9. Monitoring the stressed period

Minbarra l-analiżi regolari msemmija aktar ’il fuq, istituzzjoni għandu jkollha proċeduri fis-seħħ li jiżguraw, fuq bażi kontinwa, li l-perjodu ta’ stress speċifikat jibqa’ rappreżentattiv, anki meta l-kundizzjonijiet tas-suq jew l-għamliet tal-portafoll jkunu soġġetti għal bidla sinifikanti.

Sabiex jiġu implimentati proċeduri solidi għall-monitoraġġ kontinwu tar-rilevanza ta’ perjodu ta’ stress, istituzzjoni għandha tiddokumenta s-solidità tal-approċċ implimentat. Il-monitoraġġ jista’ jkun ibbażat fuq medda ta’ fatturi li jistgħu jvarjaw bejn l-istituzzjonijiet. Il-fatturi li għandhom jiġu kkunsidrati jinkludu bidliet fil-kundizzjonijiet tas-suq, fl-istrateġiji tan-negozjar jew anki fl-għażla tal-portafoll. Dawn il-fatturi jistgħu jiġu analizzati billi jitqabblu mal-bidliet fl-allokazzjoni tal-valuri jew nozzjonali tas-suq, fil- loadings tal-fatturi ta’ riskju, fil-livell tal-VaR jew sensittivitajiet, fil-qsim mill-ġdid tal-VaR jew sensittivitajiet fuq portafolli u kategoriji ta’ riskju, fil-P&L u r-riżultati ta’ ttestjar b’lura jew anki fl-impatt ta’ prodotti approvati reċentement fuq il-profil ta’ riskju.

Minbarra l-proċeduri msemmija aktar ’il fuq, il-monitoraġġ tal-VaR taħt Stress relatat mal-VaR għandu jsir fuq bażi kontinwa għaliex filwaqt li fit-teorija, minħabba d-differenzi ta’ parametrizzazzjoni, il-VaR taħt Stress jista’ jkun eċċezzjonalment iżgħar mill-VaR, anki fit-tnissil, fil-livell strutturali mhux dejjem għandu jkun hekk. Il-proporzjon bejn il-VaR taħt Stress u l-VaR fil-mument ta’ identifikazzoni tal-perjodu ta’ stress rilevanti għandu jintuża bħala valur ta’ referenza għal monitoraġġ kontinwu. Tnaqqis sinifikanti fil-proporzjon għandu jitqies bħala indikazzjonijiet għal ħtieġa potenzjali ta’ analiżi ta’ perjodu ta’ stress. Proporzjon bejn il-VaR taħt Stress u l-VaR ta’ inqas minn wieħed għandu jitqies bħala sinjal ta’ twissija li jġib miegħu analiżi tal-perjodu ta’ stress.

Ċ. Metodoloġija tal-VaR taħt Stress