40. Ba cheart d’eisitheoirí ARTanna agus CASPanna measúnú nó athmheasúnú a dhéanamh ar oiriúnacht …

Ba cheart d’eisitheoirí ARTanna agus CASPanna measúnú nó athmheasúnú a dhéanamh ar oiriúnacht an chomhlachta bainistíochta, agus ar oiriúnacht a chomhaltaí:

• a. nuair a dhéantar iarratas ar údarú sula gcuirtear tús leis na gníomhaíochtaí a bhfuil údarú ag teastáil ina leith;
• b. nuair a tharlaíonn athruithe ábhartha ar chomhdhéanamh an chomhlachta bainistíochta, lena n-áirítear:
• i. nuair a bhíonn comhaltaí nua den chomhlacht bainistíochta á gceapadh, lena n-áirítear i gcomhthéacs d’fháil dhíreach nó indíreach sealúchais cháilithigh nó i gcomhthéacs de mhéadú ar shealúchas cáilitheach in eisitheoir ARTanna nó CASP. Ba cheart an measúnú sin a theorannú do chomhaltaí nuacheaptha agus d’oiriúnacht chomhchoiteann an chomhlachta bainistíochta;
• ii. agus comhaltaí den chomhlacht bainistíochta á n-athcheapadh, má tá athrú tagtha ar riachtanais an phoist nó má cheaptar an comhalta chuig post eile laistigh den chomhlacht bainistíochta. Ba cheart an measúnú sin a theorannú do na comhaltaí sin a bhfuil athrú tagtha ar a bpost agus don anailís ar na gnéithe ábhartha, agus aon cheanglas breise maidir leis an bpost agus oiriúnacht chomhchoiteann an chomhlachta bainistíochta á gcur san áireamh;
• c. i gcás inar tharla athruithe ábhartha ar an tsamhail ghnó agus ar na gníomhaíochtaí gnó, ar fhorálacha bunúsacha dlí nó ar theicneolaíochtaí a úsáidtear;
• d. ar bhonn leanúnach, i bhfianaise aon fhíorais nó staide ábhartha nua. Go háirithe, ba cheart athmheasúnú a dhéanamh sna cásanna seo a leanas:
• i. nuair atá ábhair imní ann maidir le hoiriúnacht aonair nó chomhchoiteann chomhaltaí den chomhlacht bainistíochta;
• ii. i gcás ina bhféadfadh tionchar ábhartha a bheith ar chlú comhalta den chomhlacht bainistíochta, nó ar chlú eisitheora ARTanna nó CASPanna, lena n-áirítear cásanna nach gcomhlíonann comhaltaí beartas an ghnólachta maidir le coinbhleacht leasa;
• e. i gcás ina bhfuil forais réasúnacha amhrais ann go ndearnadh sciúradh airgid nó maoiniú sceimhlitheoireachta nó go bhfuil siad á ndéanamh nó go bhfuil iarracht á déanamh ina leith, lena mbaineann eisitheoir ARTanna nó CASP sin, nó i gcás ina bhfuarthas amach go bhfuil a oibleagáidí AML/CFT á sárú aige sa Bhallstát baile nó sa Bhallstát óstach nó i dtríú tír in aon teagmhas a d’fhéadfadh difear ábhartha a dhéanamh ar shlí eile d’oiriúnacht an chomhalta den chomhlacht bainistíochta.

1. Forbhreathnú

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA - Published by the European Banking Authority at https://www.eba.europa.eu/