2.3.1 Comhdhéanamh an choiste luach saothair

I gcomhréir le hAirteagal 33(1) de Threoir (AE) 2019/2034, tá an coiste luach saothair comhdhéanta de chomhaltaí an chomhlachta bainistíochta nach bhfuil aon fheidhm feidhmiúcháin acu agus, nuair is infheidhme, d’ionadaithe fostaithe. Ní mheastar ach na baill foirne siúd mar chomhaltaí den choiste luach saothair, fiú i gcás go nglacfadh baill foirne eile páirt ina gcruinnithe. Caithfidh an coiste luach saothair a bheith comhionann ó thaobh inscne de.

Ba cheart go gcáileodh cathaoirleach agus tromlach chomhaltaí an choiste luach saothair mar a bheith neamhspleách¹³ . Má dhéantar foráil sa dlí náisiúnta d’ionadaíocht fostaithe ar an gcomhlacht bainistíochta, ní foláir go mbeidh ionadaí fostaí amháin nó níos mó ann. I gcás nach bhfuil líon leordhóthanach comhaltaí neamhspleácha ann, ba cheart do ghnólachtaí EBA Public

infheistíochta a bheith an-chúramach agus bearta eile á gcur chun feidhme acu chun coinbhleachtaí leasa i gcinntí maidir le saincheisteanna luach saothair a theorannú.

¹³ Neamhspleáchas mar atá leagtha amach i dtreoirlínte an ÚBE maidir le rialachas inmheánach pointe 5.6 agus féach freisin treoirlínte comhpháirteacha ÚBE-ÚEUM maidir le measúnú ar oiriúnacht chomhaltaí an chomhlachta bainistíochta agus sealbhóirí príomhfheidhmeanna

Ba cheart go mbeadh eolas iomchuí, saineolas agus taithí ghairmiúil iomchuí ag comhaltaí an choiste luach saothair i dteannta a chéile maidir le beartais agus cleachtais luach saothair, gníomhaíochtaí bainistíochta agus rialaithe riosca, eadhon maidir leis an sásra chun an struchtúr luach saothair a ailíniú le próifílí riosca agus caipitil gnólachtaí infheistíochta.