Artikolu 3 Pjattaforma Komuni tad-Data dwar is-Sustanzi Kimiċi

1.   L-ECHA għandha tistabbilixxi u tiġġestixxi pjattaforma komuni tad-data dwar is-sustanzi kimiċi (il-“pjattaforma komuni tad-data”).

2.   Il-pjattaforma komuni tad-data għandha tipprovdi aċċess għad-data dwar sustanzi kimiċi kollha:

3.   B’deroga mill-paragrafu 2, il-pjattaforma komuni tad-data għandha tipprovdi aċċess għad-data dwar sustanzi kimiċi relatata ma’ prodotti mediċinali tal-bniedem u veterinarji bħala parti mill-implimentazzjoni tal-atti legali tal-Unjoni elenkati fl-Anness I, il-Parti 2, unikament jekk tali data:

4.   Il-Kummissjoni għandha s-setgħa tadotta atti delegati f’konformità mal-Artikolu 28 biex temenda:

5.   L-informazzjoni li ġejja ma għandhiex tiġi inkluża fil-pjattaforma komuni tad-data:

6.   Id-dokumenti relatati mal-ħidma interna tal-Awtoritajiet jew mal-proċessi tat-teħid tad-deċiżjonijiet ma għandhomx għalfejn jiġu inklużi fil-pjattaforma komuni tad-data, sakemm ma jkunx meħtieġ li jiġu inklużi skont l-Artikolu 10.

7.   L-ECHA għandha tiżgura li kull sustanza kimika jew materjal li għalihom tkun ospitata data dwar sustanzi kimiċi fuq il-pjattaforma komuni tad-data jiġu identifikati minn identifikatur tekniku uniku li jgħaqqad id-data kollha dwar sustanzi kimiċi dwar dik is-sustanza kimika jew dak il-materjal, u, fejn possibbli u disponibbli, billi jispeċifika l-istruttura molekulari tagħhom permezz ta’ notazzjoni kimika, mingħajr preġudizzju għal kwalunkwe rekwiżit ta’ kunfidenzjalità fl-att oriġinarju tal-Unjoni.

8.   Il-pjattaforma komuni tad-data għandha tipprovdi s-servizzi ddedikati identifikati fl-iskema ta’ governanza msemmija fl-Artikolu 4(3) inkluż:

Il-pjattaforma komuni tad-data għandu jkun fiha informazzjoni ta’ sfond u ta’ spjegazzjoni xierqa sabiex tagħmilha aktar faċli għall-Awtoritajiet u għall-pubbliku biex jużaw dik id-data b’mod infurmat.

9.   L-awtoritajiet u l-pubbliku għandu jkollhom, f’konformità mal-Artikolu 19, aċċess faċli, mingħajr ħlas, għad-data li tinsab fil-pjattaforma komuni tad-data, kif ukoll għal kwalunkwe data ta’ kuntest relatata kif imsemmi fl-Artikolu 4(5), il-punt (c). Meta d-data tkun ġiet iġġenerata mill-Awtoritajiet, id-data ta’ kuntest għandha tinkludi indikazzjoni f’dak is-sens.

10.   L-Artikolu 20 għandu japplika għall-użu tad-data li tinsab fil-pjattaforma komuni tad-data mill-Awtoritajiet.

11.   Id-data li tinsab fil-pjattaforma komuni tad-data għandha tkun disponibbli f’formati standard, u permezz ta’ vokabularji kkontrollati, fejn disponibbli.

12.   Id-data li tinsab fil-pjattaforma komuni tad-data għandha tkun aċċessibbli b’mod elettroniku u għandha tkun tista’ tiġi mfittxija bl-istess mod. L-ECHA għandha tieħu miżuri biex tiżgura standard għoli ta’ sigurtà xieraq għar-riskji ta’ sigurtà li jirriżultaw mill-ħżin ta’ data dwar sustanzi kimiċi fil-pjattaforma komuni tad-data. L-aġenziji rilevanti għandhom jieħdu miżuri f’kooperazzjoni mal-ECHA biex jiżguraw li d-data dwar sustanzi kimiċi tiġi trażmessa b’mod sigur lill-pjattaforma komuni tad-data. L-ECHA għandha tfassal il-pjattaforma komuni tad-data b’mod li jiggarantixxi li kwalunkwe aċċess għal data kunfidenzjali jkun jista’ jiġi awditjat.

13.   Il-Kummissjoni jew l-Aġenziji li taħt l-awtorità tagħhom id-data dwar sustanzi kimiċi tiġi inkluża fil-pjattaforma komuni tad-data għandhom jibqgħu responsabbli għall-immaniġġjar ta’ kwalunkwe talba għall-aċċess għad-dokumenti magħmula skont ir-Regolament (KE) Nru 1049/2001.

14.   Il-pjattaforma komuni tad-data u s-servizzi ddedikati tagħha għandhom jiġu stabbiliti sat-2 ta’ Jannar 2029, sakemm ma jkunx speċifikat mod ieħor.

Sat-2 ta’ Jannar 2029 il-pjattaforma komuni tad-data għandu jkun fiha mill-anqas is-settijiet tad-data kif stabbilit fl-Anness IV.

Settijiet tad-data rilevanti oħra, inkluż data dwar sustanzi kimiċi ġġenerata jew sottomessa qabel l-1 ta’ Jannar 2026, għandhom jiġu inkorporati progressivament fil-pjattaforma komuni tad-data sat-2 ta’ Jannar 2036 f’konformità mal-pjan ta’ implimentazzjoni msemmi fl-Artikolu 4(1). Id-data dwar sustanzi kimiċi relatata ma’ prodotti mediċinali tal-bniedem u veterinarji, kif speċifikat fil-paragrafu 3, il-punti (a), (b) u (c), ta’ dan l-Artikolu, li tirriżulta minn proċeduri li ġew konklużi qabel l-1 ta’ Jannar 2026, għandha tiġi inkorporata progressivament fil-pjattaforma komuni tad-data mit-2 ta’ Jannar 2032.

Meta l-ECHA tirċievi data dwar sustanzi kimiċi f’konformità mal-Artikolu 5 li tappartjeni għal sett tad-data li jkun diġà ġie inkorporat, hija għandha tagħmel dik id-data disponibbli permezz tal-pjattaforma komuni tad-data fi żmien 90 jum minn meta tirċeviha.