IARSCRÍBHINN VII Nós imeachta um measúnú comhréireachta

2.   Doiciméadacht theicniúil

Is é an monaróir a bhunóidh an doiciméadacht theicniúil. De bhíthin na doiciméadachta sin, féadfar measúnú a dhéanamh ar chomhréireacht na pacáistíochta leis na ceanglais; áireofar sa doiciméadacht anailís agus measúnú leordhóthanach ar na rioscaí neamhchomhréireachta.

Sonrófar sa doiciméadacht theicniúil na ceanglais is infheidhme agus cumhdófar inti, a mhéid is ábhartha don mheasúnú, dearadh, monarú agus oibriú na pacáistíochta. Beidh na gnéithe seo a leanas ar a laghad ar áireamh, cibé acu is infheidhme, sa doiciméadacht theicniúil:

3.   Monaraíocht

Déanfaidh an monaróir na bearta uile is gá ionas go n-áiritheoidh an próiseas monaraíochta agus an faireachán a dhéanfar air go gcomhlíonfar leis an bpacáistíocht mhonaraithe an doiciméadacht theicniúil dá dtagraítear i bpointe 2 agus na ceanglais dá dtagraítear i bpointe 1.

4.   Dearbhú comhréireachta

Tarraingeoidh an monaróir suas dearbhú comhréireachta i scríbhinn le haghaidh gach cineál pacáistíochta agus coimeádfaidh sé é i dteannta na doiciméadachta teicniúla lena chur ar fáil do na húdaráis náisiúnta go ceann 5 bliana tar éis pacáistíocht aon úsáide a chur ar an margadh, agus 10 mbliana tar éis pacáistíocht in-athúsáidte a chur ar an margadh. Leis an dearbhú comhréireachta, sainaithneofar an phacáistíocht ar lena haghaidh a tarraingíodh suas í.

Cuirfear cóip den dearbhú comhréireachta ar fáil do na húdaráis ábhartha arna iarraidh sin.

5.   Ionadaí údaraithe

Féadfaidh ionadaí údaraithe an mhonaróra a oibleagáidí a leagtar amach i bpointe 4, a mhéid a bhaineann leis an doiciméadacht theicniúil a choinneáil, a chomhlíonadh thar ceann an mhonaróra agus faoina fhreagracht, ar choinníoll go sonraítear na hoibleagáidí sa sainordú.