M EASÚNÚ RIOSCA

Ba cheart d’institiúidí creidmheasa agus airgeadais a mbeartais, a rialuithe agus a nósanna imeachta a bhunú ar bhealach a chuirfidh ar a gcumas fachtóirí riosca ábhartha a shainaithint agus measúnú a dhéanamh ar rioscaí ML/TF a bhaineann le caidrimh ghnó aonair i gcomhréir le treoirlínte an ÚBE maidir le fachtóirí riosca ML/TF.³ Mar chuid de sin, ba cheart d’institiúidí creidmheasa agus airgeadais idirdhealú a dhéanamh idir na rioscaí a bhaineann le catagóir áirithe custaiméirí agus na rioscaí a bhaineann le custaiméirí aonair a bhaineann leis an gcatagóir sin.

³ Treoirlínte maidir le dícheall cuí don chustaiméir agus na fachtóirí ba cheart d’institiúidí creidmheasa agus airgeadais a chur san áireamh nuair a bhíonn measúnú á dhéanamh ar an riosca um sciúradh airgid agus maoiniú sceimhlitheoireachta a bhaineann le caidreamh gnó aonair agus idirbhearta ócáideacha (‘Na Treoirlínte maidir le Fachtóirí Riosca ML/TF’) faoi Airteagal 17 agus Airteagal 18(4) de Threoir (AE) 2015/849, EBA/GL/2021/02.

Ba cheart d’institiúidí creidmheasa agus airgeadais a áirithiú nach mbeidh mar thoradh ar chur chun feidhme na mbeartas, na nósanna imeachta agus na rialuithe sin go ndiúltófaí nó go bhfoirceannfar caidrimh ghnó le catagóirí iomlána custaiméirí ar mheas siad go mbaineann riosca níos airde ML/TF leo.