10.3 Beartas caipitil a chur i bhfeidhm

Ba cheart d’údaráis inniúla ceanglais maidir le cistí dílse breise a fhorchur agus ionchais maidir le cistí dílse a bhunú trí P2R agus P2G a shonrú de réir Theideal 7.

D’ainneoin na gceanglas dá dtagraítear dóibh sa mhír roimhe seo, féadfaidh údaráis inniúla, bunaithe ar na leochaileachtaí agus ar na heasnaimh a sainaithníodh sa mheasúnú ar ghnéithe SREP, bearta caipitil breise a fhorchur lena n-áirítear:

• a. a cheangal ar an ngnólacht infheistíochta glanbhrabúis a úsáid chun cistí dílse a neartú de réir Airteagal 39(2), pointe (h) de Threoir (AE) 2019/2034;
• b. dáileacháin nó íocaíochtaí úis ón gnólacht infheistíochta chuig scairshealbhóirí, comhaltaí nó sealbhóirí ionstraimí breise Leibhéal 1 a shrianadh nó a thoirmeasc sa chás nach ionann toirmeasc den sórt sin agus teagmhas mainneachtana de chuid an ghnólachta infheistíochta de réir Airteagal 39(2), pointe (i) de Threoir (AE) 2019/2034; agus/nó
• c. a cheangal go gcuireann an gnólacht infheistíochta beartas sonrach soláthair i bhfeidhm nó cóireáil sócmhainní i dtéarmaí ceanglas maidir le cistí dílse de réir Airteagal 39(2), pointe (d) de Threoir (AE) 2013/2034.

Más rud é, i ndiaidh dul i mbun idirchaidrimh leis an maoirseoir AML/CFT, nach mór do na húdaráis inniúla déileáil le heasnaimh stuamachta/leochaileachtaí a bhaineann le rioscaí ML/TF mar thoradh ar mheasúnú ar ghnéithe SREP, ba cheart d’údaráis inniúla iad sin a áireamh ina mbreithniucháin nuair a bhíonn ceanglas maidir le cistí dílse breise á shonrú sa chás go mbreithnítear go bhfuil sé seo níos oiriúnaí ná bearta maoirseachta eile. Má fhorchuirtear ceanglas breise maidir le cistí dílse breise, ba cheart iad a úsáid mar bheart eatramhach fad is atá aghaidh á tabhairt ar na heasnaimh