8. Sonraíochtaí breise maidir le cur isteach sonraí na bearna pá idir na hinscní in IarscríbhinnV

Ba cheart do ghnólachtaí infheistíochta atá rannpháirteach i mbeart tagarmharcála na bearna pá idir na hinscní an bhearna phá idir na hinscní a ríomh ar a mbonn aonair, ag cur san áireamh a bhfoireann go léir, lena n-áirítear baill foirne atá ag obair i mbrainsí sa Bhallstát céanna, atá gníomhach go príomha sa Bhallstát ina bhfuil an gnólacht nfheistíochta bunaithe. Níor cheart baill foirne atá lonnaithe go príomha i mbrainsí i mBallstát eile nó i dtríú tír a chur san áireamh.

Ba cheart do ghnólachtaí infheistíochta liosta den fhoireann ar fad a bhunú agus a chinneadh cé acu baill foirne ar cheart a áireamh i ríomh na bearna pá idir na hinscní, i gcomhréir leis na critéir seo a leanas:

• a. Ba cheart an bhearna phá idir na hinscní a ríomh le haghaidh na mball foirne atá ina mball foirne ag deireadh na bliana airgeadais, i.e. ní chuirtear san áireamh sa bheart seo baill foirne a d’fhág an gnólacht infheistíochta le linn na bliana airgeadais.
• b. Ba cheart baill foirne a fhaigheann níos lú ná a ngnáthluach saothair iomlán bliantúil toisc go raibh siad ag deireadh na bliana airgeadais ar aon chineál saoire do thuismitheoirí, saoire bhreoiteachta fadtéarmach nó saoire speisialta fadtéarmach a eisiamh ón mbeart; ba cheart saoire fhadtéarmach a thuiscint mar shaoire ar feadh tréimhse comhleanúnach de thrí mhí ar a laghad.
• c. Níor cheart baill foirne a earcaíodh le linn na dtrí mhí deiridh den bhliain airgeadais a chur san áireamh sa bheart seo.
• d. Ba cheart caitheamh le baill den chomhlacht bainistíochta san fheidhm bhainistíochta mar bhaill foirne agus mar bhaill foirne shainaitheanta.
• e. Níor cheart baill den chomhlacht bainistíochta san fheidhm mhaoirseachta a áireamh sa ríomh, mura ionadaithe fostaithe iad.
• f. Ba cheart baill an chomhlachta bainistíochta ina fheidhm mhaoirseachta atá ina n-ionadaithe fostaithe a chur san áireamh sa ríomh mar bhaill foirne agus níor cheart iad a chur san áireamh sa ríomh do bhaill foirne sainaitheanta ach amháin más baill foirne sainaitheanta iad bunaithe ar an bhfeidhm atá acu mar bhall foirne.

Ba cheart an bhearna phá idir na hinscní a ríomh mar an difríocht idir meánluach saothair na bhfear agus na mban arna chur in iúl mar chéatadán de mheánluach saothair na bhfear. Ba cheart do ghnólachtaí infheistíochta oll-luach saothair bliantúil na foirne ar bhonn coibhéiseach EBA Public

lánaimseartha a úsáid don ríomh. I gcomhréir le Treoirlínte an ÚBE maidir le beartais fhónta luach saothair, ba cheart do ghnólachtaí infheistíochta an luach saothair iomlán a dámhadh a mheas agus freisin, ar bhonn na hiarrachta is fearr, na socruithe ama oibre, tréimhsí saoire bliantúla agus sochair eile airgeadais agus neamhairgeadais agus an bhearna phá idir na hinscní á ríomh, agus forálacha na míre seo a leanas á gcur san áireamh.

I gcás gach ball foirne ar cheart a áireamh i ríomh na bearna pá idir na hinscní i gcomhréir le mír 40, ba cheart don ghnólacht infheistíochta a n-ollluach saothair iomlán bliantúil a bhunú mar shuim an luacha saothair sheasta agus athraithigh, ag cur na nithe seo a leanas san áireamh:

• a. Ba cheart sochair neamhairgeadaíochta (e.g. carr cuideachta, iasachtaí saor ó ús, kindergarten cuideachta saor in aisce, etc.) a chur san áireamh ag a gcoibhéis airgeadaíochta ar a ngearrtar cáin.
• b. Níor cheart íocaíochtaí rialta isteach sa chóras pinsin agus árachas sláinte do gach ball foirne a chur san áireamh. Ba cheart sochair phinsin lánroghnacha a chur san áireamh.
• c. Ba cheart an luach saothair athraitheach iomlán a dámhadh do na tréimhsí feidhmíochta uile a chríochnaigh le linn na bliana airgeadais ar a bhfuil an ríomh bunaithe a úsáid, fiú má bhaineann siad le tréimhsí feidhmíochta níos faide ná bliain amháin.
• d. Níor cheart luach saothair athraitheach ráthaithe (bónas sínithe) agus scaoilíocaíochtaí (e.g. i gcás nach bhfuil deireadh fós le conradh foirne ag deireadh na bliana airgeadais) a chur san áireamh sa ríomh.
• e. Maidir le baill foirne a bhí ag obair go páirtaimseartha, lena n-áirítear le haghaidh codanna den bhliain airgeadais, nó nár fostaíodh don bhliain airgeadais iomlán nó a bhí ar chineálacha eile saoire eile le linn codanna den bhliain (e.g. saoire neamhíoctha nó saoire thuismitheoireachta), ba cheart méid iomlán bliantúil an luacha saothair athraithigh agus seasta a bhunú ar bhonn na hiarrachta is fearr a bheadh faighte ag an bhfoireann dá n-íocfaí iad ar bhonn lánaimseartha don bhliain airgeadais ar fad. D’fhéadfadh gnólachtaí infheistíochta na méideanna a ríomh tríd an luach saothair a eachtarshuíomh, e.g. a dhámhtar le haghaidh fostaíocht pháirtaimseartha, go dtí an t-ollluach saothair iomlán ar bhonn lánaimseartha bliantúil (e.g. mhéadófaí luach saothair na foirne a oibríonn ar chonradh páirtaimseartha 50% faoi dhó chun an luach saothair iomlán bliantúil a fháil).

Ba cheart do ghnólachtaí infheistíochta an bhearna phá idir na hinscní a ríomh do gach ball foirne (lena n-áirítear baill foirne sainaitheanta, arna sainaithint ar bhonn aonair) agus go leithleach dá mbaill foirne shainaitheanta. Ba cheart do ghnólachtaí infheistíochta, i gcomhréir leis an dlí náisiúnta agus an GDPR, gach iarracht réasúnach a dhéanamh chun inscne a mball foirne a chinneadh. Féadfaidh gnólachtaí infheistíochta baill foirne nach féidir a n-inscne a fháil amach a fhágáil ar lár.

Ba cheart do ghnólachtaí infheistíochta a bhfuil 250 ball foirne nó níos mó acu an bhearna phá idir na hinscní a ríomh do gach ceathairíl dá luach saothair iomlán agus san iomlán. Níor cheart do ghnólachtaí infheistíochta a bhfuil níos lú ná 250 ball foirne acu sonraí na bearna pá idir na hinscní a chur isteach ach má bhíonn sé bunaithe ar na figiúirí iomlána don fhoireann ar fad. Ba cheart do EBA Public

ghnólachtaí infheistíochta a bhfuil 250 ball foirne nó níos mó acu an bhearna phá idir na hinscní a ríomh do gach ceathairíl dá luach saothair iomlán agus san iomlán. Níor cheart do ghnólachtaí infheistíochta a bhfuil níos lú ná 250 ball foirne acu sonraí na bearna pá idir na hinscní a chur isteach ach amháin má tá sé bunaithe ar na figiúirí iomlána don fhoireann ar fad.

Ba cheart do ghnólachtaí infheistíochta an bhearna phá idir na hinscní a ríomh i dtéarmaí ionadaíocht gach inscne mar chéatadán den fhoireann fhireann agus bhaineann bunaithe ar líon na foirne go léir agus na foirne sainaitheanta go léir faoi seach – i gcás inarb infheidhme faoi mhír 45, in aghaidh an cheathairíl – trína ndéanfadh céatadáin na hionadaíochta firinne agus baininne, i dteannta a chéile, i gcás inarbh infheidhme, 100.00% do gach ceathairíl arna ríomh agus do na figiúirí iomlána don fhoireann ar fad agus don fhoireann shainaitheanta.

Ba cheart an bhearna phá idir na hinscní atá bunaithe ar ollluach saothair a chur in iúl mar an difríocht idir leibhéil luach saothair na mball foirne fireann agus baineann, mar:

• a. an difríocht idir meánluach saothair na bhfear agus meánluach saothair na mban, arna shloinneadh mar chéatadán de mheánluach saothair na bhfear; agus
• b. an difríocht idir luach saothair airmheánach na bhfear agus luach saothair airmheánach na mban, arna shloinneadh mar chéatadán de luach saothair airmheánach na bhfear.⁶

⁶ An bhearna phá idir na hinscní ina céatadán = (meánluach saothair na bhfear – meánluach saothair na mban)*100/ meánluach saothair na bhfear

Ba cheart do ghnólachtaí infheistíochta na treoracha seo a leanas a chomhlíonadh agus an ríomh á ullmhú acu:

• a. Ba cheart luach saothair na mball foirne (beag beann ar a n-inscne) a rangú de réir méide, ag tosú leis an méid is ísle. Ba cheart gach méid luacha saothair do bhall foirne a leithdháileadh ar an inscne fhireann nó bhaineann agus ba chóir a thaifeadadh cibé an mbaineann an ball foirne leis an bhfoireann shainaitheanta nó nach mbaineann.
• b. Ba cheart baill foirne d’inscne atá difriúil ón inscne fhireann nó bhaineann a leithdháileadh ar an inscne a n-aithníonn siad léi nó, mura bhfuil sé seo ar eolas nó má tá sé difriúil ón inscne fhireann nó bhaineann, ba cheart na baill foirne sin a leithdháileadh ar an inscne fhireann nó bhaineann a bhfuil an líon is ísle ball foirne ann san iomlán.
• c. Ba cheart an liosta foirne bunaithe, i gcás inarb infheidhme faoi mhír 45, a dheighilt ina cheathairíleanna.
• d. Ba cheart airmheán agus meán luacha saothair gach ball foirne firinne agus baininne, agus go leithleach d’fhoireann shainaitheanta fhireann agus bhaineann, a ríomh ina iomláine agus, i gcás inarb infheidhme faoi mhír 45, do gach ceathairíl.

Ba cheart na figiúirí go léir a chur isteach mar chéatadáin le dhá ionad dheachúlacha (e.g. ‘17.23%’ nó ‘- 17.23%’ i gcás luach diúltach). I gcás nach féidir an bhearna phá idir na hinscní do chatagóir amháin a ríomh, toisc nach bhfuil ann ach baill foirne baineanna, ba cheart an luach 'N/bh' a EBA Public

shannadh don phointe sonraí in Iarscríbhinn V, i gcás nach bhfuil ann ach baill foirne fireanna ba cheart go dtaispeánfadh an toradh '100.00 %'.