Artikolu 4

il-kunjom (isem il-familja), l-ewwel isem jew l-ismijiet (l-ismijiet mogħtija);

id-data tat-twelid, is-sess u n-nazzjonalità;

it-tip u n-numru tad-dokument tal-ivvjaġġar u l-kodiċi bi tliet ittri tal-pajjiż li jkun ħareġ id-dokument tal-ivvjaġġar;

id-data tal-iskadenza tal-validità tad-dokument tal-ivvjaġġar;

in-numru li jidentifika reġistru tal-ismijiet tal-passiġġieri użat minn trasportatur bl-ajru biex isib passiġġier fis-sistema ta’ informazzjoni tiegħu (lokalizzatur tar-rekords tal-PNR);

l-informazzjoni dwar is-seating li tikkorrispondi għas-seat fl-inġenju tal-ajru assenjat lil passiġġier, meta tali informazzjoni tkun disponibbli;

in-numru jew numri tat-tag(s) tal-bagalji u l-għadd ta’ bagalji u l-piż tal-bagalji rreġistrati fiċ-check-in, meta tali informazzjoni tkun disponibbli;

kodiċi li jindika l-metodu użat biex tinġabar u tiġi vvalidata d-data msemmija fil-punti (a) sa (d).

in-numru ta’ identifikazzjoni tat-titjira jew, meta t-titjira jkollha l-kodiċi kondiviż bejn trasportaturi bl-ajru, in-numri ta’ identifikazzjoni tat-titjira, jew, jekk ma jkun jeżisti l-ebda numru bħal dan, mezzi oħra ċari u xierqa li bihom tiġi identifikata t-titjira;

fejn applikabbli, il-punt ta’ qsim tal-fruntiera tad-dħul fit-territorju tal-Istat Membru;

il-kodiċi tal-ajruport tal-wasla jew, meta t-titjira tkun ippjanata li tinżel l-art f’ajruport wieħed jew f’diversi ajruporti fit-territorji ta’ Stat Membru wieħed jew aktar li għalihom japplika dan ir-Regolament, il-kodiċijiet tal-ajruporti tal-waqfa fit-territorji tal-Istati Membri kkonċernati;

il-kodiċi tal-ajruport tat-tluq tat-titjira;

il-kodiċi tal-ajruport tal-punt inizjali tal-imbark, meta applikabbli;

id-data u l-ħin lokali tat-tluq;

id-data u l-ħin lokali tal-wasla;

id-dettalji ta’ kuntatt tat-trasportatur bl-ajru;

il-format użat għat-trasferiment tad-data.