Ábhar

Sonraítear leis na treoirlínte seo freisin, i gcomhréir le hAirteagal 26(4) agus le hAirteagal 34(3) de Threoir 2019/2034, na beartais luach saothair atá fónta agus neodrach ó thaobh inscne de ar cheart iad a bheith i bhfeidhm ag gnólachtaí infheistíochta do gach ball foirne agus do na baill foirne uile a bhfuil tionchar ábhartha ag a ngníomhaíochtaí gairmiúla ar phróifíl riosca gnólachtaí infheistíochta nó ar na sócmhainní a bhainistíonn siad agus cur chun feidhme na maoluithe faoi mhír 4, faoi mhír 5, faoi mhír 6 d’Airteagal 32 de Threoir (AE) 2019/2034 a éascú.

Cé go gceanglaítear ar ghnólachtaí infheistíochta beartais maidir le luach saothair a bheith acu do gach ball foirne, tá ceanglais bhreise i bhfeidhm maidir le beartais luach saothair agus le luach saothair athraitheach ball foirne sainaitheanta. Féadfaidh gnólachtaí infheistíochta, as a stuaim féin, forálacha na dtreoirlínte seo i ndáil le baill foirne shainaitheanta a chur i bhfeidhm ar gach ball foirne dá gcuid.