Airteagal 68 1

(a)

tá na críocha a thuairiscítear san iarratas ar rochtain ar shonraí sláinte ag teacht le chéile le ceann amháin nó níos mó de na críocha a liostaítear in Airteagal 53(1);

(b)

tá na sonraí arna n-iarraidh riachtanach, leordhóthanach agus comhréireach chun na gcríoch a thuairiscítear san iarratas ar rochtain ar shonraí sláinte, agus an t-íoslaghdú sonraí agus na ceanglais maidir le teorannú críche dá bhforáiltear in Airteagal 66 á gcur san áireamh;

(c)

comhlíonann an phróiseáil Airteagal 6(1) de Rialachán (AE) 2016/679, agus, i gcás sonraí a bhfuil ainm bréige curtha i bhfeidhm orthu, tá údar leordhóthanach ann nach féidir an chríoch a bhaint amach le sonraí anaithnidithe;

(d)

tá an t-iarratasóir ar shonraí sláinte cáilithe i ndáil leis na críocha a beartaíodh chun sonraí a úsáid agus tá saineolas iomchuí aige, lena n-áirítear cáilíochtaí gairmiúla i réimsí an chúraim sláinte, an chúraim, na sláinte poiblí nó an taighde, atá comhsheasmhach le cleachtas eiticiúil agus leis na dlíthe agus na rialacháin is infheidhme;

(e)

léiríonn an t-iarratasóir ar shonraí sláinte bearta teicniúla agus eagraíochtúla leordhóthanacha chun cosc a chur ar mhí-úsáid a bhaint as na sonraí leictreonacha sláinte agus chun cearta agus leasanna an tsealbhóra sonraí sláinte agus na ndaoine nádúrtha lena mbaineann a chosaint;

(f)

leis an bhfaisnéis ar an measúnú dá dtagraítear in Airteagal 67(2), pointe (j), ar ghnéithe eiticiúla den phróiseáil, i gcás inarb infheidhme, comhlíontar an dlí náisiúnta;

(g)

i gcás ina bhfuil sé beartaithe ag an iarratasóir ar shonraí sláinte úsáid a bhaint as eisceacht faoi Airteagal 71(4), tá an bonn cirt a cheanglaítear leis an dlí náisiúnta arna ghlacadh de bhun an Airteagail sin curtha ar fáil;

(h)

tá na ceanglais eile uile sa Chaibidil seo á gcomhlíonadh ag an iarratasóir ar shonraí sláinte.