Suġġett u kamp ta’ applikazzjoni

Dawn il-Linji Gwida jindirizzaw ir-rekwiżit tal-EBA li toħroġ Linji Gwida skont l-Artikolu 100(6) tad-Direttiva (UE) 2015/2366 tal-25 ta’ Novembru 2015 dwar is-servizzi ta’ ħlas fis-suq intern.

Dawn il-Linji Gwida japplikaw għall-ilmenti ppreżentati lill-awtoritajiet kompetenti fir-rigward tal-allegat ksur tal-fornituri ta’ servizzi ta’ ħlas tad-Direttiva (UE) 2015/2366 kif stipulat fl-Artikolu 99(1) tad-Direttiva. Dawn l-ilmenti għandhom jitqiesu mill-awtoritajiet kompetenti biex jiżguraw u jissorveljaw il-konformità effettiva mad-Direttiva (UE) 2015/2366, kif imsemmi fl-Artikolu 100(6) tad-Direttiva. Dawn l-ilmenti jistgħu jiġu ppreżentati mill-utenti ta’ servizz ta’ ħlas u partijiet interessati oħrajn, inklużi l-fornituri ta’ servizz ta’ ħlas li huma affettwati mis-sitwazzjoni(jiet) li tat(taw) lok għall-ilment u għall-assoċjazzjonijiet tal-konsumaturi (“ilmentaturi”).