17. Politiki ta’ remunerazzjoni

L- awtoritajiet kompetenti għandhom japplikaw approċċ ibbażat fuq ir -riskju meta jissorveljaw il-politiki u l-prattiki ta’ remunerazzjoni tad-ditti tal- investiment u jirrieżaminawhom f’konformità mal-linji gwida tal-EBA dwar il- proċess ta’ rieżami superviżorju.

L- awtoritajiet kompetenti għandhom jiżguraw fi ħdan ir - rieżami superviżorju tagħhom, filwaqt li jqisu dawn il -linji gwida, li d-ditti ta’ investiment jikkonformaw mar- rekwiżiti dwar il -politiki ta’ remunerazzjoni stabbiliti fid-Direttiva (UE) 2019/2034 u d- dispożizzjonijiet tal -RTS dwar il-persunal identifikat, inkluż li għandhom politiki ta’ remunerazzjoni newtrali għall - ġeneru xierqa għall - persunal kollu u għall -persunal identifikat.

L- awtoritajiet kompetenti għandhom jiżguraw li d -ditti ta’ investiment jallinjaw il-prattiki u l-politika ta’ remunerazzjoni tagħhom għall - istrateġija tan -negozju u l-interess fit-tul tad-ditta ta’ investiment filwaqt li jqisu l - istrateġija tan -negozju u tar-riskju, il-kultura korporattiva u l-valuri, u l-profil tar- riskju tagħha.

L- awtoritajiet kompetenti għandhom jiżguraw li l -politiki, il-prattiki u l- proċessi ta’ remunerazzjoni tad- ditti ta’ investiment ikunu xierqa, inkluż l - għoti ta’ remunerazzjoni varjabbli garantita, pagamenti ta’ terminazzjoni tal- impjieg u benefiċċji diskrezzjonarji tal - pensjoni.

L- awtoritajiet kompetenti għandhom jiżguraw li d - ditti ta’ investiment ikunu stabbilixxew proporzjon massimu xieraq bejn il -varjabbli u l-parti fissa tar-remunerazzjoni totali.

L- awtoritajiet kompetenti għandhom jirrieżaminaw id -differenza bejn il-pagi tal- irġiel u tan - nisa fi ħdan id -ditti ta’ investiment u jsegwu kwalunkwe indikazzjoni li l-politiki ta’ remunerazzjoni mhumiex newtrali għall - ġeneru.

L- awtoritajiet kompetenti għandhom ikunu sodisfatti bl - eżitu globali tal - proċess ta’ identifikazzjoni u għandhom jivvalutaw jekk il - membri kollha tal -persunal li l-attivitajiet tagħhom għandhom jew jista’ jkollhom impatt materajli fuq il -profil tar-riskju tad-ditta ta’ investiment jew tal- assi li tiġġestixxi ġewx identifikati u li kwalunkwe esklużjoni tal -persunal mill-kategorija tal-persunal identifikat, fejn il-persunal kien identifikat biss bil-kriterji kwantitattivi fl- RTS, huma raġunati sew u li l - proċessi rispettivi stabbiliti f’ dawn il-linji gwida u fl-RTS.

Mingħajr preġudizzju għal miżuri u sanzjonijiet superviżorji u dixxiplinari oħrajn, l -awtoritajiet kompetenti għandhom jitolbu lid - ditti ta’ investiment sabiex jieħdu azzjonijiet adegwati bil - għan li jirrimedjaw kwalunkwe nuqq as identifikat. Meta d-ditti ta’ investiment ma jikkonformawx ma’ talba bħal din, għandhom jittieħdu miżuri superviżorji xierqa. EBA Public