Ábhar agus raon feidhme

Leagtar amach sna treoirlínte seo na céimeanna a ba cheart d’institiúidí creidmheasa agus airgeadais a ghlacadh agus réitigh á nglacadh nó á n-athbhreithniú acu chun a n-oibleagáidí faoi Airteagal 13(1) a chomhlíonadh faoi phointí (a), (b) agus (c) de Threoir (AE) 2015/849² chun cliaint nua a ionduchtú go cianda. Leagtar amach ann freisin na céimeanna a ba cheart d’institiúidí creidmheasa agus airgeadais a ghlacadh agus iad ag brath ar thríú páirtithe i gcomhréir le Caibidil I, Roinn 4 de Threoir (AE) 2015/849, agus na beartais, rialuithe agus nósanna imeachta a ba cheart d’institiúidí creidmheasa agus airgeadais a chur chun feidhme i ndáil le dícheall cuí cliant (CDD) dá dtagraítear in Airteagal 8(3) agus (4) pointe (a) de Threoir (AE) 2015/849 i gcás ina ndéantar na bearta CDD go cianda.

² Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le húsáid an chórais airgeadais a chosc chun críocha sciúradh airgid nó maoiniú sceimhlitheoirí.

Ba cheart d’údaráis inniúla aird a thabhairt ar na treoirlínte seo agus measúnú á dhéanamh acu an leor agus éifeachtach na bearta a ghlacann institiúidí creidmheasa agus airgeadais chun a n-oibleagáidí faoi Threoir (AE) 2015/849 a chomhlíonadh i gcomhthéacs cliaint a ionduchtú go cianda.