Airteagal 3 Ardán sonraí comhchoiteann maidir le ceimiceáin

1.   Déanfaidh ECHA ardán sonraí comhchoiteann maidir le ceimiceáin (‘an t-ardán sonraí comhchoiteann’) a bhunú agus a bhainistiú.

2.   Tabharfaidh an t-ardán sonraí comhchoiteann rochtain ar na sonraí ceimiceán uile:

3.   De mhaolú ar mhír 2, ní sholáthróidh an t-ardán sonraí comhchoiteann rochtain ar shonraí ceimiceán a bhaineann le táirgí íocshláinte don duine agus le táirgí íocshláinte tréidliachta mar chuid de chur chun feidhme ghníomhartha dlí an Aontais a liostaítear i gCuid 2 d’Iarscríbhinn I ach amháin más fíor an méid seo a leanas i leith na sonraí:

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 28 chun an méid seo a leanas a leasú:

5.   Ní áireofar an fhaisnéis seo a leanas san ardán sonraí comhchoiteann:

6.   Ní gá doiciméid a bhaineann le hobair inmheánach nó próisis chinnteoireachta na nÚdarás a áireamh san ardán sonraí comhchoiteann, mura gceanglaítear iad a áireamh de bhun Airteagal 10.

7.   Áiritheoidh ECHA go ndéanfar gach ceimiceán nó ábhar a bhfuil sonraí ceimiceán á n-óstáil ina leith ar an ardán sonraí comhchoiteann a shainaithint le haitheantóir teicniúil uathúil lena nasctar na sonraí ceimiceán uile maidir leis an gceimiceán nó leis an ábhar sin, agus, i gcás inar féidir agus ina bhfuil sé ar fáil, a struchtúr móilíneach a shonrú trí bhíthin nodaireacht cheimiceach, gan dochar d’aon cheanglais rúndachta sa ghníomh tionscnaimh de chuid an Aontais.

8.   Soláthróidh an t-ardán sonraí comhchoiteann na seirbhísí tiomnaithe arna sainaithint sa scéim rialachais dá dtagraítear in Airteagal 4(3) lena n-áirítear:

Beidh cúlra agus faisnéis mhíniúcháin iomchuí san ardán sonraí comhchoiteann chun é a dhéanamh níos éasca do na hÚdaráis agus don phobal na sonraí sin a úsáid ar bhealach feasach.

9.   Beidh rochtain éasca agus saor in aisce ag na hÚdaráis agus ag an bpobal, i gcomhréir le hAirteagal 19, ar na sonraí atá ar an ardán sonraí comhchoiteann, agus ar aon sonraí gaolmhara comhthéacs dá dtagraítear in Airteagal 4(5), pointe (c). I gcás inar ghin na hÚdaráis na sonraí, áireofar sna sonraí comhthéacs léiriú chuige sin.

10.   Beidh feidhm ag Airteagal 20 maidir le húsáid na sonraí atá ar an ardán sonraí comhchoiteann ag na hÚdaráis.

11.   Cuirfear na sonraí atá ar an ardán sonraí comhchoiteann ar fáil i bhformáid chaighdeánach, agus trí fhoclóirí rialaithe, i gcás ina bhfuil siad ar fáil.

12.   Beidh na sonraí atá ar an ardán sonraí comhchoiteann inrochtana agus inchuardaithe go leictreonach. Déanfaidh ECHA bearta chun ardchaighdeán slándála a áirithiú atá iomchuí do na rioscaí slándála a eascraíonn as stóráil sonraí ceimiceán san ardán sonraí comhchoiteann. Déanfaidh na Gníomhaireachtaí ábhartha bearta i gcomhar le ECHA chun a áirithiú go dtarchuirfear sonraí ceimiceán go slán chuig an ardán sonraí comhchoiteann. Déanfaidh ECHA an t-ardán sonraí comhchoiteann a dhearadh ar bhealach a rathaíonn go bhfuil aon rochtain ar shonraí rúnda in-iniúchta.

13.   An Coimisiún nó na Gníomhaireachtaí ar faoina n-údarás a áirítear sonraí ceimiceán san ardán sonraí comhchoiteann, beidh siad freagrach as aon iarrataí ar rochtain ar dhoiciméid a láimhseáil faoi Rialachán (CE) Uimh. 1049/2001.

14.   Bunófar an t-ardán sonraí comhchoiteann agus a sheirbhísí tiomnaithe faoin 2 Eanáir 2029, mura sonraítear a mhalairt.

Faoin 2 Eanáir 2029 beidh ar a laghad na tacair sonraí mar a leagtar amach in Iarscríbhinn IV san ardán sonraí comhchoiteann.

Déanfar tacair sonraí ábhartha eile, lena n-áirítear sonraí ceimiceán arna nginiúint nó arna gcur isteach roimh an 1 Eanáir 2026, a ionchorprú de réir a chéile san ardán sonraí comhchoiteann faoin 2 Eanáir 2036 i gcomhréir leis an bplean cur chun feidhme dá dtagraítear in Airteagal 4(1). Sonraí ceimiceán a bhaineann le táirgí íocshláinte don duine agus táirgí íocshláinte tréidliachta, mar a shonraítear i mír 3, pointí (a), (b) agus (c) den Airteagal seo, ar toradh iad ar nósanna imeachta a tugadh i gcrích roimh an 1 Eanáir 2026, déanfar iad a ionchorprú de réir a chéile san ardán sonraí comhchoiteann ón 2 Eanáir 2032.

Nuair a fhaigheann ECHA sonraí ceimiceán i gcomhréir le hAirteagal 5 a bhaineann le tacar sonraí atá ionchorpraithe cheana féin, cuirfidh sé na sonraí sin ar fáil tríd an ardán sonraí comhchoiteann laistigh de 90 lá tar éis dó iad a fháil.