agus comhordaithe ar leibhéal an Aontais agus ar an leibhéal náisiúnta le haghaidh úsáid phríomhúil sonraí leictreonacha sláinte agus úsáid thánaisteach sonraí leictreonacha sláinte.