F ORÁLACHA A BHAINEANN GO SONRACH LEIS AN IDIRGHNÍOMHÚ LE T REOIR 2014/92/AE

Maidir leis an gceart chun rochtain a fháil ar chuntas íocaíochta a bhfuil gnéithe bunúsacha aige i gcomhréir le hAirteagal 16(2) agus le hAirteagal 17 de Threoir 2014/92/AE, ba cheart d’institiúidí creidmheasa a bhfuil oibleagáid orthu cuntais bhunúsacha den sórt sin a thairiscint a leagan amach ina mbeartais agus ina nósanna imeachta maidir le hoscailt cuntas íocaíochta conas is féidir leo a gceanglais díchill chuí do chustaiméirí a choigeartú chun a chur san áireamh go gcabhraíonn feidhmiúlachtaí teoranta cuntais íocaíochta bhunúsach leis an riosca a mhaolú go bhféadfadh an custaiméir mí-úsáid a bhaint as na táirgí agus na seirbhísí sin chun críocha coireachta airgeadais.

Agus rochtain neamh-idirdhealaitheach ar chuntas íocaíochta bunúsach á háirithiú faoi Airteagal 15 de Threoir 2014/92/AE, ba cheart d’institiúidí creidmheasa a áirithiú, i gcás ina bhfuil réitigh ionduchtaithe dhigiteacha i bhfeidhm, go gcomhlíonann siad an treoir thuasluaite agus na treoirlínte sin agus nach dtáirgtear diúltú uathoibrithe leis na réitigh dhigiteacha, rud a bheadh ag teacht salach ar an treoir agus ar na treoirlínte sin.

Le himeacht ama agus de réir mar a fhásann an tuiscint atá acu ar an riosca ML/TF a bhaineann le caidreamh gnó aonair, ba cheart d’institiúidí creidmheasa an measúnú riosca aonair ar an gcustaiméir a thabhairt cothrom le dáta agus coigeartú a dhéanamh ar mhéid an fhaireacháin agus ar na cineálacha táirgí agus seirbhísí a bhfuil an custaiméir sin incháilithe dóibh.